كنت ببعت لامي

قرب الملف مني وقال أنا مش جاي أطالبك بفلوس يا علي، ولا عايز منك أي تعويض. أنا جاي عشان فيه حاجة أمك كانت عايزاك تعرفها، ولأنها طلبت مني قبل ما ټموت إني أساعدك تفهم اللي حصل.
فتحت الملف، وبدأت أقلب الورق.
لقيت إيصالات تحويل، وفواتير علاج، وشهادات دراسية، وأوراق تثبت إن أمي كانت بتدفع مصاريف يوسف على مدار سنين.
لكن وسط الأوراق، لقيت كشف حساب غريب.
كان فيه مبلغ كبير اتسحب من حساب قديم باسم أبويا قبل ۏفاته بشهر واحد، وبعدها اتنقل لحساب تاني.
والاسم الموجود في خانة المستفيد كان اسم شخص أنا أعرفه كويس جدًا.
عمي حسن، أخو أبويا.
حسيت إن الډم نشف في عروقي.
عمي حسن اللي كان بيزورنا كل عيد، واللي كان دايمًا يقولي إن أبويا ماټ وسابنا في ضيق، وإن أمي لازم ترضى بالقليل.
هو نفسه اللي كان بيقول لي طول عمري إن أمي ست بتحب الفلوس، وإنها مش بتصرف على نفسها عشان تجمعها.
رفعت الورقة قدام الحاج فؤاد وقلت إيه معنى ده؟! ليه فلوس أبويا اتحولت لحساب عمي؟!
الحاج فؤاد أخد الورقة، وبص فيها طويلًا، وبعدها وشه اتغير.
قال التحويل ده أنا أول مرة أشوفه. لو الورقة دي أصلية، يبقى لازم نراجع كل الحسابات من أول وجديد.
يوسف قال وده مش كل شيء. أمك كانت عرفت إن عمك حسن عنده أوراق تانية ممكن تفسر اللي حصل، لكنها ماټت قبل ما تقدر تواجهه.
حسيت إن الڠضب رجع يملاني، لكن المرة دي كان ڠضب مختلف.
أنا قضيت سنة كاملة بعاقب أمي على طبق عيش وجبنة، وفي الوقت نفسه، يمكن كنت محاط بأسرار أكبر بكتير من اللي كنت متخيلها.
قمت من مكاني وقلت أنا لازم أروح لعمي حسن حالًا.
لكن يوسف مسكني من دراعي وقال استنى يا علي. أمك سابتلك وصية واضحة، وقالتلي إنك لو اكتشفت اسم عمك في الأوراق، متروحلوش قبل ما تشوف آخر جواب في الصندوق.
افتكرت الصندوق اللي في بيت أمي.
رجعت البيت بسرعة مع يوسف وعم منصور، وفتحنا الصندوق من جديد. قلبت الخطابات واحدة واحدة، لحد ما لقيت مظروف صغير مستخبي تحت بطانة القاع الخشبي.
كان مكتوب عليه
إلى ابني علي… افتح الجواب ده بعد ما تعرف حقيقة الفلوس.
فتحت المظروف، وبدأت أقرأ.
يا علي…
لو وصلت للمرحلة دي، يبقى عرفت إن فيه فلوس راحت في مكان إنت مكنتش تعرفه، وإن فيه ناس من عيلتنا ممكن يكونوا خبّوا عنك الحقيقة.
أنا مش عايزاك ټنتقم من حد، ولا عايزاك تظلم إنسان من غير دليل.
لكن فيه سر لازم تعرفه عن عمك حسن.
قبل ۏفاة أبوك بأيام، جه البيت في نص الليل، وكان معاه ظرف كبير. سمعت صوت أبوك وهو بيقوله أنا مش هقدر أعمل اللي إنت طالبُه مني.
وبعدها سمعت عمك بيرد عليه لو رفضت، مش هتقدر تحمي ابنك بعد موتك.
أنا خفت، لكن أبوك خرج من الأوضة وهو بيعيط، ولما سألته، قالي إن الموضوع انتهى، وإن محدش هيقدر يأذينا.
بعد ۏفاة أبوك، عمك اختفى فترة طويلة، ولما رجع، طلب مني أحرق كل الأوراق القديمة.
رفضت، واحتفظت بيها.
يا ابني، أنا مش عارفة إذا كان عمك غلطان ولا لأ، لكن فيه ورقة واحدة في الصندوق ده ممكن تشرحلك كل حاجة.
دور على الصورة اللي وراها ورقة مطوية، وهتفهم ليه أبوك كان خاېف عليك.
خلصت قراءة الجواب، وبصيت للصندوق.
كان فيه صورة قديمة لأبويا، محطوطة في قاعه من سنين.
قلبتها على ضهرها، ولقيت ورقة مطوية بعناية.
فتحتها، وأول ما شفت السطر الأول، حسيت إن قلبي وقف.
كانت مكتوبة بخط أبويا
إقرار
باستلام مبلغ مالي، على أن يتم تسليمه إلى ابني علي عند بلوغه الثامنة والعشرين من عمره…
رفعت عيني ليوسف، وأنا مش قادر أتكلم.
أنا كنت لسه متمم تمنية وعشرين سنة.
والأخطر من كده، إن الورقة كان مكتوب فيها إن المبلغ ده مش مجرد فلوس…
ده كان حق قانوني مرتبط بعقار قديم، واتحط شرط واضح في الإقرار إن محدش يقدر يتصرف فيه بعد ۏفاة أبويا.
لكن العقار ده كان ليه عنوان واحد بس.
نفس البيت اللي أمي عاشت فيه عمرها كله… واللي عمّي حسن كان بيحاول يشتريه مني من سنين، وأنا كنت برفض من غير ما أعرف السبب الحقيقي!
رفعت الورقة وقلت بصوت مرتعش
هو عمي كان عايز البيت ليه؟!
عم منصور بصلي بحزن وقال
لأن البيت ده، يا علي، مش مجرد بيت قديم… البيت ده فيه حاجة لو ظهرت، ممكن تكشف سر عيلتكم كله.
وفي اللحظة دي، سمعنا صوت خبط عڼيف على باب الشقة.
فتحنا الباب، فلقينا عمي حسن واقف، ووشه متغير، وعينيه رايحة جاية بيننا وبين الصندوق المفتوح.
أول ما شاف الورقة في إيدي، مد إيده ناحيتي وقال بعصبية
هات الورقة دي يا علي! إنت مش فاهم إنت بتلعب في إيه!
ولأول مرة في حياتي، بصيت لعمي اللي طول عمري باحترمه، وقلتله
مش هديك أي ورقة قبل ما أعرف الحقيقة. أبويا كان مديلي إيه؟ وإنت كنت مخبي عني إيه كل السنين دي؟!
عمي سكت لحظة، وبعدين قال جملة خلت عم منصور يرجع خطوتين لورا
أبوك مدّ إيده على حاجة مكانتش من حقه، وأمك فضلت طول عمرها تحاول تصلّح اللي عمله… ولو عرفت الحقيقة كاملة، يمكن ټندم إنك فتحت الصندوق ده من الأساس!
يتبع…
عمي حسن كان واقف قدامي ووشه أحمر من الڠضب، وإيده ممدودة ناحيتي عشان ياخد الورقة، لكن المرة دي مكنتش نفس علي اللي كان بيصدق كلامه من غير ما يسأل.
رجعت خطوة لورا، وحطيت الورقة في جيبي وقلتله
مش هتاخد حاجة يا عمي غير لما أفهم. إنت بتقول إن أبويا أخد حاجة مش من حقه، طب إيه هي الحاجة دي؟ وليه كنت عايز تشتري البيت مني طول السنين اللي فاتت؟
عمي بص ليوسف، وأول ما عينه وقعت عليه، وشه اتغير.
إنت مين؟ وإيه اللي جابك هنا؟!
يوسف وقف بهدوء وقال
أنا يوسف، ابن الراجل اللي كان شريك أبوك في التجارة.
عمي سكت فجأة، وكأن حد سحب الكلام من بقه.
قعد على أقرب كرسي، ومسح وشه بإيده، وبعد لحظات قال
واضح إنكم فتحتوا باب كان المفروض يفضل مقفول.
صړخت فيه
باب إيه؟! إنتوا كلكم عمالين تتكلموا بالألغاز! أنا عايز الحقيقة!
عمي رفع عينه ليا، وقال بصوت مبحوح
أبوك يا علي كان شريك في مخزن كبير لتجارة الغلال، وكان فيه مخزن قديم مملوك للعيلة، جنب الأرض اللي اتباعت من سنين. قبل ما أبوك ېموت، اكتشف إن فيه مستندات ملكية اتغيرت، وإن المخزن اتسجل باسم شخص تاني من غير ما كل الشركاء يعرفوا.
يوسف قاطعه
والشخص ده كان مين؟
عمي سكت.
يوسف كرر سؤاله
كان مين يا حسن بيه؟
عمي ضړب كفه على ركبته وقال
كان اسمي أنا!
حسيت إني مش قادر أصدق اللي بسمعه.
عمي حسن كان شريك أبويا، وكان مسؤول عن الحسابات، لكنه استغل غياب باقي الشركاء وسجل المخزن باسمه. ولما أبويا اكتشف الموضوع، طلب منه يرجع الحق لأصحابه.
عمي كمل بصوت مرتعش
أنا وقتها كنت غرقان في الديون، وخفت أخسر كل حاجة. أبوك هددني إنه هيبلغ عني، وأنا… أنا غلطت لما حاولت أسكته.
قربت منه وقلت
حاولت تسكته إزاي؟!
بص للأرض، وبعدها قال
رحت له قبل ما ېموت بأيام، وطلبت منه يسيب الموضوع يعدي، ووعدته إني هرجع الحقوق لأصحابها. لكنه رفض، وقال لي إنه مش هيسيبك إنت وأمك تتحملوا نتيجة غلطتي.
حسيت بقلبي بيتقبض.
وإيه علاقة البيت بالموضوع؟
عمي طلع من جيبه ورقة قديمة، وحطها على الترابيزة.
أبوك كان اشترى جزء من الأرض اللي عليها المخزن من ماله الخاص، وسجل حقه في عقد قديم. والبيت بتاعكم كان مربوط بالملكية دي، مش زي ما كنت فاكروا.
يوسف أخد الورقة وبدأ يراجعها، وبعدها بصلي وقال
الورقة دي ممكن تثبت إن فيه جزء من الأرض لسه من حق عيلتك، لكن لازم محامي يراجع أصل المستندات وسجلات الملكية قبل ما نقدر نحكم.
عمي هز راسه وقال
وأنا مستعد أقول كل حاجة، بس بشرط.
بصيتله باحتقار.
لسه عندك شروط؟!
قال بسرعة
اسمعني يا علي. أنا مش بطلب منك فلوس، ولا عايز البيت. أنا عايزك تسمع مني ليه أمك فضلت ساكتة كل السنين دي.
اتوترت، لأن اسم أمي لما اتذكر، حسيت إني مش قادر أواجه نفسي.
عمي كمل
بعد ۏفاة أبوك، أنا رحت لأمك واعترفت لها باللي عملته. كنت فاكر إنها هتفضحني، لكنها قالت لي إنها مش هتستر على ظلم، وإن حقي لازم يرجع لأصحابه. ومن يومها فضلت تجمع المستندات وتحتفظ بيها.
قلتله
طب ليه كانت بتساعد يوسف من فلوسي، بدل ما تطالب بحقوق أبويا؟
يوسف رد المرة دي
لأنها كانت بتحاول تساعدني في العلاج والتعليم، وفي نفس الوقت كانت بتدور على الأوراق اللي تثبت حق والدي. لكن فيه جزء من الحكاية لسه ناقص.
طلع من الملف اللي معاه صورة لمستند قديم، وأشار إلى توقيع موجود في آخره.
المستند ده بيقول إن أبوك قبل ۏفاته سلّم أمي مبلغ مالي عشان تحتفظ بيه لحد ما أبلغ السن القانوني. لكن المبلغ ده اختفى من الحسابات، ومفيش دليل لحد دلوقتي على مين أخده.
عمي بص للصورة، ووشه اصفر.
همستله
إنت تعرف الورقة دي؟
مردش.
قربت منه وقلت بصوت أعلى
إنت تعرف الورقة دي يا عمي؟!
رفع عينه ليا، وبعد صمت طويل قال
أيوه… أنا اللي استلمت الفلوس دي.
يوسف قام من مكانه بعصبية
استلمتها ليه؟! دي فلوس أبويا!
عمي حاول يتكلم، لكن صوته كان بيخرج بالعافية.
أنا استلمتها عشان أحافظ عليها مؤقتًا، لكن وقتها الشركة كانت پتنهار، وكان فيه ديون لازم تتسدد. استخدمت جزء منها، وكنت ناوي أرجعه، لكن الخسائر كبرت، ومع الوقت بقيت خاېف أعترف.
يوسف رد بۏجع
وإحنا كنا بنعاني، وأم علي كانت بتصرف من فلوس ابنها عشان تساعدني، وإنت كنت عارف إن فيه فلوس ليا عندك!
عمي حط وشه بين إيديه، وقال
أنا عارف إني غلطت، ومش هقدر أرجع الزمن. لكن أنا مستعد أقدم كل المستندات وأتحمل مسؤوليتي قدام القانون.
أنا كنت واقف بينهم، مش عارف أفرح إن الحقيقة بدأت تظهر، ولا أعيط على السنين اللي أمي قضتها وهي شايلة أسرار أكبر من طاقتها.
لكن فجأة افتكرت كلامها في جوابها
فيه ورقة واحدة في الصندوق ده ممكن تشرحلك كل حاجة.
رجعت للصندوق، وبدأت أقلب محتوياته مرة تانية، لحد ما لقيت ظرف صغير جدًا مستخبي جوه غلاف خشبي في القاع.
فتحته.
كان جواه إيصال بنكي قديم، وصورة مفتاح، وورقة مكتوب عليها عنوان مخزن في آخر البلد.
وعلى ضهر الورقة، بخط أمي، كانت فيه جملة واحدة
يا علي، لو وصلت للورقة دي، يبقى عمك اعترف بجزء من الحقيقة، لكن لسه فيه أمانة أبوك اللي محدش يعرف مكانها غيري.
بصيت لعمي، فلقيته بيبص للمفتاح كأنه شاف
شبح.
قلتله
المفتاح ده بتاع إيه؟
عمي وقف