بعد ما ماتبرعت

الجزء الثاني
سناء قعدت قدام سريري.
كانت ماسكة الظرف كأنها خاېفة تفتحه.
قالت
من تسع سنين، لما بدأت حالتي الصحية تسوء، العيلة عملت حملة للتبرع بالأعضاء.
افتكرت.
أنا شاركت في حملة زي دي.
سناء بصتلي.
كنتي في وحدة متنقلة قدام معرض القاهرة الدولي.
اتجمدت.
أيوه.
كنت وقتها عندي خمسة وعشرين سنة.
دخلت، مليت استمارة، أخدوا عينة ډم، ومشيت.
بالنسبة لي
كانت مجرد حملة تبرع.
لكن بالنسبة لعيلة أحمد
كانت بداية كل حاجة.
سناء قالت
بيانات المتبرعين كان المفروض تكون سرية.
سلمى سألت
ومين كان عنده صلاحية يدخل عليها؟
سناء سكتت.
وبعدين قالت
أحمد.
حسيت إن قلبي وقف.
أحمد كان عنده صلاحية يشوف نتائج التوافق؟
أيوه.
بصيت لها.
يعني كان يعرفني قبل ما يقابلني؟
نزلت عينيها.
بثلاث سنين.
ضحكت ضحكة قصيرة من الصدمة.
كان عارف فصيلة دمي وسني وإن جسمي متوافق مع أمه؟
هزت راسها.
أيوه.
وإنتِ كنتي عارفة؟
سكتت.
السكتة كانت إجابة.
إمتى؟
قالت بصوت ضعيف
بعد خطوبتكوا.
ضحكت تاني.
بس المرة دي الضحكة كانت مليانة ۏجع.
وسبتيني أتجوزه؟
هو قال لي إنه في البداية
قرب منك بسبب التوافق وبعدها حبك بجد.
بصيت لها.
يا سلام.
مفيش رد.
قلت
يعني أنا كنت تجربة بدأت بهدف وبعد كده يمكن تحولت لحب.
سناء دمعت.
أنا غلطت.
لأ.
بصيت لها.
إنتِ سكتّي.
في اللحظة دي قررت إني مش هواجه أحمد وأنا لوحدي.
اتصلت بأختي.
واتصلت بمحامي مستقل.
وبعدين كلمت مديري القديم كريم الشاذلي.
بعتله صور من حسابنا المشترك، وبعض التحويلات، ونسخة من وثيقة التأمين.
بعد ساعتين اتصل بيا.
مريم، لقيت حاجة غريبة.
إيه؟
فيه تلات تحويلات من حسابكوا المشترك لشركة تابعة لعيلة المنصوري.
قيمتهم؟
حوالي اتنين مليون وتمانمية ألف جنيه.
اتنفست ببطء.
أنا ما وافقتش على التحويلات دي.
فيه مستندات عليها توقيعك.
توقيعي الحقيقي؟
لأ غالبًا نسخة ممسوحة ضوئيًا.
سكت شوية وبعدين قال
وفيه كمان دفعة بمية وأربعين ألف جنيه لشركة اسمها استشارات طبية صبري.
اتجمدت.
الشركة دي موجودة؟
لأ.
من إمتى؟
اتقفلت من أربع سنين.
كل قطعة في الصورة كانت بتتحط قدامي.
لكن لسه مش عارفة الصورة كاملة.

الساعة أربعة العصر
نهى دخلت الأوضة.
كانت بټعيط.
بصيت لها.
إنتِ عارفة إيه؟
قالت
أنا مكنتش أعرف موضوع التوقيع.
طب كنتي تعرفي إيه؟
سكتت.
وثيقة التأمين؟
هزت راسها.
أيوه.
سناء بصت لها پصدمة.
نهى
قالت
أحمد قال لي إنها مجرد ضمان للشركة وإنك وافقتي عليها.
قلت
وأنا مكنتش أعرف.
دموعها نزلت.
يبقى أحمد كڈب عليا أنا كمان.
سألتها
والطلاق؟
بصت للأرض.
كنت عارفة.