بعد وفاة ابويا
رجعت البيت ودموعي على خدي، بس المرة دي مش دموع حزن.. دي كانت دموع راحة وفخر.
أول ما فتحت باب الشقة، لقيت الجو جو احتفال!
شريف قاعد في الصالة، وأمه ماجدة وأخته مروة قاعدين معاه، وجايبين غدا جاهز وعصاير ومقضينها ضحك وهزار!
أول ما دخلت، مروة قامت وقفت وقالت بصوت عالي:
– “أهو المليونيرة وصلت! أهلاً يا سيدة الأعمال!”
وحماتي ماجدة ابتسمت وقالت:
– “تعالي يا شرين يا حبيبتي اقعدي استريحي.. شريف كان بيكلمنا عن الشقة اللي اتفرج عليها في التجمع، حاجة كده خيال! مساحة 250 متر وفيها جاردن صغيرة، والراجل السمسار مستني العربون بكره.”
وشريف قام بفرك إيديه ببعض بلهفة:
– “ها يا شرين! عملتي إيه عند المحامي؟ أخدتي أرقام الحسابات؟ الشيكات هتطلع إمتى؟”
قعدت على الكرسي ببطء شديد، حطيت شنطتي على الطاولة، وبصيت لهم هما التلاتة واحد واحد.
الهدوء اللي كان في وشي خافهم شوية.. الضحك بدأ يختفي بالتدريج.
– “مالك يا شرين؟ ساكتة ليه؟ المحامي قالِك إيه؟” شريف سأل بنبرة فيها قلق.
– “المحامي فتح ملف التركة يا شريف.. وقرأ عليا الوصية وإجراءات التركة.”
– “جميل! كم الرقم النهائياً؟”
– “بابا الله يرحمه عمل تصرف قانوني محدد قبل ما يتوفى بست شهور.”
حماتي قربت وشها وقالت بفضول: “تصرف إيه يا حبيبتي؟ كتبلك العمارة باسمك؟”
– “لا يا طنط.. بابا عمل صندوق استثماري مغلق ووقف عائلي لكل أملاكه وثروته.”
شريف حواجبة اتعقدت: “يعني إيه صندوق مغلق؟ يعني الفلوس فين؟”
– “يعني الفلوس كلها محبوسة في بنوك وأذون خزينة وعقارات إدارية، ومفيش جنييييييه واحد كاش هيطلع من أصل الثروة!”
مروة شهقت: “يعني إيه مفيش كاش؟! والـ 200 ألف دولار بتوع مشروعي وديوني؟!”
شريف وقف على حيلو وصوته بدأ يعلى: “أنتِ بتقولي إيه يا شرين؟! أومال الفلوس دي تروح فين؟ ومين اللي يتصرف فيها؟!”
رديت ببرود تام وأنا حاطة رجل على رجل:
– “الفلوس بتطلع عائد شهري فقط.. أرباح ينزل في حسابي أنا الشخصي، بمبلغ ثابت كل شهر، يصرف عليا وعلى بيتي وعيالي فقط!”
شريف وشه اتخطف وبقى أصفر زي الليمونة:
– “عائد شهري؟! والـ 45 مليون بتوع الشركة؟! فينهم؟!”
– “موجودين في البنك محفوضين.. ولا يجوز سحب جنيه واحد منهم، ولا يجوز بيع أي أصل من أصول التركة.”
حماتي ماجدة قامت وقفت وهي متضايقة جداً:
