روايه كامله
كنت طالعه من المستشفى واتمشيت لحد ماوصلت بيتي ولسه هدخل العماره لقيت ولد بيثبتني لسه هزعق لقيت راجل ضربه والولد طلع يجري والراجل مشي !
ايه دا هو بس كدا !حضرتك تعالى اشكرك اي حاجة ماتعمل اي شكل .
مشيت ورا وعماله انادي وهو ولا هنا كأن بكلم نفسي،هو ماشي ودخل ورا المبنى وقعد رُحت شديت الكبوس من عَل راسه .
-انت ياحضرة ،ايه دا انت بتعمل ايه!!دي مخدرات صح شديتها منه ورميتها بعيد ووقعت عَل الارض ف مايه ،اتعصب وخلاص كان يطلع نار من ودانه .
-انتي انتي مجنونه انتي عملتي ايه وبكل عصبيه زق طوب كان محطوط جنبه ..امشي من قدامي احسنلك امشي وزعق ..
انا واقفه مكاني وقويه ومش هاممني حاجة وبعيط دا شكله يخوف اومال انا دكتوره علاج ادمان عَل ايه اه انا الدكتوره ياسمين ..استنوا نشوف البتاع دا الاول .
-طلع تلفونه واتصل بحد..هاتلي زفت بسرعه ،انت فين يعني خليك مكانك انا هجيلك .
-انت لازم تروح تتعالج مينفعش كدا ..هو ماشي وانا وراه ومنطنشي..يعني مش عايز صح روحت جبت طوبه وضربتها عَل دماغه من ورا ..الله عليكي ياياسمين وانتي هتروحي فداهيه كدا ..اتصلت عَل زميل معايا يجيلي
وبعد وقت كان اجى وروحنا المستشفى .
-ياسمين فهميني ايه الي حصل انتي وشك مخطوف كدا ليه ؟
-حسام مفيش وقت خلينا نعالجه الاول عشان نزف كتير .
-طيب هتصل عَل دكتور زميلنا افضل.
وبعد ساعتين بدأ يفوق
-اااه دماغي ،هو انتي والله ِماهرحمك انتي عملتي فيا ايه ،وانا مربوط كدا ليه ؟
-ممكن تهدى وانت دلوقت ف مكان افضل بكتير واحنا رابطينك كدا عشان عارفين انك هتنفعل اوي كدا ،بس اهدى وانا هعالجك متخافش ومش هديك حقن ولا اي حاجة توجعك بس خليك شاطر معايا ومتعملش حاجة تندم عليها بعدين ماشي .
-انت مجنونه ياغبيه انتي ،انتي بتكلمي طفل قدامك ولا ايه ،وايه شغل التهديد دا فكيني ياما انتي الي هتندمي ندم عمرك.
-لاء بقولك ايه انا هنا الدكتوره وانت تقول حاضر وبس فاهم .
-واللهِ مانا راحمك خليني اشوف هفك نفسي ازاي وهكون قاتلك تحت ايدي .
-طيب طيب بعدين نشوف الموضوع دا ،المهم اولاً حابه اشكرك عل جدعنتك معايا من كام ساعه،ثانياً منك لله رايح تشرب مخدرات وبتشم عادي كدا تعمل خير وبعدين تروح تمحيه بالسيئة انت مجنون يا اه صحيح اسمك ايه ؟
انا فتشتك ملقتش معاك غير صور البت دي ،هي مين دي صحيح فيها شبه كبيررر منك مرضتش اعمل فيها حاجة .
-هاتي الصوره دي احسنلك وملكيش دعوه بأي حاجة تخصني هاتيها هنا .
-حطيتها ف جيبي ..طيب لما يبقى ليا دخل بقا يبقى احطها .
-انتي ياسمك ايه انتي اتلمي احسنلك انتي متعرفينيش .
-اسمي الدكتوره ياسمين تقولي كدا بعد كدا وقولتك عرفني عنك واديهالك بسيطه يعني !
-اسمي الزفت ادهم ها ايه تاني ؟
-تمام حلو ميضرش كدا عرفتك انا ؟هنهزر عرف نفسك كويس ياشمام يالا.
-طب ممكن خدمه وهعرفك عليا وعل كل العيله ؟
-اكيد اتفضل نبرتك هتخليني اعيط .
-اتصلي عل اخر رقم مكلمه وخليه يجيبلي حاجة بس طالبها منه .
-اها مش دا الولد الي كنت مكمله قبل ما اخبطك كنت طالب منه حاجة اها ياخي منك لله وانا الي صعبت عليا وقولت بس شكله هيطلع ظابط مخابرات بقا وبيعمل كدا عشان يقبض عليهم.
-ابتسم بكسره..طبيعي اضحك عليكي ماهو بكلمتين بس بتتثبتوا!
-بص انا مش ناقصه وجع دماغ خليك انت كدا لحد بكرا انا ورايا شغل بدري وهاجيلك بكرا نشوف موضوعك دا سلام .
وخلص اليوم .
وبداية يوم جديد.
-رُحت المستشفى اشوف الشمام قصدي ادهم ..خبطت ودخلت..وانا بفتح الستاير..ايه دا انت لسه نايم لا فوقلي كدا ورانا شغل كتير .
-عارفه لو مقفلتيش النور دا ايه الي هيحصلك ؟
-طب قوم فوق كدا وانا هطفيه جامد جداً .
-يابت هضربك .
-اتنيل لما تعرف تقوم وف دقيقه كان واقف قدامي .
-طيب ولما عرفت بقا ؟
-قمر عَل الصبح اول مره اشوف قمر عَل الصبح كدا ،صباح الخير يا ادهم بيه تحب تفطر ايه ؟
-ضحك وبعدين رجع طبيعي تاني ..طلعيني من هنا عشان دماغي هتنفجر ولحد دلوقت اخد شريطين مسكن .
-اتعصبت بجد..انت بتستهبل وجبته منين دا وفين حسام ايه الاهمال دا وريني فين الزفت كدا .
-ماتوطي صوتك عشان مارزعكيش كف ينسيكي اسمك وفيها ايه يعني قولت اصبر نفسي وجبته منين من هنا بسيطه .
-بصيت مامكان ما شاور ..طول عمري اقول مستشفى غبيه محدش صدقني ،ادهم من فضلك تعالى معايا ترجع البرشام دا كله .
-رفع حاجبه..ودا ازاي ان شاء الله انتي غبيه ؟دا اهو الي مصبرني عليكي لحد دلوقت لو دماغي وجعتني تاني وانا هنا مَش هيحصلك كويس .
-طيب خلصت لُكلُك يلا عشان تنزل الي ف بطنك ادهم الشاطر يلا مين الي هيرجع دلوقت ؟
