قبل فرحي بثلاث ايام

يا بابا الفلوس دي مش هرجعها شركتك انت بوظتها بايدك لما علمت بناتك إن سمعتك أهم من كرامتهم
قال طب أعمل إيه
قلت له اشتغل زي ما أنا اشتغلت
أنا من 4 سنين بشتغل إدارة عقود ب 2000 دولار في الشهر وبحوش وبستثمر وانت فاكرني فاشلة
روح اشتغل انت كمان وابدأ من الصفر
أبويا عيط
أول مرة في حياتي أشوف أبويا بيعيط
قال عندك حق أنا كنت شايف الفلوس هي السند طلع بنتي هي السند
قلت له أنا مش سند حد أنا سند نفسي بس
مشي وهو موطي راسه
أمي جت بعدها بيومين
خست النص
قالت أنا مش بنام يا بنتي كل ما أنام أشوف الفيديو على بروجيكتور القاعة والناس بتبص عليا
قلت لها ما انتي اللي قلتي لي كملي الفرح عشان سمعتنا
قالت كنت غبية كنت فاكرة إن الجواز سترة حتى لو الراجل خاېن
قلت لها السترة مش في راجل خاېن السترة في كرامتك
قالت علميني
قلت لها أعلمك إيه
قالت علميني أبقى قوية زيك أقول لا
قلت لها اتعلمتي متأخر بس لسه فيه وقت
حضنتني وقالت سامحيني
قلت لها مسامحاكي بس مش هنرجع زي زمان
زمان كنت باجي أزوركم وتقولوا لي اطبخي وامسحي وانتو قاعدين
من النهاردة لو هنيجي هنبقى ضيوف زي بعض نحترم بعض
قالت موافقة
أخويا طلق مراته رسمي
واكتشف إنها كانت عاملة قرض باسمه ب 100 ألف دولار ومخبياه
رفع عليها قضية وهي هربت مع خطيبي
آه خطيبي ومرات أخويا هربوا سوا
راحوا محافظة تانية وفتحوا محل موبايلات بال 145 ألف اللي سرقوها
بس البوليس جابهم بعد شهر عشان قضايا القماړ والسړقة
خطيبي اتحبس 6 شهور ومرات أخويا اتحكم عليها ترجع الفلوس لأخويا
وأنا بعت الشقة
بعت الشقة المليون و ألف اللي كلها ذكريات وحشة
خدت الفلوس هي والتعويض النص مليون وال 2 مليون اللي سحبتهم من شركة أبويا
بقى معايا حوالي 3 مليون و ألف دولار
عملت بيهم إيه
اشتريت عمارة صغيرة 4 أدوار في مكان هادي على النيل
كل دور شقتين
سكنت في شقة وفتحت في شقة تانية مكتب استشارات عقود
وبقيت أساعد ستات مطلقات وأرامل يرجعوا حقوقهم زي ما أنا رجعت حقي
وسميت المكتب لا
آه والله سميته مكتب لا للاستشارات القانونية
كل ست تدخل
تقول لي جوزي ضړبني ولا سرقني ولا خانني أقول لها قولي لا
لا مش عيب
لا بتحميكي
لا بترجع حقك
أخويا بقى شريكي في المكتب
هو بيمسك الحسابات وأنا بمسك القضايا
وأبويا بقى يجي كل أسبوع يجيب لنا فطار فول وطعمية ويقعد يقول لنا أنا فخور بيكم
وأمي بقت تيجي تساعد الستات اللي بيجوا المكتب تعمل لهم شاي وتقول لهم أنا كنت زيكم زمان بسكت ودلوقتي اتعلمت أقول لا
وفي يوم واحدة ست دخلت المكتب معاها بنتها الصغيرة
البنت عندها 8 سنين
الست قالت جوزي طردني عشان مخلفة بنت
بنتها قالت يا ماما قولي له لا
افتكرت بنتي اللي مكنتش بنتي بس كانت أنا صغيرة
قلت لها شاطرة يا حبيبتي انتي اللي هتعلمي ماما تقول لا
والنهاردة بعد سنة من الفرح اللي مبقاش فرح
أنا قاعدة في البلكونة بتاعة عمارتي شايفة النيل
ومبسوطة
مش عشان بقيت مليونيرة
مبسوطة عشان أول مرة في حياتي لما بقول لا محدش بيقولي انتي أنانية
بالعكس بيقولوا لي برافو
وعرفت إن الفرح اللي محدش هينساه مش هو الفرح اللي كنت مخططة له
الفرح الحقيقي هو يوم ما وقفت على المسرح بالفستان الأبيض وقلت لا قدام ميتين واحد
ده كان فرحي أنا
فرح كرامتي