من شويه

دخلت الحمام من شوية ومـ,ـليت البانيو بالمية الدافية ومددت فيه عشان أفصل شوية من التفكير, وطبعا منستش أشغل الموبايل على أغنية من اغاني الست أم كلثوم واسترخيت أكتر وأكتر, شوية وسمعت خبط جامد على باب الحمـ,ـام, وطبعا مكنتش محتاج أعرف إن ده جوزي, وهيبدأ وصلة من الخناق والتوبيخ لأني مشغلة أغاني وكمان في الحـ,ـمام, تجاهلت الخبط لأني مش في مود يسمح بالخـ,ـناق, وهو في النرهاية استسلم وسابني في حالي, عليت صوت الأغاني أكتر وغمـ,ـضت عيني وتوهت, توهت في ملكوت الله..

لدرجة إني نعست ونمت في البانيو من كم الراحة النفسية والهدوء اللي كنت فيه, وفي غفوتي دي شوفت واحد قصير وعجوز وشكله عامل زي الأقزام بيعرج وماشي في طريق كله ضباب, ركزت معاه وانا مش فاهمة ده مين وماشي كدا ليه, شوية وبص ناحية اليمين وابتسم ابتسامة بشعة ومخيفة أوي, لدرجة إني شوفت أسنان سودة متآكلة لما ابتسم, شوفته ماشي في قلب الضلمة لحد ما دخل في حيطة, أو سطح مُعتم, وفي لحظة لقيته عدى من المراية ودخل الحمام بتاعي, وبص عليا وانا نايمة في البانيو ومسترخية, وبدون أي مقدمات هجم عليا وخنقني بكل قوته, اتنفضت من نومي أو غفوتي دي وانا بصرخ وقلبي بيدق بعنف شديد..

كان لسة صوت أم كلثوم شغال, قمت بسرعة وبصيت في المراية بخوف, بس مكنش فيه أي حاجة, إلا إن فيه آثار علامات خنق على رقبتي, وفيه خرابيش كمان ظاهرة أوي, لبست هدومي وخرجت بسرعة من الحمام, كنت بدور على جوزي لأني كنت خايفة أوي, بس واضح انه خرج عشان يتحاشى الخِناق معايا..

قعدت شوية في الأوضة وانا لسة بترعش وقلبي بيدق, شوية وسمعت صوت أم كلثوم جاي من الحمام, بصيت برعب لقيت الموبايل على السرير جمبي, أمال مين اللي مشغل الأغنية في الحمام, قربت من باب الحـ,ـمام وانا بترعش وبدعي ربنا يسترها, فتحت الباب وكان الصوت واضح أوي, بصيت يمين وشمال, مفيش أي مصدر للصوت, الصوت وكأنه جاي من قلب حيطان الحمام, أو بالأخص جاي من المراية بتاعت الحمام..

بصيت في المراية بتركيز وشوفته, الكائن القصير العجوز اللي شكله بشع, كان ماسك موبايلي وقاعد في مكان مهجور وشكله مُخيف أوي, وكان قاعد بيسمع أغنية أم كلثوم, ومسافة ما بصلي وشافني بدأ يردد الأغنية, يرددها بصوت خشن, مُخيف..

وفي لحظة مقدرتش أتحمل ووقعت في الحمام, مفوقتش غير على إيد جوزي وهي بتهزني بعنف وصوته متوتر وعمال يقول:

“إيه اللي منيمك في الحمام كدا”

بصتله بخوف وفضلت أبكي من الخوف والتوتر اللي مسكني بعد الأحداث اللي حصلت دي كلها, وفي النهاية دخلت عشان أنام, وبالفعل قدرت أنام يمكن 10 ساعات كاملين, وكأني منمتش من أسابيع طويلة, وفي النهاية صحيت, صحيت على حاجة لزجة على وشي, قمت مخضوضة لقيت كلب عمال يمسح بلسانه على وشي, صرخت في وشه أول ما قمت لقيته طلع يجري بعيد, وفي لحظة استوعبت إني نايمة في قلب المقابر, والجو من حوليا ليل دامس, قمت من مكاني وبدأت أبص يمين وشمال وانا عاوزة اخرج من مكاني بأي طريقة بس مكنتش عارفة هخرج ازاي..

وفي اللحظة دي سمعت نفس الأغنية, وصوت أم كلثوم جاي من قلب المقابر, اتنفضت, وشعر جسمي كله وقف, وحسيت بكهربا بتجري في جسمي, شعور بشع, مُخيف, مُرعب, مشيت ناحية مصدر الصوت وانا بدعي ربنا يكون حد يقدر يساعدني, بس لحظة, مين اللي واقف هناك ده, قدام مقبرة أمي الله يرحمها..

دي هي أمي, أمي اللي ماتت من سنين, جسمي اتنفض كتير وانا حاسة ان قلبي هيخرج من مكانه, قربت منها وناديت:

“ماما”

بصت ناحيتي وابتسمت, اتكلمت بلهفة وبنبرة جنونية وقولت:

“ماما انتي عايشة يا ماما”

لقتها قربت مني وفتحت دراعاتها عشان تحضني, حضنتها بكل لهفة وشوق الدنيا, وبكيت في حضنها كتير أوي, لقتها بتهمس في ودني وبتقول:

“تعالي معايا بيتي عشان تعيشي معايا”

بصتلها بخوف وقلت:

“فين البيت ده”

لقتها بتشاور على مقبرتها, رجعت لورا برعب لقيتها بتتحول وجسمها بيصغر, لحد ما بقت نفس الشكل بتاع الراجل العجوز, ومن جوة القبر سمعت صوت أغنية أم كلثوم إياها, مقدرتش أتحمل أكتر من كدا وبدأت أصرخ واصرخ بأعلى صوت, لحد ما لقيت اتنين رجالة بيجروا ناحيتي, وقعت بين إيديهم ومنطقتش بكلمة, شالوني ورجعوني البيت, وحكوا لجوزي انهم لقوني في المقابر, جوزي كان هيتجنن, ازاي قمت من النوم لوحدي وروحت على المقابر, حاول يستفهم مني بس مكنتش قادرة أنطق بنص كلمة, وفضلت أترعش يوم كامل, خايفة أنام أحسن يتكرر اللي بيحصل ده..

بس للأسف الموضوع اتكرر مرتين كمان خلال اسبوع, مسافة ما كان جوزي بيسهو عني كان بيجري يلاقيني بمشي في المقابر زي المجنونة ومشغلة أغنية أم كلثوم على الموبايل, لحد ما بدأ الموضوع ينتشر في البلد, والناس تقول دي اتجننت, ودي اتلبست, وغيره من الكلام ده كله, الكلام اللي وصلني إني فكرت أنتح-ر بالفعل, بس يومها جوزني لحقني قبل ما أقطع شرايي-ن إيدي بلحظات, وكل اللي طلبته منه انه يطلقني عشان يرتاح مني ومن وجودي, بس الغريب إنه اتمسك بيا أكتر, الراجل اللي طول الوقت بيتخانق معايا ومش طايقني دلوقتي متمسك بيا..

لحد ما روحنا لشيخ من المشايخ بس للأسف طلع دجال, وطلب مني أكتب كلمات على جسمي وانا في الحمام, وأقف قدام المراية أنطق بكلمات غريبة, وجوزي أول ما عرف الكلام ده رفض ومشينا من عنده فورا,وروحنا لواحد تاني بس كان شكله مريح نفسيا, وكان بيعالج بالقرآن, بدأت أحكيله كل حاجة لعل وعسى يساعدنا..

قولتله إني بعشق الاغاني, وخاصةً الأغاني القديمة, وده كان سبب لأكبر خلاف بيني وبين جوزي مع عدم صلاتي طبعا, وكان تقريبا كل يوم بنتخانق لأني مهملة صلاتي وبسمع أغاني, لحد ما من كتر إدماني بقيت بشغل أغاني أم كلثوم وانا بستحما في البانيو, وبدأت تحصل أحداث غريبة من يومها, ولو اللي انا فيه ده بسبب إني شغلت الأغاني في الحـ,ـمام فانا مش هعمل كدا تاني, ابتسم وقتها وقال:

“يا بنتي إنتي لو مش هتسمعي أغاني تاني يبقا عشان ربك حرم ده, مش عشان بتتأذي من الجن, الأغاني ما هي إلا لهو, بيأثر على قلب الإنسان بالباطل ويشغله عن الطاعات, وبيملى قلبه بحُب المعصية وطريق الشهوات, الأغاني حرام لأنها بتشغل الإنسان عن الطاعة وسماع القرآن, وعشان هي حرام فخلت شِرار الجن يتملكوا من جسمك, وخاصةً الجِن الكافر اللي بيسكن الحمامات, وقدر انه يتمكن منك تمكن كامل, وللأسف النوعية دي من المس بتوصل للموت أو الجنون”

“أنا إن شاء الله هعالجك, هعالج بكتاب الله, بالقرآن اللي المفترض يبقا مالي قلبك, بس انتي للأسف خليتي مكانه أغاني ولهو وموسيقى, وجوزك اللي كان بينصحك ليل نهار ده مسؤول عنك وهيحاسب عنك, ومن حقه ينصحك ويقومك ويوجهك للصلاة وترك المحرمات, لازم تنوي التوبة يا بنتي لوجه الله عشان نقدر نبدأ كورس العلاج مع بعض”

ومن يومها نويت, نويت أتوب عن سماع الأغاني وترك الصلاة, التزمت التزام كامل, رغم إني عانيت بس قدرت أتعالج بفضل الله, وبدلت سماع الأغاني بالقرآن والأناشيد الدينية, وعلى العكس تماما, بقيت بحب الصلاة والطاعات وبقرب منهم, علاقتي اتحسنت بجوزي كتير أوي وبقا أحن انسان عليا في الدنيا, وكأن الأغاني كانت الشيطان اللي في حياتي مش الراجل العجوز, ولما اتخلصت منها حياتي كلها اتغيرت للأبد..

………..

“ليكونن من أمتي أقوام يستحلون الحر والحرير والخمر والمعازف. رواه البخاري”

لو عندك أي حكاية غريبة أو مخيفة حصلت معاك أو مع حد تعرفه وعاوزني أكتب عنها في قصة بكرة كل اللي عليك إنك تبعتلي على الخاص كل اللي تعرفه عن الحكاية أو المـ,ـوقف المخـ,ـيف ده بدون اسـ,ـتئذان وتأكد اني هشوف رسالتك بأمر الله..