روايه كامله
الساعه كانت 8 ونص لما جرس الباب ضـ,ـرب
كنت قاعدة بتفرج ع التليفزيون
ودا مش معاد رجوع جـ,ـوزي ..لسه قدامه ساعه على ما يخلص شغل
بنتي في أوضتها بتذاكر .. ومفيش حد معانا في الشـ,ـقه
قومت بصيت من العين السحرية ..لقيت صـ,ـبي المكوجي
شايل هدوم ..غريبة بس أحنا معندناش هدوم عنده
وكمان أنا أصلا بكوي الهدوم كلها
ممكن يكون جوزي بعتلهم حاجة
فتحت الباب ..الولد قالي
_مساء الخير..اتفضلي المكوى يا مدام واسف على التاخير
أصله كان في شغل كتير و..
_بس المكوى دي مش لينا
بص على رقم باب الشقة وقال
_مش دي برضو شقة أستاذ رفعت حامد المحامي
_اه دي شقته ؟
_طيب ودي بقى بدلة كان بعتـ,ـها واول ما خلصت
المعلم بعتني بيها بسرعه ..وقالي أقول للاستاذ
رفعت أسفين على التاخير
_وانا مراته وبقولك البدلة دي مش بتاعته
انا أول مرة أشوفها أصلا
_يعني انا اعمل ايه دلوقت
_معرفش..اكيد في حاجة غلط
_يا مدام انا لو رجعت بيها للمعلم هيعلقني
خديها من فضلك
الولد بعدها إبتدا يكح جامد ولون عـ,ـيونه ابتدا يحمر
انت كويس
_ايوه ..ممكن تخليني أمش بقى ؟
_طب أستنى انا هتصل بيه واسأله الاول
دخلت أتصلت على جوزي
_رفعت انت ليك بدله عند المكجوي بره
_بدلة ايه
_في ولد صغير بيقولي انه في بدلة بعتهالك المكوجي
وبيقولك آسف على الـ,ـتاخير
_أنا مليش بدل بره خالص
_طب خليك معايا
روحت الباب ولسه بقول
_مش انا قولتلك أن…
لقيت الولد أختفى
_هو راح فين !
_هو مين ؟
_الولد مش لاقياه
_يمكن زهق ومشي ..انا شوية وجاي واشوف ايه الموضوع
بعد نص ساعه رجع جوزي واتكلمنا عن موضوع البدلة
وقالي أنا من فترة مش ببعت المكوى بره ولو بعت حاجه
بقولك طبعا
_ما هو دا اللي انا مستـ,ـغرباله
_فعلا حاجة تحير !
_بس في حاجة انا لاحظتها
_ايه هي
_البدلة مش غريبة عليا ..انا فاكرة أني شوفتها في صورة من صورك القديمه
_اي وحده فيهم
_لحظة هجيب البوم الصور
جبت الالبوم وفضلت اقلب في الصور القديمة لجوزي
ولما شوفتها
_اهي..هي دي انا افتكرتها دلوقت وأتاكدت انها هي
ظهرت على ملامح جوزي علامات القلق ووشه أتغير
_مالك ..في حاجة ؟
سألني بأهتمام وقال
_الولد دا شكله اسمر #ورفيع_مش كدا ؟
_ايوه فعلا
_حاولي تفتكري قالك ايه بالظبط
_كان مصمم اخد البدلة و..
_وايه ؟
_ايوه قالي المعلم بيتأسف على التاخير
_انا كدا أتاكدت
_من ايه
_هقولك ..من عشر سنين وقبل جوازنا بشوية
أنا فعلا كنت بودي هدومي للمكوجي .. خصوصا أن والدتي الله يرحمها كانت تعـ,ـبانه وانا مبحبش اتقل علـ,ـيها
_الولد دا كان شغال صبي عند محل المكـ,ـوى اللي كنت بتعامل معاه.. ولما البدلة اللي في الصورة دي كانت هناك بتتكوي
وقتها حصل ماس كهربائي والمـ,ـحل ولع ..والولد دا مـ,ـات مخنـ,ـوق
_يعني قصدك ..ان اللي كان على. الباب دا ؟
_بالظبط كدا زي ما فكرت ..خصوصا وأنه تقريبا الحـ,ـادثه
حصلت في نفس الوقت دا من السنة !!
