روايه كامله

يا ساره الليله دخلتنا افتحي الباب عيب كده بقى فضحتيني.. خلينا نتفاهم وهطلع تاني لو تحبي..بس اسمعيني الأول

قالت بغضب شديد وهيه بتصرخ وبتضرب رجليها في الأرض بجنون…مش هفتح..وطلقني طلقتي حالااااا …مش طايقه اشوفك مش عايزه اسمع صوتكككك

اتنهد وقال وهو بيخبط على الباب..يا ساره انا ذنبي ايه في اللي حصل ما انتي عارفه كل حاجه من الاول انا اعمل ايه اذا حظنا كده ارجوكي افتحي خلينا نتكلم لو ليا خاطر عندك

ساره بقت تكسر في الأوضه وهيه بتبكي جامد وقعدت على الأرض وبقت تبكي بانهيار

اتنهد بحزن شديد وسند جبينه على الباب وقال…والله يا ساره انا عمري ما عرفت الحب إلا على اديكي…افتحي ارجوكي يا ساره

قالت بصراخ وبكا..سبني في حالي..طلقني بقى يا اخي خلي عندك دم
اتنهد بحزن شديد وقال بعند..كده يا ساره طب ايه رأيك مش هتحرك من هنا لحد ما تفتحي ونتكلم لو هفضل للصبح وقعد عند الباب وسند ضهره عليه بحزن شديد

بعد ساعات من التعب والتفكير كانت نامت على الأرض ودموعها على خدها وهو كمان نام جمب الباب

جات ست في الخمسين واتنهدت بحزن وقالت لا حول ولا قوة الا بالله وقربت منو وقالت…وحيد قوم يا حبيبي.. قوم يا ابني من الأرض

وحيد وقف معاها وقال بلهفه..فتحت الباب

اتنهد بحزن وقالت… لا يابني سبها تاخد وقتها اللي حصل مش هين..ادخل نام في الأوضه والصباح رباح

بص على اوضتها بحزن وقال…بس لو حتى تخليني جمبها ..خايف قوي عليها يا ماما

اتنهد وقالت..والله يا ابني صدقني ساره قلبها ابيض ولحد الصبح هتهدى وهتفكر بعقل… يلا يا ابني ناملك شويه انت اتعبت طول اليوم

وحيد راح على اوضه ودخل بحزن شديد من زمان بيحلم بيوم جوازو منها وكل شيئ اتهد في غمضة عين فضل وسط افكارو لحد ما نام مع طلوع الشمس
بقلم..زهرة الربيع
في صباح يوم جديد قام من النوم على خبط على الباب فتح عنيه بتعب وافتكر ساره وجري بسرعه يفتح ممكن تكون هيه

بس اتنهد بضيق وغضب لما شاف بنت في العشرينات بطله انيقه ساب الباب مفتوح ودخل وقال من غير ما يبصلها نعم..فيه حاجه ..لو جايه تطمني على خطتك فاحب اطمنك كل شيئ تمام…بوظتي علينا أجمل ليله في عمرنا ومهمتك تمت

قالت بحزن..انت بتكلمني كده ليه يا وحيد انا ذنبي ايه..انا بحبك وبعشقك..ومع ذلك لما قولتلي اطلع من حياتك انسحبت بهدوء اعمل ايه انا يعني حظك اني طلعت حامل ده مش ذنبي
قال بسخريه وضيق..امم..حامل

قالت بدموع..انا قدمتلك كل اللي يثبت وقلتلك تيجي تسأل و

وحيد بصلها بغضب رهيب وقال..وافرض حامل فعلا يا رندا ..ملقتش غير يوم فرحي تيجي تقولي يوم الفرح بالذات…مبسوطه بالي حصل مبسوطه لما طلبت مني الطلاق قدام كل الموجودين

عند ساره قامت من النوم ولقت نفسها على الأرض اتنهدت بحزن شديد لما افتكرت اللي حصل ووقفت دخلت الحمام استحمت وغيرت فستانها وطلعت

كانت بتمشط شعرها وبتفتكر الي حصل واتنهدت بحزن وقالت..ايه اللي عملته ده…كنت حتى سمعته..ما انا عارفه كل حاجه من الأول كان لازم ابهدله وافضحه قدام كل الناس

وبقت تفكر بحزن وقالت يا ترى نام فين اتنهد بخنقه من افكارها وطلعت تشوفه وتتكلم معاه

عند وحيد مسك رندا من دراعها بغضب وقال..ردي عليا…كلميني عملتي كده ليه …في فرحي ملقتش غير اليوم ده ليه عملتي فيا كده ليه

قالت بدموع واندفاع علشان بحبك..بحبك وانت عارف..ومش هقدر اشوفك بتتجوز حط نفسك مكاني

وحيد سابها وبقى يحاول يسيطر على غضبه وقال..بتحبيني اه…اطلعي من هنا يا رندا اطلعي وسبيني في حالي السعادي احسنلك

رندا قربت منو وقالت بدموع..وحيد انا بحبك حرام عليك…. وقربت قوي وحطت اديها على خدوده وقالت …معقوله نسيت أيامنا كلها يا وحيد

وحيد بعد اديها و قال بضيق… انا قفلت الموضوع ده معاكي وقلتلك انسي صح

رندا قربت منه وبصت لعيونه وقالت بهمس..انا بحبك..مقدرتش انسى ومش هقدر …وقربت
منو بدون مقدمات وباستو بقوه واتعلقت في رقبتو بسرعه بطريقه فاجأته وملحقش يبعدها

بس دفعها بسرعه لما سمع شهقه قويه وبص عند الباب شاف ساره واقفه مصدومه وهتقع من طولها ووووو

وحيد غمض عينه بغضب ولسه هيكلمها جريت على الاوضه بسرعه وكانت هتقفل الباب بس حصلها ودخل وقفلو وراه بالمفتاح وقال بغضب…. مش هسيبك تعملي زي امبارح لازم تسمعيني بقى
ساره قالت بغضب وصراخ… اسمع ايه مش شرط اسمع خالص ..ما انا شوفت بعيني عايزني اسمع ايه بعد اللي شوفته
وحيد مسكها من دراعتها بغضب وقال …شوفتي ايه… شوفتي ايه يا ساره ردي عليا
ساره قالت بغضب شديد… شوفت الهانم وهيه  بتقربلك… انا الغلطانه قلت كان لازم اسمعه مغفله طول عمري مغفله
وحيد قال بغضب شديد.. ساره انت قولتي بنفسك كانت بتقربلي هي اللي عملت كده مش انا
ساره ضربتو في صدره و قالت بغضب شديد.. اه حضرتك طبعا كنت رافض حتى مفكرتش تبعدها  عنك
وحيد قال بضيق شديد.. انا كنت هعمل كده بس طبعا زي العاده حضرتك ما عندكيش اي ثقه فيا وخدتي طرف الموضوع ومشيتي زي ما عملتي امبارح في الفرح ….ساره انتي عارفه علاقتي بيها من الاول وعارفه ان حصل بينا وانتي قولتي لي انا ما ليش دعوه بالماضي بتاعك المهم عندي الحاضر وانا بناء على كلامك ده حافظت على عهدي ليكي وبقيتي كل الحاضر ومفكرتش في اي بنت تانيه ويشهد ربي عليا اني تبت عن اي حاجه زي كده… ليه بتعاقبيني بسبب حاجه حصلت في الماضي..و مشيتي في نص الفرح وخليتيني اجري وراكي زي الاهبل…وقرب  منها قوي بص لعيونها وقال بوظت عليا اجمل ليله في حياتي الليله اللي اتمنيتها طول عمري حتى ما سامحتليش اكون جنبك وانت متضايقه يا ساره انا هين عندك للدرجه دي

ساره  نزلت دموعها بوجع وقالت…انت  لو كنت هين عندي ما كنتش اتوجعت بالشكل ده… زعلان اني زعلتك يوم فرحك طب وانا  فكرتش فيا لما دخلت وقالت انها حامل منك قالت  قدام كل الناس انها حامل من جوزي ما فكرتش في منظري خالص طب ما فكرتش في قلبي اللي اتكسر مية حته…وبصت  بعيد عنه وسمحت لدموعها بالنزول وقالت… سيبني في حالي اليومين دول مش قادره استحمل.. سهله قوي اقول لك اني نسيت ماضيك واني ما بقيتش افكر فيه بس مش سهله ابدا اني الاقي ماضيك واقف قدامي 24 ساعه وبيثبت لي قد ايه كنتم قريبين من بعض

قرب منهاوقال بدموع….اقسم بالله انا زعلت عليكي اكتر من نفسي.. انا بحبك و نفسي افضل جنبك عاقبيني باي طريقه غير انك تخليني بعيد عنك خلينا سوا واعملي اللي انت عايزه هقبل اي عقاب منك يا ساره
…والله رندا مجرد ماضي انا من اول ما قلبي دق وانا مش بفكر غير فيكي يا بنت خالي انتي عارفه انك عشقي الوحيد

ساره بعدت بضيق وقالت… لو كنت عشقت كنت استنيتني ما كنتش هتروح ترمرم هنا وهنا ما تظلمش العشق معاك

وحيد اتنهد وقعد على السرير وقال ..يعني مش هنتفاهم
ساره قالت بغضب… اظن اننا تفهمنا وقلت لك تطلع من هنا أو افتح الباب وانا هطلع

وحيد بقى يبدل هدومه وقال بضيق… براحتك يا ساره ما سبتليش اختيار تاني…. وقرب منها وبص لعيونها جامد وقال بتحذير… مش هسمح لاي حد ياخدك مني بعد ما بقيتي ليا ولا حتى انتي يا ساره انتي مراتي عاجبك تمام مش عاجبك وقلتي عقلك هتشوفي واحد عمرك ما عرفتيه يا ساره مش وحيد نهائياً

ساره بلعت ريقها بارتباك من التحذير اللي خوفها بس اتجاهلت شعورها وقالت بغضب… افهم من كده انك مش هتطلع من هنا

وحيد قال.. تؤ مش هطلع

ساره قالت بغيظ تمام هات المفتاح خليني امشي انا

وحيد شدها من ايدها بقوه بقت بين ايديه وبص لعيونها جامد وقال …انا حايش نفسي عنك بالعافيه ما تخلينيش اتغابى عليكي هتتعبي وانا ما يهونش عليا

ساره بقت تحاول تبعده وقالت….سيبني يا وحيد بقول لك مش هقعد معاك في مكان واحد وبقت تزقه بس مسبهاش وقال.. الاول ما كانش ينفع لقربلك دلوقتي لما بقيت في عصمتي عايزه تحرميني منك كمان مش هتقدري المره دي يا ساره

و لسه هتتكلم قرب منها بقوه..

ساره بقت تحاول تقاوم بسمدهاش فرصه لحد ما نزلت دموعها واستسلمت بين ايدي
بعد عنها وبص لعيونها اللي مليانين دموع ومسح دموعها وقال بابتسامه… اصعب ما عليا دموعك يا ساره اقسم لك بالله بتحرق قلبي من جوه

بعدت من بين ايديه وقالت بحزن…. اذا فعلا دموعي تهمك خليك بعيد عني انت مبقتش تجيب لي غير الوجع …وقعدت على السرير بحزن

وحيد اتنهد بغضب مكبوت وقال …ماشي يا ساره تعالي عليا قد ما تحبي بس لازم تعرفي اني مش هغير رايي ومش هسيبك لدماغك ..واخذ هدوم وراح على الحمام وهو بيقول بغضب… كنت عارف ان الجواز نكد بس ما توقعتش يبقى من اول يوم ايه الحظ ده

ساره قعدت بغيظ شديد على السرير وكل شويه تفتكر وقت ما لقيتهم مع بعض في الاوضه

بعد شويه خرج من الحمام وهو بيصفر بهدوء
ساره وقفت وقالت بغضب.. انت هتفضل حابسني يعني ولا ايه افتح الباب يا وحيد

وحيد قال بلا مبالاه… ولو فتحته هيحصل ايه يعني هتخرجي

ساره قالت بغضب… ايوه هخرج
وحيد ابتسم وقال….طب مش لما ندخل الاول تبقي تخرجي

ساره قالت… ده بعينك روح للهانم بتاعتك زمانها يا حرام مش لاقيه حد معاها

وحيد ضحك وقرب عليها وقال …بس انا عايز اكون معاكي انتي وبس

ولسه هيقرب دفعته وقالت…. انا قربي خلاص بقى فاكهه متحرمه عليك انا كلي عل. بعضي ما بقتش ليك يا وحيد

وحيد قال بمشاكسه..يا بختك كلك على بعضك..انا مش على بعضي ..مش على بعضي خااالص

قالت بغيظ…وحيد اتلم
وحيد اتنهد وقال…ماشي..بس يكون في علمك انا مش هرتاح غير لما ارجع اخليكي ليا …انا عاشق ومش هستسلم خصوصا لو المشوار اخره انت

ساره ارتبكت من نظراته وكلامه وبعدت عنه وقالت ….خد راحتك انا هستنى لحد ما تمل وانت بنفسك هتنهي العلاقه دي

وحيد ابتسم بهدوء وقال…دي احلام العصاري يا قلبي… انا وانتي مش هيفرقنا غير الموت..يعني يتجيبي اجلي يأجيب اجلك

ساره قالت بغيظ ….ان شاله قريب

وحيد قال بمنتهى البرود… انا مش هيهمني لو على اديكي

ساره نفخت بضيق وقعدت على الكنبه اللي في الاوضه وهو كان قاعد على السرير شاور جنبه وقال … بت يا ساره… يلا بقى…وغمز بعينه ناحيه السرير جنبه

ساره بصتلو باستغراب وقالت …في ايه

وحيد كرر نفس الحركه وقال … ما تعمليش عبيطه بقى