روايه القط بلاك
اختي اسمها فرح عندها 11 سنه عيشين انا و هي بس في البيت انا يعتبر اللي بهتم بيها و بصحيها للمدرسة و في مقام ابوها و يمكن اكتر ابونا مسافر في الخليج بيشتغل و امنا ربنا يرحمها.. انا مُحب للحيوانات عموماً جربت اربي كل الانواع.. طيور.. كلاب.. سلاحف انما اختي فرح قررت تربي قط و سمته (بلاك) يمكن عشان لونه.. كانت متعلقه بالقط ده جداً لدرجه انها كانت بتوفر من مصروفها عشان تجبلو اكل زيادة فوق اكله الطبيعي.. كانت مفكره انو كده هيحبها اكتر و هو فعلا كان بيحبها لكن عشان لعبها معاها و اهتمامها بيه من اول متدخل باب البيت من المدرسة و لحد متنام و هو في حضنها. يعتبر اكتر حاجتين فرح كانت بتحبهم في حياتها هما القط بتاعها و الراديو اللي فازت بيه في مسابقة بالمدرسة, كانت بتشغل عليه اغاني ليل نهار من فرحتها بيه و بتلعب مع القط بتاعها و هما بيسمعوا الاغاني بتاعتو. لكن في اليوم 15 نوفمبر بالتحديد القط (بلاك) جتلو لبكه معوية اعد يرجع و يترعش زي ميكون هيموت , اترعبت فرح عليه فحاولت تصحيني عشان اتصرف و انزل اجبلو علاج لكني كنت تعبان و نايم قولتلها تنزل لجارتنا الست سُعاد هي مربيه قطط كتير و اكيد عندها علاج.. نزلت فعلا فرح للست سعاد و طلبت منها الدواء لكن الست ردت بكل قلة ذوق:
– والله يحبيبتي اللي موجود عندي يدوب علي الاقد و بعدين متخلي اخوكي ينزل يجبلك مهو ابوكو بيبعتلكو فلوس قد كده من بره احسن متنزلي تشحتي من الجيران
اتكسفت فرح و مردتش عليها و طلعت البيت و جرت علي اوضتها , مسكت الحصالة بتاعتها و فضتها كلها.. لقت معاها 14 جنية محوشاهم خدتهم و نزلت الشارع عشان تجيب للقط بتاعها علاج من الصيدليه اللي قدام بيتهم.. فضلت وقفه خايفة تعدي الطريق.. استنت لحد ملقت راجل كبير معدي و راحت قلتلو:
– عمو.. عمو ممكن تعديني الطريق معاك
بصلها الراجل و ابتسم بلطف و مسك ايديها.. عداها فعلا و دخلت الصيدلية جابت مُطهر صغير علي قد فلوسها و فضلت وقفه عاوزة تعدي الطريق.. استنت حد يجي عشان تعدي معاها لكن مفيش.. افتكرت القط بتاعها و حالتو اللي بتسوء كل دقيقة.. قررت تعدي الطريق بنفسها.. اتحركت براحه.. عدت اول عربيه و عدت التانيه لكنها شافت عربيه جيه بتجري من بعيد.. خافت و لفت عشان تجري و ترجع تاني ناحية الصيدلية.. و من خوفها لاتداس.. اداست فعلاً.. خبطتها عربية و جلها نزيف خلاها تموت في وقتها و كيس العلاج في ايدها للقط بتاعها اتغرق بدمها الطاهر !
(بعد وفـ,ـاة فرح بـ 5 ايام )
