جوزي وامي

جوزي ولع في امي علشان بتقعد من الفطار للسحور وهو لسه عريس

وقبل ما نبدا الحكايه اعرفكم بنفسي انا سحر
عندي 30 سنه ومخطوبه وبعدين كنت قاعده
ولقيت واحده داخله تقولي

نعمات
ازيك يا سحر يا حبيبتي عامله ايه امك يعني مش قاعده على الفرشه بره زي كل يوم هي نايمه ولا ايه وبعدها قومت وقفت وقولت

سحر
هو ايه يا حبيبتي هو عشان ساكنين في اول دور تفتكريها وكاله من غير بواب ولا ايه الطريقه اللي انتي داخله بيها دي ان شاء الله

نعمات
في ايه يا سحر مالك ما انتي عارفه ان انا على طول بدخل كده وبعدين انا عايزه امك في كلمتين وانا همشي على طول

سحر
لما نشوف اخرتها معاكي هتكون اي وبعدها
خرجت ماما وانا دخلت جوا

الام
حجه انا عملت ازيك يا حبيبتي عامله ايه معلش اصل انا جيت نمت شويه وقولت هبقى انزل اشتري حاجات علشان خاطر رمضان كل سنه وانت طيبه الاسبوع الجاي رمضان

نعمات
وانت طيبه وبالف خير يا حبيبتي خدي خلي الفلوس دي معاكي انا عارفه ان انت بتجهزي بنتك علشان خلاص هتخش في العيد

الام
والله يا حبيبتي كان نفسي اعمل لها فرح كبير وتخش فعلا في العيد بس عريسها مصمم يتجوز
بكره باذن الله

نعمات
ايه يا حبيبتي الكلام اللي انت بتقولي عليه ده ازاي ده انت بنتك ست البنات يعني ازاي تتجوز بالطريقه دي

الام
معنديش مشكله خليها تتجوز طالما بتحبه
وهي راضيه بكده

نعمات
تمام على العموم لو عزتي اي حاجه كلميني يا حبيبتي وبعدها مشيت وخرجت وقلت لها

سحر
هو انتي لازم تفضحيني عند الناس كلها يعني وتفضلي تقولي الكلام اللي انتي بتقوليه ده
بقولك اي وريني الفلوس اللي هي دفعتها ليكي خليني انزل اجيب شويه حاجات في الشقه

الام
يا سحر يا بنتي اصبري بس ما هو لسه في حاجات تانيه لازم اجيبها يا حبيبتي مش جوزك قال خلاص متكفل بكل حاجه في الشقه

سحر
هو انت ايه عايزاه ياخذني بشنطه هدومي بقولك ايه احمدي ربنا انك مش جبتي حاجه
وبعدين هاتي فلوس بقى دي وبعدها اخذت الفلوس ونزلت قبلت مدحت خطيبها

مدحت
اي متصله بيا وقولتيلي انزلك ليه انا دماغي مصدعه ومش فايقلك انتي سامعه ولا لا

سحر
انا غلطانه يعني اول لما لقيت فلوس متوفره معايا قولت اجيبهالك علشان خاطر تعديل
مزاجك طيب انا ماشيه

مدحت
هنا رايحه فين هاتي الفلوس دي لما نشوف
اخرتها معاكي

سحر
بقول لك ايه الفلوس دي شكلها كتير جدا ما تاخد نصهم وسيبني بس اجيب اي فستان كده البسه بكره مش لازم ابيض اي لون بحث احس ان انا عروسه يعني

مدحت
العروسه دي يا حبيبتي بتكون بنت بنوت مش خارج بيت زيك بقولك ايه احمدي ربنا ان انا هكتب عليكي اصلا اللي زيك تبوس أيدها
وش وظهر والله علي اللي بعمله معاكي ده

سحر
مين اللي كان عمل فيا كده مش انت برده
وقولتلك كذا مره بلاش كلامك اللي انت بتقوله ده كلامك ده بيتعبني قوي

مدحت
على اساس انك بتحسي يا بنت هاتي فلوس واخلصي وبعدها اخذ الفلوس ومشي وانا بدات افتكر اللي حصل

#فلاش باك

سحر ماشيه وبعدين مدحت شافها

مدحت
رايحه فين يا سحر كده بالليل مش انا قايلك ما تخرجيش بالليل عشان بغير عليكي ولا ايه

سحر
اجيب شويه حاجات لماما عشان خاطر محتاجاها على الفرشه وانت رايح فين كده

مدحت
امي
مش موجوده في البيت وانا زهقان وقلت لما انزل كنت حاسس ان انا هشوفك بقولك ايه ما تيجي نطلع الشقه نشرب كوبايتين شاي فوق

سحر
لا شقتي ايه اللي اطلعها معاك دلوقتي انا قلت عمري ما هدخل عليك شقتك ولا تقفل عليا باب واحد معاك الا لما نكون متجوزين انا وانت

مدحت
انا عارف برده ان انت عمرك ما حبتيني ما هو انت لو بتحبيني هيكون عندك ثقه فيا ومش هتتكلمي بطريقه ان انتي بتتكلمي بيها دي
انا ماشي

سحر
استنى عندك بس يا مدحت المفروض انت بتحترم الكلام اللي انا بقوله ده مش عايزه الشيطان يلعب في دماغك ويقولك ان انا زي ما طلعت معاك شقتك روحت شقه اي حد ثاني

مدحت
لو الموضوع على كده ما تقلقيش يا ستي انا واثق متاكد كويس قوي ان انتي عمرك ما تعملي اي حاجه غلط من ورايا يلا بقي
مش عايزين نتاخر على امك علشان ما تزعقش معاكي وبعدها فعلا طلعت

سحر
ما هي شقه امك واسعه قوي ايه رايك لما نعيش معاه هنا ونعيش خدامه تحت رجلها والله

مدحت
امي عندها مشكله ما بتحبيش اي حد يعيش معاه في نفس الشقه ما انا عماله اقولك في على السطوح اوضتين جنب بعض ايه رايك لما ناخدها

سحر
لا يا حبيبي هو انا اصوم وافطر على الاوضه دي ولا ايه لا طبعا مش موافقه

مدحت
طب انا داخل اعمل شاي مش هنضيع اليوم كله
في الواقفه دي وبعدها دخل وبعد ما شربت
الشاي نمت وهو شالني وقال

مدحت
وانا يستحيل اضيع الفرصه دي من ايدي وهجوزك يعني هجوزك يا سحر بعدها دخل الاوضه وبعد ساعه فوقت وفضلت اعيط
واقول

سحر
حرام عليك انت عملت ايه فيا منك لله انت ازاي تعمل فيا كده

مدحت
اي بس كلامك ده يا حبيبتي ربنا يعلم ان
عمري ما هسيبك والله واكيد هكون جنبك
اوعي تشيلي هم حاجه

سحر
الله يخليك يا مدحت اوعى تسيبني انت لازم تيجي تتقدم لي في اسرع وقت دلوقتي

مدحت
بس انتي مش همك نكون مع بعض كل اللي همك ان يبقى عندك شقه كبيره وعفش كبير مع ان مين اللي هيجهزك يعني وانتي شايفه امك معندهاش اي فلوس ولا فلوس الفرشه

سحر
انا موافقه معاك على اي حاجه بس تيجي بالله عليك وتقدملي باسرع وقت

مدحت
انزلي انت بس لاحسن امي خلاص قربت تيجي وبعد كده نبقى نشوف الحوار ده وبعدها
نزلت وطلعت امه

الام
انا شوفت البنت المخفيه كانت موجوده هنا في الشقه انت برده عملت اللي قولت عليه انا مش قولتلك لا يا واد والبنت دي مش داخله مزاجي اصلا

مدحت
ومين اللي هيرضى يتجوز ابنك يعني يا ماما بقول لك ايه خلاص انا عملت اللي انا عايزه وهتجوزها يعني هتجوزها وهي مش هتقدر تفتح بوقها معايا من هنا ورايح

الام
بس اعمل حسابك يا حبيبي انك هتعيش هنا بفلوسك انت سامع ولا لا مش بدل ما اكل واحد هاكل اثنين

مدحت
عايزه اقولك ان احنا اللي هناكل الشهداء من وراها ومن ورا امها انت عارفه ان الدنيا كلها بتساعد امها واكيد هينوبنا من الحب
جانب

الام
لما نشوف اخرتها معاك هكون ايه يا حبيبي
وبعدها جه واتقدم وبعد ما مشيوا ماما قالت

الام
بقولك اي يا سحر انا هستني يومين وابعت الي اسمو مدحت ان احنا مش موافقين مش علي اخر الزمن اجوزك للصايع ده

سحر
ومين قالك ان انا هرفض مدحت بالعكس انا موافقه عليه وانا الي خليتو يجي ويتقدم ليا

الام بحده
كلام اي الي انتي بتقوليه ده معقول موافقه تتجوزي الي اسمو مدحت هو انتي مش شايفه ان قاعد في البيت زي حيلتها
وغير الكلام الي بسمعو عليه

سحر
وانا ميهمنيش كل دا وانا قولت هتجوزو يعني برضاكي او غصب عنك مش هتجوز الا مدحت ولو رفضتي انسي ان انا هتجوز

الام
معقول الكلام الي انتي بتقوليه ده يا سحر من امتي بتقفي في وشي وتقولي ليا علي حاجه لا

سحر
لما الاقيكي واقفه قدام سعادتي

الام
وعلي كده سعادتك مع الي اسمو مدحت

سحر
ايوه يا ماما انا مش فاهمه هو انتي معترضه علي اي بس

الام بضيق
تمام يا سحر وانا موافقه وعلي كده هتتجوزي فين في الشارع انتي عارفه كويس ان معندوش شقه

سحر
هنتجو مع امو انتي عارفه كويس ان شقتها حلوه وهناخد اوضه فيها هنعوز اي اكتر من كده وغير كده وكده هيرحمك من الجهاز

الام
شقه اي الي كبيره يا بنت انتي دي شقه اوضتين وصاله وغير كده وكده من امتي وانتي بتشيلي همي معقول من يوم وليله كده

سحر
ايوه يا ماما ودي حياتي انا وانا الي اختار اتجوز مين ومتجوزش مين

وفعلا ماما بتوافق علي مدحت لما لاقتني مصممه عليه

#رجوع

وعند ماما لقيتها بتقول

الام
اي ده يا سحر اي الي رجعك بالسرعه دي وفين الحاجات الي انتي جبتيها انا شايفه جابه ايد ورا وايد قدام

سحر
هو في اي بالظيط يا ماما هو انتي هتفتحي معايا تحقيق ولا اي
وسعي كده خليني ادخل اريح مش ناقصه عكننه انا

وبروح سيباها وبدخل علي جوه
وتاني يوم بيجي مدحت بدري واول ما تفتح ماما ليه بتقول

الام
اي ده هو انت جيت يا مدخت كويس علشان تودي سحر الكوافير

مدحت
كوافير اي يا حماتي الي بتتكلمي فيه هو انا معايا فلوس اكل علشان اودي سحر الكوافير
انتي اكيد بتهزري يا حماتي وبعدين
سحر قمر القمرات اكيد مش محتاجه كوافير

الام
امال انت جاي ليه بدري كده
وغير كده هو في عروسه برضو دخلتها النهارده مبتروحش الكوافير تيجي الزاي دي
وفي الوقت ده بخرح وبقول

سحر
واي المشكله يا ماما انا شايفه ان انا حلوه مش محتاجه كوافيرات
وانا الي قولت لمدحت نوفر فلوس الكوافير الي اد كده و يدوب اول ما بندخل الشقه كل حاجه هتتمسح

الام بضيق
طب فين فستان الفرح معقول ده في اعتراض

مدحت
هو في اي يا سحر هو انتي مش مفهمه امك علي كل حاجه ولا اي انا بدات اتخنق
ما ليش خلق ولو انتم مش عايزين الموضوع ده معنديش مشكله كل واحد يروح لحاله

الام
تروح لحالك يا حبيبي هو انت فاكرني لازقين فيك ولا ايه ده انا بنتي ست الستات والف واحد يتمناها

سحر بحده
انا مش فاهمه يا ماما هو غيف اي بالظيط انا راضيه بكل حاجه اي الي مزعلك يعني
ويله يا مدحت انا جهزت شنطه هدومي

الام بحده
هيه دي جواز يا بنت انتي بتتكلمي في الزاي الي الناس تشوف كده يقول انك عامله عمله ولا خارجه بيت

مدحت
كلام اي الي انتي بتقوليه يا حماتي دي سحر اذرف من الشرف واحنا مالنا بالناس همه الي هيعيشو مكانا برضو واي حد يتكلم احط صوابعي الاتنين في عينو
ويله بقا يا سحر انا مش فاضي

سحر
خلاص بقا يا ماما متكبريش الموضوع انا اهم حاجه ان انا اتجوز مدحت دي عندي بانيا كلها هعوز اي يعني من الفستات ولا الكوافير وهو انتي حرام تشوفيني مبسوطه

الام
خلاص يا سحر اعملي الي يريحك طالما مبسوطه وانت يا مدحت عاوزاك تحط سحر في عينك ده كل الي انا عاوزاه انا مذ طلعت من الدنيا الا بيها

مدحت
هو في اي بالظبط يا حماتي هو انتي هتفتحيها محاضره ليا ولا اي ما تقوبي حاجه يا سحر

سحر بضيق
خلاص بقا يا ماما انا واثقه في مدحت وعدي اليوم خليما نمشي

الام
ماشي يا حبيبتي امشو قدامي انا مش فاهمه فرح اي ده من غير فستان ولا كوافير

وبتروح نازله واحنا بننزل وراها

وبعد شويه بنوصل لبيت حماتي

الحما
اي ده يا واد يا مدحت جايب العروسه بدري مش قادر تصبر بليل
الي يشوف كده يقول العروسه فيها حاجه

الام
كلام اي الي انت بتقولو ده يا ست ام مدحت كل الحكايه انهم عاوزين يفرحو ببعض وبالذات رمضان مبقاش ليه الا كام يوم

مدحت
بقولكم اي انا داخل جوه وخد راحتكم في الكلام وبيروح واخدني وبندخل علي جوه

الحما
مممم هو انتي هتقوليلي علي العموم هو انتي هتقعدي ولا اي

الام
لا همشي علي طول بس كنت عاوزه ادخل اطمنها وبالذات البنت اول مره تتجوز

الحما
لا يا حبيبتي متشغليش بالك بيها امال انا هنا بعمل اي
طريق السلامه انتي وابقي تعالي ليها بكره يوم الصباحيه

الام
ماشي يا حبيبتي وبتروح نازله
وبعد شويه بتوصل البيت بتلاقي نعمات واقفه مسانياها

الام
اي ده يا حجه تعالي ادخلي جوه مالك واقفه بالشكل ده ليه

نعمات
بصراحه ربنا انا جايه علشان انا معتبراكي اختي ومش عاوزه تفهميني غلط ولا عاوزاكي تزعلي

الام
يا خبر هو انا اقدر ازعل من في اي اتكلمي علي طول

نعمات
بصراحه كده من ساعت ما مدحت خد بنتك بالهدوم الي عليها ومشي الناس مبطلتش كلام وعمالين يقولو اول مره عروسه تمشي بالهدوم الي عليها الي يشوف كده يقول انها عامله عامله

الام بحزن
اعمل اي يا ست نعمات البنت الي عاوزه كده وكل ما اتكلم تقول انها بتحبو وموافقة علي كل حاجه وبعد الي قالتو ده معرفتش افتح بقي بنص كلمه

نعمات
كده غلط يا حبيبتي انك توافقي بنتك علي حاجه زي دي لو وقفتي الجوازه انتي عارفه كويس
أن احنا في حاره شعبيه ومحدش بيسلم من كلام الناس

الام بحزن
الي حصل حصل بقا اعمل اي وكل الي عندي أن انا اشوفها مبسوطه مش عاوزه حاجه تانيه

نعمات
ربنا يسعدها يا حبيبتي علي العموم خدي الفلوس دي انا قولت اكيد هتحتاجيهم علشان العشا والصباحيه وبالذات انتي عارفه كويس
أن حماتها صعبه اد اي وعلشان متعملش معاكم مشكله

الام .
انا مش عارفه ارد وقفتك جنبي دي الزاي ربنا يخليكي ليا يارب انتي بجد ونعم الاخت

وعندي في الأوضه اول ما ماما بتمشي يلاقي الباب بيخبط جامد

سحر
هو في أي يا مدحت ومين اللي بيخبط علي الباب بالشكل ده

مدحت
.هو انتي لسه هتسالي روحي افتحي بسرعه تلاقيها امي
هو انتي ناسيه أن احنا قاعدين معاها ولا اي

واول ما بيخلص كلامو بروح افتح

الحما بحده
سنه يا بنت انتي علشان افتحي

سحر
هو في أي بالظبط يا حماتي مالك بتكلمي بالشكل ده

الحما بحده
هو انتي الزاي تردي عليا يا بنت انتي هو انتي شكلك عاوزه اول يوم يبقي زفت علي دماغك

سحر
هو انا عملت اي يعني علشان تقولي كده ما تقول حاجه يا مدحت ساكت ليه

الحما
هو انتي يا بنت انتي عاوزه تقلبي الواد عليا من اولها بس بعينك
ويله تعالي ورايا في شغل كتير عاوز يتعمل

سحر
شغل اي يا حماتي الي بتكلمي عليه هو انتي ناسيه أن النهارده يوم فرحي ولسه عروسه

الحما بضحك .
تصدقي يا بنت ضحكتيني هو انتي صدقتي نفسك يا بنت ولا اي هو انتي ناسيه اي الي حصل بينك وبين مدحت ولا اي
ولولا أن ابني طلع جدع معاكي كان زمانك قاعده جنب امك بتبيعي علي الفرشه بتاعها

سحر بصدمه
معقول انتي عارفه بلي حصل معقول يا مدحت انت قولتلها
بس الموضوع ده حصل غصب عني ما تتكلم يا مدحت بدل ما انت ساكن كده

الحما
غصب ولا برضاكي مليش فيه ويلا قدامي علشان لو مش عملتي الي قولتلك عليه
هطلع دلوقتي في البلكونه واقول بعلو صوتي انك مش بنت وشوفي بقا هتبصي في وش الناس الزاي

سحر بضيق
تمام يا حماتي شوفي انتي محتاجه اي وانا هعمل ليكي انا مش عاوزه مشاكل من اولها

الحما
ايوه كده فعلا ناس تخاف ما تحشيش ادخلي قدامي علي الحمام

واول ما بدخل يلاقي سجاد كتير

سحر بصدمه
اي كل السجاد ده يا حماتي هو انتي ناويه تتاجري في ولا اي

الحما
لا يا حبيبتي هو انتي شايفاني اي قدامك السجاد ده جاي علشان يتغسل ويله بقا شكري هدومك
وامسيكي فرشتك وادعكي

سحر
قولي انك بتهزري انا هعمل كل السجاد ده أمتي والزاي وسجاد مين ده كلو مش معقول بتاعك يعني

الحما
لا طبعا ده سجاد السكان الي في العماره اصل انا نسيت اقولك أن انا كلمتهم وقولت أن انا هغسلو ليهم واخليه فله وبدل ما يروح يزدوه المغسله احنا أولي بالفلوس دي
وبالذات هيطلع لينا مبلغ كويس من الحوار ده

سحر بحده
وانا مش موافقه علي الكلام ده ولا غاسله حاجه

الحما بحده
ابقي متعمليش يا سحر وشوفي بقا هعمل اي

وقدامك ساعه وعايزه كل السجاد ده يبقي نضيف
وبتروح سيباني وبتخرج وفعلا يبدأ اغسل في السجاد لحد ما ضهري بيتقطم وبروح داخله الاوضه
وفي الوقت ده يلاقي مدحت بيقرب مني وبيقول

مدحت
اخيرا خلصتي يا روح الروح انتي متعرفيش انا مستنيكي بقالي اد اي

سحر
وسع ايدك دي من عليا انا جسمي مهدود ومش نقصاك مش كفايه امك الي عملت فيا

مدحت