عملنا قعدة عرب
عملنا قعدت عرب واتحكملى فيها ب ١٥٠ الف جنيه بعد اللى حصل معايا اتجوزت فى أرياف فى بيت عيله كنت السلفه الكبيره من اول يوم جوازى حماتى صحتنى الصبح انا وجوزى عشان انزل اشتغل فى الارض كنت فكراها بتهزر وقولت اقصى حاجه هتحصل انى اساعدها فى بيت العيله لكن هى
خلتنى انزل اعزء فى الارض من الساعه ٥ الفجر قبل الشمس ما تطلع ووقت الضهر انضف للبهايم واخلص اروح اخبر واعمل الاكل لبيت العيله وجوزى شغله فى الارض يخلص يروح ياكل و ينام دى بقت حياتى وقتها خسيت فوق ال ٢٠ كيلوا بسبب الخدمه وقله الأكل جه سلفى التانى يتجوز
بس اهل مراته كانوا ناس كبيره وطبعاً مراته من اول يوم رفضت تعمل حاجه وهو وقف فى صفها وقال لامه مراتى مش بتاعت شغل وبهدله دى موظفه كفايه عليها شغلها لما اتكلمت مع حماتى قالتلى انتى هتجيبى نفسك ليها ولا بتقارنى نفسك بيها ليه دى موظفه وبتشتغل وتكسب وقتها جيت
على نفسى وسلفى الصغير اتجوز وبرضوا مراته عملت زى سلفتى الوسطانيه وقالت مابخدمش ولما كلمت حماتى بهدلتنى وقالتلى انى غيوره وعينى وحشه أول ما سمعت كلمة “غيورة وعينك وحشة”،
حسيت إن عقلي حيطير من راسه والنار ولعت في صدري.
. بصيت لحماتي وصرخت بوجع ودموعي بتتحبس في عيني من كتر القهرة:”أنا بغير يا أمي؟! أنا بغير من إيه ولا إيه؟! أنا اللي بصحى من الساعة ٥ الفجر قبل الشمس ما تطلع، أطلع أكسر ضهري وأعزء في الأرض، وأرجع وقت الضهرية أنضف للبهايم والطين مغرقني، وأرجع أهد حيلي أمام الفرن وأخبز وأعمل الغدا لبيت العيلة كله!
بعمل الأكل والغدا ليا ولسلايفي اللي مفيش واحدة فيهم بتمد إيدها في حاجة ولا بتشيل قشة من الأرض! وتقوليلي بغير؟!الأستاذة الموظفة اللي جايبة مراتها تقعد، بتشتغل وتعمل جمعيات بفلوسها لنفسها ولبيتها ولا بنشوف منها جنيه، والتانية المتربية طول اليوم قاعدة مادّة رجليها على الكنبة وماسكة الموبايل في إيدها، وأنا اللي بخدمها وبشيل من تحتها، وتاخد أكلها جاهز متقشر وتطلع بيه على شقتها على الجاهز!
أنا اللي شايلة شقى البيت ده كله على كتافي أطلع في الآخر بغير وعيني وحشة؟!”.حماتي سمعت الكلام ده من هنا، وعينيها طلعت شرار، ووشها احمرّ من الغضب إن ازاي أفتح بقي وأقول الكلام ده..
قامت وقفت في وشي حاطة إيدها في جنبها وزعقت بصوت هز البيت: “جرى إيه يا عين أمك؟! لسانك طال وبقى ليكي صوت وبتعدي على أسيادك؟! جاية تحسبينا على اللقمة والخدمة يا بت؟! الموظفة دي شهادتها وقيمتها حاجة تانية، والتانية ست العرايس وأهلها ناس كبار ونضاف، إنما إنتي إيه؟
