روايه كامله.. يونس

.. 20/2/2022..”

يونس: متيجي نرتبط!

همس: انت ياا يونس استحاله.. قولتها بضحكه مداريه الوجع!

يونس: لى مالي؟؟ علفكرا انتي واخده عني فكره غلط!

بصيت ف عينه بتركيز: حبتني.؟

وف اللحظة ال هرب من نظرتي وبص ف حته تانيه.. كنت الاجابه ال اتكسف يقولها وصلتلى.. قصدت اسأله تاني عشان اسمع قلبي!! واترجاه يبطل يقسي عليا! ويبطل يحبه!

همس: يونس بص في عيني.. سألته برجفه بانت فى صوتي بوضوح.. بتحبني يا يونس؟

يونس: مش شرط نرتبط عشان بنحب بعض.. الحب مش كل حاجه!

اتنهدت وقولت: عرفت ليه استحاله؟..

رجفه صوتي وانا بسأله منعت صراحته الطبيعيه.. منعته يقول لا بشكل صريح وواضح.

يونس: طب منتي مش بتحبيني! فين المشكله.. كفايا اننا قادرين نفهم بعض وبقالنا كتير صحاب وقريبين من بعض

بصيتله بااستغراب وانا بسأل نفسي اعمل اي اكتر من كده عشان يعرف اني مبحبش قده؟

همس: خلينا صحاب احسن مش هننفع لبعض صدقنى

يونس: طب متقولي اسبابك يستي اقنعيني

همس: شخصيتنا وحياتنا مختلفه

يونس: وماله نكمل بعض.. لو نسخه من بعض هتبقي حياتنا ملل

همس: انت متهور وانا عكسك.. انت بارد وانا عصبيه انا ب.. كان باقي تكه واضيع الباقي من كرامتى واوجع قلبي بعترافي ال هيتقابل ببرود منه كان قلبي هيقوله « انا بحبك وانت لا! »

يونس: انتي اي؟

همس: اانا اانا ااه انا بغير وانت لا!

يونس بخبث: بتغيري عليا؟

ادركت اني تفاديت حفره… ووقعت فى التانيه وبقيت ف مأزق

همس: بغير عموما مش عليك

يونس: هتغيري من مين مثلا!

همس: صحاب حضرتك البنات مثلا؟

يونس: بس دول صحابي بس!

همس: برضو!.. تانى يا يونس؟

مش هدخل معاك ف نقاش خسران كالعادة

يونس: يعني بترفضي يا همس؟

همس: عشان مخسركش!

وقبل مااسمع رده البارد قولت

: ممكن تروحني؟

يونس ببرود: ممكن

همس: وديني لنور!

يونس: تمام

…….

فتحت لها الباب.. واتفاجأت بوشها الباهت.. يستحيل دي همس..

نور: مالك اي الحصل؟

همس بدموع مكتومه: طلب مني نرتبط!

نور: بجد واخيرااا؟

همس: سألته وانا باصه ف عينه حبتني!

هرب.. هرب من عيني عشان متثبتش الحقيقه ال جواه..

محبنيش!! يوم ماحب احب واحد محبنيش! ليهه!

شاورت على قلبها بعيون مليانه دموع وقالت: هنا.. هنا فى جرح بينزف كل يوم وجعه مقلش والايام مش قادرة عليه!

حاولت اتجاهله و حاولت اعالجه.. ونزيفه موفقش ثانيه.. عيطت بحرقه وقالت:

خبيته عن عيون الكل.. بس انا شايفاه وحساه.. وتعبت من وجعه! انا اتحبيت من كل الناس الا هو محبنيش!

مش عارفه انا اللي غبيه عشان حبيته.. ولا هو اللي غبي عشان محبنيش..!

ليه اترفض من الشخص الوحيد اللي تقبلته..!

خدتها ف حـ,ـضني وهي بتعيط بشحتفه زي الاطفال..

وبسأل نفسي ليه ممكن يبقي حد بالغباء دا ليه يكون حد بيحبه للدرجه دي وميقدرش!

كنت عارفه انها مش قد قرارات البعد دلوقتي وزعلها عاميها عن حبها له… لما قالت بانهياار: لو شفته بيمـ,ـوت قدامي حتي مش هروح اشوفه ولو لاخر مره مش هوجع قلبي تاني!

كنت متاكده ان قلبها مستقوي ومستهون ببعده وان فتره مش طويله وهترجع تدور عليه بقلبها مش بس بعينها..

مشيت من حياته وقبل ماتمشي قصدت تسيب الباب موارب

سابتله الف مدخل عشان يرجع..

…..

…18/3/2022….

قررت اقطع اجازتي ال طولت غصب عني..

لبست فورمال كالعاده وفردت شعري ال دايما بربطه.. حطيت كونسيلر عشان يداري اثر السهر والتعب والعياط.. ومسكارا خفيفه ونزلت..

اخدت قهوتي.. واترجيتها تفوقني وتغيرلي مودي انهاردا بالتحديد وروحت الشركه

دخلت مكتبي وانا بتفادى ان عينى تقع عليه وع مكتبه ال جمب مكتبي بالمللى..

كابرت 3ثوانى وبتلقائيه بصيت بغلب عليه..

بس ملقتوش.. مكتبه كان فاضي..!!

استحاله ازاي مجاش.. شغله اهم من نفسه عنده.. استحاله ميجيش..

اتنفضت بقلق وبخطواط سريعه روحت لصاحبه وأنا بنهج:

مراد يونس فين!

مراد: انتي متعرفيش!

همس: اعرف اي؟؟

مراد: اصل يونس تعبان شويه

همس: تعبان ازاى!.. اى الحصله من امتا وازاى و

مراد: اهدى اهدى

همس: رد علياا

مراد: بصراحه يوسف عمل حادثه من اسبوع وفى المستشفى

محستش ازاى صرخت ودموعي نزلت بالسرعه دى..

مش دا ال عاهدت نفسي لو بيمـ,ـوت مش هشوفه واودعه حتى!.. وانهارده بس عرفت ان قلبي كان مستقوى بالبعد لكن عمره مكان قده

قولت بدموع: ودينى المستشفى

مراد: مرواحك ملوش لازم يونس ف غيبوبه لا بيسمع ولا بيتكلم..

همس: غيبوبه!

مراد: لاسف

همس: هتودينى ولا اروح بطريقتى؟

……

خنقتى من المستشفيات عمرها مقلت.. بالعكس كل ما اكبر يزيد وجعى وآلمى كل ماادخل مستشفى… كل ذكرياتى معاها توجع.. كل حد خسرته واتحرمت منه وودعته كان هنا..

لكن دا يونس..!.

ال عشانه استحمل الف وجع واعمل المستحيل.

دخلت المستشفى وانا بدعى من قلبي ان ميكونش اخر مره اشوفه فيها كمان هنا..

قعدت بسكوت ع اقرب كرسي من سريره وانا ببصله بوجع وهو نايم وباين ع وشه الكدمات والجروح.. اتنهدت وحسيت بندم انى مكنتش جنبه ومعاه.. انه مشافنيش غير وانا برفضه وبرفض قربه منى.. مشافش غير القسوة ف اخر مره بينا..

قربت منه ومسكت ايده وعينى مليانه دموع وبقول

: أنا أسفه.. انا السبب

مكنتش موجوده انبهك انك سايق بسرعه..

مكنتش موجوده آكد عليك متستعملش الفون وانت سايق

مكنتش موجوده امنعك تسوق وانت متعصب يا يونس

انا اسفه..

وانا بمشي وبسيبك عملت حساب كل حاجه.. الا انى اشوفك كده..

انا اكتر واحده عرفاك.. كنت خايفه..

خفت يكون حماس بدايات واصحي تانى يوم الاقيك اتسرعت.. وبتقولى نبعد.. خفت اخسرك..!

عمري ماتمنيت غير اليوم ال تيجيلي فيه عايزنى.. بس وانت حاببنى يايونس مش سد خانه!

طول عمري بهرب منك.. من اول يوم شفتك فيه..