الشقه

•خرجت من الشقة وقررت تمشي لكن فجاءة لاقت باب البيت اللي في وشها بيتفتح بهدوء وخـ,ـرجت منه طفله صغيره

ندي : اي داا انتي مين يحبيبتي واسمك اي ..

_ اسمي نور ونتي

_ انا اسمي ندي .بس انتي شكلك زعلانه مالك في اي

_انا زعلانه علشان بابا دايما زعلان بسبب أن امي مريضه

°°يقاطع كلامها صوت يجي من وراهم

•نوور .. نوور انتي فين

نور : انا هنا يا بابا واقفه معا طنط ندي

ادم : ندي…..!!! خرج ادم واتصدم عندم راي ندي تقف إمامه

ندي : ادم ؟ وبابا ؟ هو انتو السكان الجداد ؟

ادم : اه يا ندي عامله اي

ندي : انا..انا كويسه الف مبروك الجواز ووو البنوتة

ادم : الله يبارك فيكي ي ندي عقبالك عن أذنك هدخل انا ..

ندي : اتفضل

•دخل ادم وقفل الباب وفضلت ندي واقف مكانها مصدومه ..••

طلعت تجري بدموع علي صحبتها..

وبتفتكر كل كلمة قالتها لها وانها كانت واثقه من رجوعه بس دا خلاص اتجوز وخلف.

فلااااش باااااااككككك.

_ معقول يا ندي لسه بتحبيه

_ مش قادره انساه يا هدي انا شايفه طيفه قدام عيني طول الوقت وف كل مكان صوته مش بيفـ,ـارقني

_بس هو مبقاش موجود يا حبيبتي ..

_لا متقوليش كدا هو هيرجعلي تاني قريب انا واثقه ….

من يوم ما سابني وبقيت لوحدي بقيت بسأل نفسي طب اي السبب انا عملت اي علي الاقل يقولي انا عملت اي .

عده 3 سنين علي اخر مرة شوفته فيها

..لسة فاكره نظراته وضحكته اللي خطفو قلبي وكلامنا معا بعض بالساعات معقول يسبني ويمشي كده ده كان حاجه بالنسبالي ده من وقت ما مشي وانا حياتي اتغيرت معتش ليها طعم ولا معني وهو بعيد عني

انتي عارفه أنه وحشني اوي 🥺

بااااااااااككككككك

……………………….

_ الدنيا حلوه واحلي سنين عايشينها واحنا يا ناس عاشقين أن……..

_واي كمان يا استاذه نانسي عجرم صاحيه فايقه شكلك

_ يماما خضتيني انتي كمان مش كفايا الدوشه اللي في الشقه اللي جنبنا طول الليل معرفتش انام منهم

– يا حبيبتي دول السكان الجداد لسه شارين الشقه امبارح وكانو بينضفوها وبعدين انتي صاحيه بدري كده ليه …

_ عندي شغل مهم النهارده يا امي ادعيلي

_ ربنا معاكي يا حبيبتي ويوفقك خُدي بالك من نفسك ونتي رايحه الشغل ويالله علشان متتاخريش

ندي : حاضر يا حبيبتي هفطر وامشي علطول

…………………….

_يعني اي ي ندي رجعت انا مش فاهمه منك اي حاجه؟؟

_يعني رجع يا هدي رجع وشوفته واتكلمت معاه بس رجع ومعاه بنته اتجوز وشاف حياته ونسيني يا هدي انا مش مصدقه اللي شوفته

_لا ي ندي انتي لازم تفوقي كدا وتشوفي حياتك انتي فضلتي لوحدك من بعد ما سابك علي امل أنه هيرجعلك وطلع ميستاهلش حبك ده