حاله عمر

أس..حارمد..فونه
#الجزءالأول

المنبه رن على الساعه 8 الصبح وعشان كده كان لازم اقوم عشان الشغل، اه اصل طبيعه عمل الدكاتره صعبه شويه مفيش حاجه اسمها عايز اريح النهارده انت بتكون رايح الشغل وفي ايدك حياه المرضى اللي لازم تحافظ عليها
وعشان ما اطولش عليكم انا الدكتور يحيى دكتور جراحه في مستشفى كبيره جداً في القاهره عندي 37 سنه متجوز من سبع سنين ومراتي اسمها زينب وعندي ولد واحد اسمه عماد
قمت من النوم لقيت زينب محضره الفطار وكالعاده دخلت اخدت دش سريع وقعدت فطرت مع زينب وعماد ولبست ونزلت على شغلي.. واول ما وصلت المستشفى عرفت ان مدير المستشفى عامل اجتماع للدكاتره عشان عاوز مننا تقرير مهم عن الحالات اللي توفت الفتره اللي فاتت وتدهورت حالتها بشكل سريع وخصوصا المصابين بامراض خبيثه او مستعصيه
وعشان كده اتعرض عليا ملف مريض من المرضى اللي يعتبر اغرب حاله عدت عليا في تاريخى المهني
حاله عمر، عمر ابو الفضل… عمر شاب كان عنده 29 سنه وتوفى بمرض كانسر في الدم والعياذ بالله سرطان يعني ولكن حاله عمر تدهورت بشكل سريع مما ادى لوفاته بعد اصابته بالمرض باسبوع واحد لكن عمر ساب جواب قبل وفاته وجنبها مذكرات وانا فاكر اني قريت المذكرات دي وهحكيلكم حكايه عمر
…
دخلت الارشيف جبت ملف عمر واللي كان مرفق معاه جواب سابه عمر قبل وفاته ومعه اجنده صغيره، الجواب بيطلب من اي حد يلاقيه انه يفتح المذكرات ويقراها ويوديها لواحده اسمها ياسمين
وفتحت المذكرات واسمعوا قصه عمر
…
انا اسمي عمر ابو الفضل عندي دلوقتي 29 سنه عمري اللي هينتهي خلاص دلوقتي بعد ما عرفت ان انا مصاب بكنسر في الدم وللاسف في حاله متاخره او تقدروا تقولوا ان حالتي اتدهورت بشكل سريع وعشان كده انا بكتب المذكرات دي
قصتي بتبدا من ايام الجامعه انا كنت في كليه هندسه وكان عندي حلم ان اكون احسن مهندس في مصر بس كان عندي عقده في حياتي والعقدة دي هي بابا، بابا كان محبوس على ذمه قضيه نصب وعشان كده والدتي اتطلقت منه وانا وهي عشنا مع بعض وبطلنا نروح نزوره اصلا لكن سيرته بتلاحقني في كل مكان
المهم ان انا قررت ان انا اركز في دراستي وانسى كل حاجه واخ بالي من والدتي… لحد ما قابلت ياسمين.. كانت اجمل بنت شافتها عيني ياسمين مش بس كانت جميله لا دي كانت دايما بتطلع من الاوائل كانت ذكيه جداً واي حد يشوفها كان لازم بيعجب بيها، كنت بحاول الفت نظرها بأى طريقه لحد ما في يوم قررت اني اصارحها وقلتلها اني بحبها
وكان رد فعلها وقتها مفاجاه بالنسبالي لانها كانت بتبادلني نفس الشعور كانت بتحبني بس مكانش ينفع تقول
ساعتها حسيت ان الدنيا كلها بتبتسملي، معقول البنت اللي حبتها واتمنيتها طلعت هي كمان بتحبني وعشان كده عزمت على اني لازم اتقدملها
ولما سالت عليها عرفت انها من اكبر عائلات اسكندريه وانها جايه تدرس هنا في القاهره بسبب التوزيع الاقليمي اللي بيحصل في التنسيق والدها كان عقيد شرطه سابق متقاعد يعني ووالدتها بنت مسؤول كبير ولكنه توفى من فتره
لما رحت وعرضت على والدتي الموضوع، والدتي كانت موافقه وفرحانه جداً لكن كان اعتراضها على حاجه واحده وهي العقده اللي في حياتي هنقول للناس ايه عن والدك هنقول ميت ولا هنقول في السجن عشان متهم في قضيه نصب
بصراحه مكانش شاغلني الموضوع انا كل اللي كنت بفكر فيه اني عايز اتجوز ياسمين… وعشان كده عرضت عليها اني هاجي انا ووالدتي عشان نتقدم واخطبها رسمي من اهلها
يومها شفت فرحه في عيون ياسمين ما تتوصفش.. حددنا يوم الخميس من نفس الاسبوع عشان اتقدملها
…
طبعا هي قالت لوالدها وقالتله على اسمي بالكامل، وعلى الاساس ده هو عمل تحريات عني
وجيه اليوم الموعود يوم الخميس من نهايه الاسبوع ورحت انا ووالدتي على بيت ياسمين، الناس كانوا في استقبالنا عادي ومفيش اي مشكله
وعشان كده بدأت الكلام وقلت
_ عمي انا يشرفني ويسعدني اني اتقدم واخطب بنت حضرتك

= وحضرتك شغال ايه دلوقتي يا استاذ عمر؟

#قناه_قصص_ورويات_رعب
#الخوف_كله_هنا

_ في الحقيقه انا لسه بدرس يا عمي.. بس انا جاي عشان اخطبها عشان مش عاوزها تروح من ايدي.. انا مش هخجل من حضرتك انا بحب بنتك وعاوز اتجوزها

= شوف يا ابني انا معنديش مشكله انك تتجوز بنتي.. لكن انت عارف اني كنت راجل قانون واني قبل ما اجوز بنت لحد لازم اعرف عنه كل حاجه وانا اتحريت عنك وعرفت كل حاجه
والمثل بيقول لك ايه يا ابني حاسب قبل ما تناسب.. لو انت مكاني ترضى تجوز بنتك لواحد ابوه متهم في قضيه نصب؟
…

في اللحظه دي ساد الصمت حسيت اني محرج جداً.. لكني رديت وانا باصص في الارض وقلتله
_ واكيد حضرتك عارف بما انك عملت تحريات عني ان احنا متبرين منه واني مستكفي بامي وعايش معاها

= اه بس ده ما يمنعش انه دي سيره ابوك برضو اللي هتفضل ملازماك طول عمرك وبصراحه انا مش عاوز سمعه بنتي وسمعتي تيجي في حوار زي ده، مش عايز يتقال عليا مناسب ابن نصاب
انا اسف يا جماعه طلبكم مرفوض
…

ياسمين في اللحظه دي كانت واقفه والدموع مغرقه وشها، وانا من اثر الصدمه قمت ومشيت انا وامي من غير ولا كلمه طلعنا بره بيتهم وركبنا العربيه ومشينا كنت سايق زي التايه مش عارف افكر وامي كانت مش مبطله كلام.. كله كان كلام لوم ليا اني حطيتها في الموقف ده واني كسرت نفسها ونفسي
في اللحظه دي كنت بتمنى موت ابويا اللي سيرته للاسف بتلاحقني في كل حته… لكن في عز ما انا تايه سمعت امي بتصرخ وحطت ايدهاعلى صدرها وفضلت تشاور بايدها عشان اجيب لها البخاخ.. اه اصل والدتي كانت بتعاني من ضيق تنفس وكانت بتستخدم بخاخ ليه، لكن من سوء الحظ اني ملقيتش البخاخ في الشنطه حاولت انقذها باي شكل لكن كان خلاص الوقت فات وصلت بيها لاقرب مستشفى وبمجرد ما دخلت وطلبت ترولي متنقل عشان ننقل والدتي لجوه المستشفى واخذناها ودخلنا على جوه على قسم الطوارئ
الدكتور كشف عليها وقال البقاء لله شد حيلك يا استاذ.. محستش بنفسي ووقعت من طولى لكني لما فوقت لقيت.. يتبع الجزء التاني

الجزءالثاني

لما فوقت من الغيبوبه اللي انا كنت فيها او الاغماء لقيت ياسمين كانت بتعيط وبتقولي ان هي رنت على تليفوني، وان ردوا عليا في المستشفى وقالولها الخبر
مكنتش عارف ارد عليها ساعتها اقولها ايه؟
هي اه ملهاش ذنب وانا عارف انها هي بتحبني وكل اللي حصل ده بسبب اهلها لكني مكنتش عارف اتكلم معاها انا كنت ساكت.. مش عارف ده من اثر الصدمه و وان امي اللي ماليش غيرها في الدنيا ماتت، ولا صدمتي انه اسعد يوم في حياتي اتحول لكابوس
ياسمين اتكلمت وقالت

_ عمر انا لسه بحبك ومش هسيبك حتى لو كان ده قرار اهلي انا هفضل جنبك وهضغط عليهم لحد ما يوافقوا

= انا مبقتش عايز حاجه يا ياسمين خلاص كل حاجه راحت واضح ان سمعه ابويا هتفضل ملازماني لحد اخر يوم في عمري وهتكون السبب في دمار حياتي ولا هتكون ليه هي فعلا دمرت حياتي

_ عمري انا ما اتعودتش اشوفك ضعيف كده، ومش هقدر اشوفك كده ارجوك لازم تعدي الازمه دي وتفوق لنفسك وانا هفضل جنبك ومش هسيبك صدقني

= انا عايز اقعد لوحدي يا ياسمين بعد اذنك سيبيني وروحي دلوقتي
…
خرجت ياسمين من الاوضه، ودخل الدكتور اللي قالي

_ حمد لله على السلامه يا بطل… انا عاوزك كده تشد حيلك الاعمار بيد الله ووالده حضرتك في مكان احسن دلوقتي واحنا محتاجينك تقوم عشان تخلص كل حاجه والوالده تتدفن، انا خلصتلك تصريح الدفن وجاهزين عشان نسلمك
الجثه.. البقاء لله

= سبحان من له الدوام يا دكتور
…
الدموع غرقت وشي في لحظه، كل ما كنت افتكر منظر امي وهي في العربيه بتطلب مني الحقها وانا عاجز كنت بكره العيله دي اكتر وبتمنى موتها ومش هي وبس لا ده انا كنت بتمنى موت ابويا كمان اللي وجوده اكبر لعنه في حياتي ومش هعرف اتخلص منها بسهوله
قمت وكل حاجه مشيت بسرعه اخدت جثه امي واتعملت جنازة كبيره واتدفنت امي في مدافن العيله
وعدت ايام العزا ورجعت للشقه تاني بس المره دي من غير امي.. طلبت من الشغل اجازه مفتوحه بدون مرتب مكنتش قادر اشتغل ولا اقابل حد، يا دوب كنت برد على بعض مكالمات ياسمين ومش كلها ساعات كنت بكنسل عليها وبنهار من العياط كل ما افتكر امي واللي حصلها
…
وفات على الوضع ده اسبوعين.. كنت بنزل اجيب طلبات البيت وارجع احبس نفسي باليومين تلاته لحد ما الاكل والميه اللي معايا يخلصوا وبعد كده انزل تاني واجيب غيرهم واهى الحياه ماشيه
لحد ما في يوم نزلت القهوه اللي بعد بيتي بشارع.. قعدت عليها وطلبت كوبايه قهوه مظبوط
كان باين عليا الهم دقن الطويله والدموع اللي مغرقه عينيا ومنظري اللي اشبه بواحد شحات مش مهندس
قرب مني عم سيد بتاع الشاي وقالى

_ عامل ايه دلوقتي يا استاذ عمر؟

= الحمد لله على كل حال.. انت اخبارك ايه يا راجل يا طيب؟

_ الحمد لله.. انا عاوز اطلب منك طلب يا ابني؟
حاول تنسى وترجع لحياتك حرام شاب زيك محترم وابن ناس يبقى متبهدل بالشكل ده انا بنصحك عشان انت من سن ابني وربنا يعلم انك غالي عندي جداً
…
هزت دماغي من غير ما ارد عليها اصل عارف ده اسلوب المواسايه والطبطبه اللي اتعودت عليه من الناس الفتره دي
لكن وانا قاعد سمعت اثنين بيتكلموا وبيقولوا

_ والله ما عارف اعمل ايه… من ساعه ما الست دي عملت لمراتي العمل عشان تحمل مراتي مش بتنيمني الليل بتقوم كل يوم تصرخ بالليل في الشقه ووضعها من سيء لأسوء

= مين الست دي وبتعمل كده ليه؟

_ واحده يا سيدي مطلعه على نفسها اسم الشيخه سميحه وهي ولا شيخه ولا زفت.. مجرد واحده دجاله ونصابه ومالهاش غير في الاذيه

= ودي ساكنه فين دي مسمعتش عنها قبل كده..

_ ساكنه في الشارع اللي جنبنا ده انت ازاي مسمعتش عنها؟
…

الكلام كان بيرن في وداني وقتها كنت بحاول اخرجه من بالي واقول اعمال ايه وسحر ايه؟!
لكن لقيتني بشكل تلقائي مركز مع الناس دي وهي بتتكلم وعرفت ان الست دي اتسببت في موت ناس قبل كده لكن ما حدش عارف يثبت عليها حاجه… وعشان كده قررت اني اروحلها.. جايز يكون عندها الحل
قمت من على القهوه بعد ما حسبت ورحت الشارع اللي جنبنا وسألت عن الشيخه سميحه
وما شاء الله الشارع كله عارفها وبمجرد ما جبت سيرتها الكل قالي دي ست مبروكه وبتحل العقد وبتفك المربوط والكلام اللي انتوا عارفينه ده كلام الدجل بقى
وعشان كده لقيت واحد بيقولي هو ده بيت الست سميحه او الشيخه سميحه يعني على حسب المسمى
وصلت قدام بيت بابو اسود وخبطت.. فتحتلي بنت في العشرينات من عمرها وسالت عليها والبنت دخلتني وقفلت الباب… وشورتلي على اوضه وسابتني وراحت قعدت على مكتب صغير وكانها دكتوره مش دجاله عندها سكرتيره كمان قلت ده في عقلي بتهكم وكاني بتريق يعني على الحال اللي احنا وصلناله
لما قعدت قدامها بصيتلي وقالت

#قناه_قصص_ورويات_رعب
#الخوف_كله_هنا

_ انا عارفه عنك كل حاجه انت اللي جيه في بالك، اني ست نصابه لكن في الحقيقه انا هقولك اني عارفه انك جاي تنتقم من الناس اللي ظلموك وتسببوا بموت والدتك وانا هساعدك بس ده في مقابل انك تسمع كلامي طريقي ملهوش رجعه يعني لو بدات ما ترجعش تقولى خلاص سامحتهم انا كل اللي طالباه منك صوره بتجمعهم بس وسيب الباقي عليا..

= هو حضرتك عرفتي كل ده منين؟

_ انت ما تعرفش عني حاجه انا الشيخه سميحه اللي بعرف كل حاجه بتحصل في البلد دي بعد ثواني من حدوثها
…
خرجت من عند الست سميحه وخرجت تليفوني ودخلت على الاكونت بتاع ياسمين.. وقلبت في الصور لحد ما لقيت صوره بتجمعها هي ووالدها ووالدتها واخوها.. رحت عند واحد بتاع تصوير وطباعه وطبعت الصوره من على التليفون ورجعت تاني للست سميحه
وطلبت منها تعمل عمل لابوها وامها واخوها عاوز التلاتة يمروا بازمه صحيه كبيره ويصابوا بمرض خبيث يفضل ياكل في لحمهم لحد ما يموتوا عاوزهم يتمنوا الموت

ابتسمت ست سميحه وقالت طلبك بسيط فوت عليا بعد يومين وهتلاقي الطلب جاهز
….
لاول مره احس اني مش عارف نفسي انا مين انا المهندس المحترم اللي دلوقتي هيعمل عمل لناس وهيتسبب في موتهم
فاتن يومين ورجعت للست سميحه من تاني… قالتلي

_ ال3اعمال دول تدفنهم في قبر تكون لسه داخله جثه طازه ملهاش كم يوم اهم حاجه ما يكونش عدى عليها اسبوع تدفنهم وتخرج وهتشوف اللي هيحصل فيهم

= ما فيش حل تاني غير موضوع القبر ده

_ لا مفيش وتنفذ اللي قلتك عليه
…
خرجت من عندها ورحت على المقابر.. وهناك قابلت واحد والمفروض هو ده المسؤول عن المقابر الحارس يعني او الغفير وعرضت عليه فلوس في مقابل اني ادفن الاعمال دي
وبصراحه الراجل ما اعترضش بالعكس.. ده فرح جداً واخدني ورحنا قدام قبر وقالى

_ الجثه اللي دخلت القبر ده.. لسه داخله امبارح يعني عز الطلب تقدر تدخل دلوقتي وتدفن الاعمال بس ايه بضهرك واخرج بوشك

= اشمعنا يعني؟

_ ما تسالش وخلص بقى خلينا نخلص الليله دي
….

مكنتش متخيل في يوم اني هعمل كده انا المهندس المحترم واقف قدام قبر عشان يدفن اعمال تأذي الناس مش هنكر اني قررت اتراجع كتير لكن كل ما كنت اجي اتراجع افتكر منظر امي وهي بتموت قدام عينيا بسبب كسره النفس وعشان كده كان كل تفكيري في الانتقام نزلت القبر وفي ايدي 3 اعمال بالخراب والموت على الناس اللي اتسببت في موت امي واللي حرمتني من اغلى بني ادمه بحبها في حياتي واللي حرموني اني اتجوز حب عمري… نفذت كل الشروط اللي كانت مطلوبه عشان ادفن الاعمال لكن قبل ما اخرج من القبر ايد متلجه مسكت ايدي بصيت وانا بترعش وكانت الصدمه… يتبع الجزء الثالث

#الجزءالثالث_والأخير

بصيت على الجثه اللي مسكت ايدي لقيتها لسه هي الجثه الجديده اللي لسه مدفونه اللي قالي عليها التربي، جسمي اترعش ورجعت لورا وناديت عليه وقلتله
عم سيد الحقني يا عم سيد
هو فعلا نزل على القبر وشدني وخرجني وحرفيا اعصابي كانت بايظه ما كنتش مصدق اللي شفته تحت وعشان كده سألته عن اللي انا شفته تحت ده؟
قالى
_بص يا استاذ بلاش تشغل بالك باللي انت شفته تحت عالم الاموات عالم غريب محدش، انا مش هقولك زي الناس التانيه ولا اللي ممكن تسمعه في الافلام لكن هقولك ان هما ليهم عالم خاص بيهم ولازم نحترمه عشان مانتأذيش
…
سبت التربي ومشيت وانا في دماغي الف سؤال، بس اهم سؤال فيهم كده انت هترتاح؟ شايف انك لما تخلص منهم هترتاح، شايفهم سبب موت والدتك
بس ده قدرها واجلها ارضى بالمقسوم وارجع خرج الاعمال دي من جوه القبر وارجع فك العمل ده
ده كان الصوت اللي جوايا صوت الضمير اللي لسه صاحي لكن بيرد عليه صوت كله قسوه ووجع وبيقول اوعى تسمع كلامه مشيت وراه كتير، اخدت ايه رحت لناس هانت كرامتك
ورفضوك وكمان تسببوا في موت والدتك اللي مقدرتش تستحمل كسره النفس اوعى تتراجع ع الناس دي تستاهل اسوء من كده
…
وللاسف صوت الشر هو اللي انتصر جوايا.. رجعت على البيت مرهق وتعبان جداً دخلت اخدت دش
ولبست ودخلت اوضه النوم رميت جسمي على السرير ونمت، صحيت على تليفون من ياسمين فتحت الخط وسمعتها بتبكي وبتقول

_ الحقني، الحقني يا عمر اخويا… اخويا بيموت؟

= بيموت ازاي بس في ايه وحصل ايه؟

_ مش عارفه كان بيلعب كوره مع اصحابه، وفجاه وقع على الارض وفضل يتنفض ورغوي بيضة بتطلع من بقه ومش راضي يفوق، صحابه جابوه على البيت وبعدين طلعنا بيه على المستشفى، انا خايفه عليه اوي

= متخافيش يا ياسمين، متخافيش هيبقى كويس

_ انا عاوزة اقابلك، محتاجلك جنبي دلوقتي

= حاضر يا ياسمين قابليني قدام المستشفى انا جايلك دلوقتي
…
قفلت معاها المكالمه ومش عارف افرح ولا ازعل على اخوها اللي بيموت دلوقتي، انا لسه بحبها اه بس انا خسرت امي بسبب اهلها، ومش مستعد اتنازل عن حقي مهما كان
نزلت من البيت وركبت عربيتي ورحت على المستشفى، قابلتني ياسمين والدموع مغرقه عينيها طبطبت عليها وقلتلها متخافيش ان شاء الله خير وهيقوم بالسلامه… لكن في اللحظه دي صوت صرخه هزت المستشفى طلعنا نجري انا وياسمين على فوق.. والصدمه ان الدكتور خارج والبالطو كله غرقان دم وجثه اخوها على السرير
محدش كان فاهم حاجه.. الا انا كنت واقف ومبتسم من جوايا ان أخيراً شفت اهل ياسمين مكسورين قدامي

لكن في اللحظه دي الدكتور قال

_ اللي عند ابنكم ده مكانش طبيعي، دي اول حاله تمر عليا كده.. انا كنت بوصله الاجهزه عادي جداً لكن فجأة بقه اتفتح بعنف وخرج منه كميه دم رهيبه ومات، مات ومفيش سبب علمي ولا طبي لده… صدقوني يا جماعه احنا عملنا اللي علينا بس الموضوع في حاجه غلط
…
طبعا انتوا متخيلين المنظر، صراخ وعويل ولطم وياسمين وقعت مني في الارض… اتصابت بصدمة عصبيه حاده
وبعد ما تمت اجراءات تصريح الدفن والتكفين والتغسيل ادفن اخو ياسمين… وسط قهره وحزن من اهلها وفرحه ماتتوصفش جوايا
كده اول واحد مات… بعدها رجعت على بيتي من تاني بسأل نفسي الدور على مين فيكم؟
وعدى 3 ايام على موت اخو ياسمين، والموضوع عدى وكل واحد بدأ يرجع لحياته.. لكن ياسمين كانت لسه محجوزه في المستشفى مش بتتكلم ساكته طول الوقت
كنت بروح ازورها من الوقت للتاني واطمن عليها، وعرفت ان اهلها بيجوا يطمنوا عليها مره واحده في اليوم وبيسيبوها ويمشوا ناس جاحده وتستاهل كل اللي بيحصل فيهم وهيحصل لسه
…
بعد اخر زياره لياسمين رجعت بيتي حضرت اكل وبدات اكل وكنت مستمتع جداً، لكن مسكت التليفون وكنت بقلب على فيسبوك عشان اشوف اكتر خبر مستنيه
الخبر كان مكتوب فيه اسرع رجل وزوجته في ظروف غامضه بمحافظه اسكندريه… بعد ان قام الاثنين بالانتحار بشنق انفسهم بسقف غرفه المنزل وكم منشور اسمائهم وصورهم
لكني حبيت استفسر اكتر ايه اللي حصل.. وعشان كده كلمت واحد اعرفه هو ظابط من اسكندريه واظن هيكون عارف ملابسات الحادث.. كلمته وسالت عليه وبعد كده جبتله سيره الحادثه.. فقال
والله ما حد فاهم حاجه.. الرجل والست مكانش عندهم اي حاجه غير انه ابنهم مات من كام يوم وبنتهم محجوزه في المستشفى بسبب صدمه عصبيه حاده لكن ايه اللي حصل بعدها محدش عارف… الشغاله دخلت تصحيها لقيتها هي وجوزها مشنوقين في سقف الاوضه وعشان كده بلغت
قفلت معاه وكنت طاير من الفرحه

.. تعرفوا انا عملت ايه انا قمت شغلت اغاني وفضلت ارقص زي المجنون ولا زي ليه انا مجنون فعلا!… انا كنت فرحان وشمتان فيهم بطريقه مش طبيعيه، حتى مفكرتش في ياسمين في اللحظه دي كل اللي كنت بفكر فيه اني أخيراً اخدت حقي منهم، وقلت بقى خلاص ياسمين مبقلهاش حد غيري… خلاص تخرج من المستشفى وهتجوزها غصب عنهم اصله خلاص هما ماتوا ومش هيعرفوا يرفضوني تاني

…
تاني يوم الصبح رحت لياسمين على المستشفى، ياسمين كان عندها لامبالاه مش طبيعية كانت ساكته اكيد عرفت الخبر بس مكانتش بتتكلم، للاسف ياسمين اتحولت من ورده مفتحه لواحده مفيهاش روح كل حاجه راحت ياسمين بقت مجرد جلد على عضم… حسيت في اللحظه دي بعذاب الضمير وان انا السبب في اللي هي فيه دلوقتي
خرجت من عندها لكن وانا ماشي حسيت بدوخه مش طبيعيه ووقعت على الارض… فوقت لقيت نفسي في المستشفى على السرير ومتوصلي اجهزه مكنتش فاهم حاجه ولا انا حصلي ايه بالظبط
لحد في ما دخل الدكتور وقلي

_ استاذ عمر يؤسفني اقولك انك مصاب بكنسر في الدم ولكن اطمن المرض لسه في المرحله الاولى وان شاء الله هنقدر نعالجك

= حضرتك بتكلمي انا يا دكتور، انا مصاب بكنسر في الد…م؟

= ايوه يا استاذ عمر انت مصاب بكنسر في الدم في المرحله الاولى لسه ولازم تتحجز في المستشفى عشان نقدر نعالجك وتقوم بالسلامه
…
حسيت في اللحظه دي ان الدنيا واقفت من حواليا مكنتش مصدق اللي بسمعه، اتحجزت في المستشفى لكن الغريبه ان حالتي كانت بتسوء بطريقه غريبه وسريعه جداً حتى الدكاتره مكانش عندهم تفسير اللي بيحصل
وعشان كده انا كتبت مذكراتي وكتبت معاها جواب وبطلب من اي حد هيقرا الجواب والمذكرات يقول لياسمين اني كنت بحبها اوي وان كل اللي حصل مني ده كان رد فعل لفعل اهلها وان ندمان عشان هي متستاهلش مني كده
…

خلصت مذكرات عمر وحقيقي الانسان هو اسوء حاجه على وش الارض، الانسان مؤذي بطبعه ومش بيفكر في اي حاجه غير الانتقام بس… بينسى ان ربنا موجود وان ممكن يقول حسبي الله ونعم الوكيل وكفى بالله وكيلا
استبعدت ملف عمر من تقريري لان السبب اللي مات بيه عمر دي حاجه من عند ربنا ولا يوجد لها سبب طبي او علمي
….
#تمت
#قناه_قصص_ورويات_رعب
#الخوف_كله_هنا

*وتعطينا الروايه نبذات عن مواضيع مهمه في الحياه منها علاقات العملاء (CRMيتفاعل فيه العميل مع الشركات لتحليل تاريخ  بيانات العميل من اجل تحسين علاقات تجاريه مع العملاء.

*كما تعطينا نبذه عن التأمين insurance اتفاق بين الفرد وشركه التامين بدفع اقساطشهريهمن الفردوتلتزم الشركه بتقديم حمايه ماليه ضد المخاطر .

*ومن هنا يكون التداول المالي Trading متاح للكل حيث بتداول الادوات الماليه شراء شىء مقابل مبلغ من المال حيث تشتري اصل مالي بسعر معين ثم تبيعه للربح .

*وما ان تزيد الاموال ياتي دور التبرع Donate لاعمال خييه يكون التبرع نقدي علي شكل صدقات لتقديم خدمات للمحتاج من طعام وملابس والعاب .

واهميه الاستضافه Hosting في استضافه المحتاج لتوفير ماوي له

*وهنا يوضح القروض Loans حيث هو واجب يدين به المدين للدائن ويشير الي الاصول التي اعطاها الدائن للمدين لتسير اموره .

واحيانا يتجه المدين للتمويل العقاري Mortgage حيث يقترض المال لشراء او اعاده تمويل ويمنح فيه المقرض الحق اذا فشلت في السداد اخذ عقارك .

*وهنا تاتي اهميه مهنه المحامي Attorneyفهو شخص يتمتع بقدرات قانونيه ومهارات في مهنه المحاماه لتساعد الناس علي تخقيق حقوقهم وحمايه المصالحه يسعي لتحقيق العداله الاجتماعيه واقامه ودوله القانون .

وايضا اهميه المحاسبه Accounting  لكل المداخلات والعمليات التي تمثل الاحداث الاقتصاديه وفقا لنظام المعلومات الماليه المستخدمه لمتخذي القرارات والجهات الضريبيه .من اجل المحافظه علي مصادر البلد وتنميتها مثل Gas و Electricity حيث تتوافر من الغاز الكبيعي لتوليد الكهرباء وتوفير الغاز للمستخدم

*