نورا

_اختي عايزه تتجوز طلـ,ـيقي كمـ,ـحلل

بتبدأ الحكايه بنور وهي واخده بنتها وطالعه من شقتها عشان توديها المدرسه وفجأه لقيت واحد من حراااس طليقها واقف قدامها وقالها..

الحارس
بعد اذنك يا مدام نور هشام بيه امرني اوصل انا سيلا المدرسه النهارده وبعد كده وحضرتك تتفضلي تقعدي فووق

نور بدموع
ماشي يا صبحي وخلي بالك منها والنبي وخد. الفلوس دي هاتلها شيبسي وشوكلاته قبل ما تدخلها المدرسه..

صبحي
اطمني يا مدام هشام بيه جايبلها حاجات من بالليل في العربيه اطمني عليها ما تقلقيش..

_واخد صبحي سيلا في العربيه ومشي وهي كلعت فووق بس خبطت علي الشقه اللي قدامها، وفتحتلها ست كبيره شويه في السن وقالتلها..

هاله
في ايه يا نور بتخبطي كده ليه من وش الصبح؟

هاله
شايفه ابنك. وعمايله يا خالتي مش كان طلقني وكل واحد فينا راااح لحاله ايه لازمة اللي بيعمله فيا ده

هاله
استغفر الله العظيم علي الصبح تعالي بس افطري ماايا انا وجوز خالتك وفهمينا هو لحق يعمل ايه من وش الصبح كده…

دخلت نور معاهو جوه وكان قاعد. نعيم.. جوز. خالتها وقالها بهدوء..

نعيم
يا صبااح. الفل يا نور، اومال سيلا حفيدتي فين هي مش رايحه المدرسه ولا ايه؟

نور
راحت يا جوز خالتي من شويه

نعيم
وانتى لحقتي توصليها وترجعي؟

نور
ما هو ده بقي الموضوع اللي انا جايه عشانه، انا نازله زي كل يوم اوصل البنت المدرسه الاقي في وشي صبحي الحارس بتاعه يقولي هشان بيه بيقولك اطلعي فوووق وانا اللي هوصل سيلا

هاله ضحكت. قالت
ههههههه بينكشك يا نور عشان تكلميه، ربنا يهدي سركم يارب وتعقلو وترجعو لبعض

نور
انتي ايه اللي بتقوليه ده. يا خالتي مع احترامي انه ابنك بس انا ما صدقت اطلق منه ويبعد عني حتي لو شويه، انتو اكتر اتنين كنتو عارفين انا تعبت ازاي معاااه من ناحية خياانته لمد. ايده عليا ما فيش واحده تعيش مع رااجل بالشكل ده وبعدين تفكر ترجعله تاني

نعيم
هو مش ابني بس انتي معاكي حق

هاله بضيق
جرا ايه يا نعيم ما تخليك محضر خير اومال، وبعدين اكيد بعد الطلاق اتغير واللي حصل ده هيخليه يبطل الحاجات اللي كان بيعملها الاول

نور بسخريه
ده اللي هو ازاي يا خالتي تقدري تقوليلي هشام فين دلوقتي ليه بعد الطلاق ما قعدش معاكم هنا، ده حتي عمي نعيم قاله يقعد زي ما هو في شقته وانا اقعد معاكم هو رفض وصمم يقعد لوحده وما قالش لحد هو قاعد فين بالظبط عشان ما حدش يقفشه وهو كل يوم بايته معاه واحده، ما حدش يعرف هشام قدي يا خالتي ولو ايه حصل انا عمري ما ارجعله تاني

نعيم
سيبك من خالتك يا بنتي وانا هكلمه وهقوله ما يتدخلش في حيااتك تاني وانتي اهو يعتبر عايشه معانا وبتاخدي مني الاذن في كل حاجه..

_وفي الوقت ده في شقه بسيطه شويه كان واقل عمر قدام المرايا وبيلبس هدومه وبص لريم اللي نايمه وقالها..

عمر
رييييم. يا بنتي قومي بقي حراااام عليكي دي رااابع مره اصحيكي..

ريم قعدت وقالت بنوم
والله حرااام عليك انت اللي بتعمله فيا ده، انت عارف كويس يا عمر اني مش بحب اصحي بدري

عمر
معلش يا ريممم انا مش هلحق اجهز فطار عشان الشغل وماما لما كانت قااعده معانا كانت هي اللي بتجهزلي وانتي خلتيها تمشي مين يجهزلي بقي

ريم بحده
قول كده بقي امك هي اللي قيلالك تعمل كده عشان تعكنن عليا وازهق انا بقي واقولك خلاص رجع مامتك تقعد معانا بس طمنها قولها ريم مش هتقعدك في بيتها تاني

عمر بحزن
ده بيت ابنها قبل ما يبقي بيتك يا ريم، واطمني انتي هي بعد ما طردتيها من هنا وهي حلفت ما يجمعهاااش بيكي اي مكان تاني

ريم رجعت نامت وقالت
طيب كويس اوووي روح بقي اعملك سندوتش او حاجه سريعه وما تصحنيش تاني وانا نايمه وسيبلي فلوس عشان خارجه

عمر
رايحه فين عند اختك نور مش كده؟

ريم.
لا عند جوزها قصدي طليقها هشام السمااك

عمر بضيق
وايه اللي هيوديكي عند. هشام يا ريم مالنا وماله الراجل ده ما الحمد لله ان اختك اطلقت منه وخلصنا منه ريحاله تعملي ايه

ريم قامت وقفت وقالت
جرا ايه يا عمر انت نسيت ان هشام يبقي برضو ابن خالتي..

عمر
لا هو مش ابن خالتك انتي هو ابن خالة اختك انتي بنت نعمه وهي بنت صفااء اخت هاله، انتي ونور اخوات من نفس الاب يعني هشاام مش ابن خالتك، وحتي لو ليه تروحيله ده طليق اختك

ريم
هو قال عايز يقابلني ضروري يمكن عايزني في موضوع بخص نور انت عارف برضو يا حبيبي ان انا ومور مالناااش غير بعض يعني ما فيش حد نور تخصه غيري انا.

عمر
وانا قولتلك ما تروحيش يبقي ما تروحيش يا ريم، انا نازل ومش عايز اطفح حاااجه..

_ومشي عمر وهي قعدت مدايقه، وقالت لنفسها بغيظ..

ريم
فاكر انك هتقدر تمشي كلامك عليا يا ابن امك انت بس علي مين، والله لاروحله ده انا ما صدقت انه يطلق نور…

_وفعلا بعد شويه كانت قاعده ريم قداام هشااام في المصنع بتاعه وقالتله..

ريم
عطلتك ولا حاجه يا هشام؟

هشام
لا بس انتي جايه ليه، اختك لحقت تشتكيلك مني؟

ريم
تشتكيلي من ايه ايه انا بقالي اسبوع ما كلمتش نور، بس هو في حاجه ولا ايه؟

هشام
لا يبقي خلاص الموضوع بعيد عنك، اومال انتي جايه ليه؟

ريم
اخص عليك يا هشااام انا والله بخلاف كل اللي حصل بينك انت ونور انت غالي عندي اووي وانا جايه اقولك ان علاقتنا هتفضل زي ما هي وما تتأثرش بالانفصال اللي بينك وبين نور.

هشام
انا مش هسيب نور يا ريم انا عملت اللي هي عايزاااه وطلقتها ااه بس انا ممكن اردها عادي لانها طلقه واحده اللي رميتها عليها

ريم بغيظ
يا سلام وطلقتها ليه بقي مدام بتقول انك مش هتسيبها

هشام
عشان تهدي بقولك، اصلها لما شافتني مع البت الخواجيه كرامتها نقحت عليها وقلبت الدنيا عليا فقولت ابعد عنها شويه منه ادلع نفسي ومنه اخليها تقول حقي برقبتي والنبي ارجعلي يا هشااام

ريم
انا مش فاهمه انت ليه بتعمل كده علي نور، من زمان وانا اللي بحبك وانت بتجري وراها هي اتجوزتها وانت عارف انها مغصوبه عليك من ابويا الله يرحمه، وما تعرفش هي بتقول عليك ايه من وراااك وبرضو لسه عايز ترجعلها..

هشام
هو انتي يا بنتي مش متجوزه برضو ولا حكايتك. ايه، جايه ترغي في ايه يا ريم هاتي من الاخر..

ريم.
انا ايوه دلوقتي متجوزه بس ممكن اطلق عشانك..

هشام
بس مش هينفع لو كنتي مش اخت نور كنت فكرت بس اخت نور يعني اخت المدام. ام. بنتي فمستحيل..

ريم
وانت مطلقها دلوقتي يعني هي مش مراتك يا هشام..

هشاام بخبث
وماله انا مطلقها دلوقتي سبيني بس اتأكد من حبك ليا الاول..

ريم بعدم تصديق
انت بتتكلم بجد يا هشااام انا موافقه جدا..

هشام
يبقي تمام هستناااكي بالليل في شقتي الجديده هبقي ابعتلك عنوانها في رساله علي الواتس..

ريم بسعاده
وانا في انتظار رسالتك، همشي انا بقي عشان اجهزلك وابقي ملكك لوحدك يا هشااام ما تتصورش انا سعيده ازاي باللي انت بتقوله ده..يلا باي باي دلوقتي ونتقابل بعدين..

_قالت كلامها ومشيت وهو فضل متابع شغله وبعد ما خلص راح لنور اللي كانت قااعده بتءااكر لبنتها والباب اتفتح ودخل هشاام وفي ايده شنط كتير وقال..

هشام
مسااء الخير عليكم..

جريت بنته عليه ونور قامت بسرعه لبست حجابها وقال هو لبنته بحنان..

هشام.
بابا جابلك كل الحاجات الحلوه اللي قولتيله عليها في الفون، روحي بقي شوفيهم جوه في اوضتك لحك ما اتكلم مع امك شويه..

سيلا
انت مش هتمشي صح وهتقعد معانا علي طول..

اتنهدت نور بضيق وهشام قال بهدوء
ان شاء الله يا حبيبت بابا ادخلي يلا واسمعي الكلام…

دخلت سيلا اوضتها وراحت نور بسرعه فتحت الباب اللي هز قفله وقالتله بحده..

نور
الباب ده مش هيتقفل علينا تاني يا هشاااام، واول واخر مره هتدخل البيت كده عادي وانا هغير كالون الشقه..

هشام
كالون شقتي ولو غيرتيه هاخد نسخه برضو واجي وقت ما احب، وبعدين يا قاسيه كنتي وحشااني وقولت اتلكك بالبت واجي اشوفك ايه ما سمعتيش عن حااجه اسمها رومانسيه قبل كده..

نور بسخريه
لا سمعت بس عمري ما شوفت، ما شوفتش غير نداله وغدر وقلة قيمه وخياانه تحب اكمل ولا كفايه عليك كده..

هشام
نبدأ من جديد يا نور وانا اوعدك هتغير وابقي واحد. جديد من ايدك دي لايدك دي ومش هعل حاجه تزعلك خالص..

نور
ده بعينك يا هشام انا عمري ما هرجعلك تاني واعيش نفس الكابوس اللي كنت عيشااه معاك قبل ما نتطلق..

هشام ضحك وقال
هههههه بصي يا نور طولت ولا قصرت انتي هترجعيلي وقدااام الدنيت كلهة هتفضلي مراااتي يا نور، وعشاان انا لسه بحبك وباااقي عليكي هسيبك يومين كمان وارجع بالمأذون عشان اردك قبل العده ما تخلص تمام يا ام سيلا..

نور بدموع وعصبيه
انت ما بتفهمش يعني انا مش ترجعلك يا هشااام خلاص كده الحكايه خلصت امشي بقي وسيبني في حالي وسيبني اعيش حياتي بقي..

مسكها من دراعها جامد وقال
طيب اسمعي بقي يا روح امك حياتك. دي هتعشيها معايا انا ولو فاكره اني هسيبك ولا هتقدري تعملي اي حاجه في حياتك من غيري تبقي بتحلمي، ونهاية الكلام قبل ما تخلص العده هاجي اخدك وترجعيلي ووقت ما نرجع انا هخلف علي طول منك عايز راجل بقي يخاوي اخته ويبقي ولي العهد..

نور ببكاء
مش همنعك تتجوز وتخلف بس تسيبني في حالي انا مش هقدر ارجعلك يا هشااام..

هشام
هتقدري زي ما زمان قدرتي تتجوزيني وانتي مش عايزاني واتعودتي عليا وخلفت منك هتقدري تكملي يا نور، ما هو يا ترجعيلي يا مش هتشوفي بنتك تاني وما تحلميش برضو انك هتبقي لحد غيري ده انا هدفنك بالحيا، فأعقلي بدل ما اقلب عليكي وانتي ما تتحملنيش..

_قال كلامه وزقها علي الكنبه اللي جنبيها وسابها ومشي وهي فضلت تعيط وقالت..

نور
منك لله يا هشااام حسبي الله ونعم الوكيل فيك…

_وفي بيت ريم اختها طلعت من اوضتها وهب ماسكه شنطت هدومها وقالت..

ريم
عمر عايزه اتكلم معاك في حاجه مهمه

عمر
في ايه يا حبيبتي وايه الشنطه دي انتي رايحه فين بقي؟

ريم
رايحه لحبيبي ويلا طلقني عشان مش فضيالك..

عمر
انتي بتهزري صح بطلي رخاامه وبلاش الهزار الرخم ده، وروحي اعمليلي شااي يلا..

ريم
روح لامك يا حبيبي تعملك انا بقولك وانا واثقه من كلامي انا عايزه اطلق..

عمر قام وقالها بصدمه
هو ايه اللي واثقه من كلامك يا ريم ما احنا كنا كويسين ايه اللي حصل يخليكي تطلبي الطلاق يعني؟

ريم
ما انا قولتلك برضو انا عايزه اروح لحبيبي اللي مستنيني وما ينفعش اروح عنده وانا علي ذمتك انا برضو واحده اعرف ربنا….

عمر
ربنا.. هي اللي تعرف ربنا تعرف واحد علي جوزها وتطلب تطلق عشاان تروحله انا لو خلصت عليكي دلوقتي ما حدش هيلومني..
.
ريم
وهتستفااد ايه انا بتكلم معاك بصرااحه عشان الموضوع يخلص من غير تجريح في بعض، بص يا عمر انا بحب واحد تاني وهو اتفق معايا يتجوزني وانا لازم اطلق منك عشان اروحله بس صدقني ما فيش حاجه حصلت بينا ولا هتحصل غير لما انا وانت نطلق..

عمر بحزن
لا اصيله بس انتي واحده خاينه يا ريم مجرد. تفكيرك وتواصلك مع رااجل غيري وانتي مرااتي وكل يوم بنتقابل ونجتمع تحت سقف بيت واحد تبقي خاينه يا ريم وانا لو طاوعت شيطاني وعملت اللي يخلص حقي منك يبقي بضيع نفسي ومستقبلي عشان واحده رخيصه زيك، عارفه انتي ايه اللي ينفع معاكي

ريم بسخريه
ايه يا اخويا اللي ينفع معايا قول وكمل باقي محاضرت التهزئ بتاعتك دي؟

عمر
اني اطلقك واسيبك تعملي اللي عايزااه ولما ترحعيلي وانتي ندمااانه وانا واثق من كلامي ده والله وقتها هتشوفي رد فعلي اللي بجد يا ريم..

ريم
حتي لو ندمت انا عمري ما هرجعلك ده انا خلصز منك وما صدقت يعني..

عمر رفع ايده ونزل بيها علي وشها وقالها بحده
مش هطلقك غير لما تتنازلي عن كل حاجه القايمه والعفش ده اللي انا جايبه فاكره لما اتجوزتك انا اللي جيبت كل حاجه عشان انتي واختك كنتو جعانين مش هتقدرو علي الجهاز ده..

ريم بصتله بغيظ وقالت
بتمد ايدك عليا بس مااشي انا برضو مقدره حالتك واطمن اللي انا رايحه اتجوزو راجل غني جدا مش محتاااج الملاليم اللي انت بتتكلم فيها دي وتقدر تكلم المحامي بتاعك هيقولك اني اتنازلت عن كل حاجه القايمه والعفش بتاعي انجزني بقي زطلقني..

عمر
انتي. طالق يا ريم طالق بالتلاته وبكره ورقتك هتوصلك لما اتأكد الاول من كلامك انك اتنازلتي عن. حقي في الجوازه الفاسده دي..

ريم
ياريتني كنت اعرف ازغرت كنت زغرتت واخيرا ارتحت من الهممم اللي انا كنت عايشه فيها ده….

_قالت كلامها وسابته ومشيت وهو قعد مكاانه وعيونه اتملت دموع ان البنت اللي حبها واتجوزها تعمل فيه كل ده، وريم اول ما مشيت من عنده رااحت لبيت هشام واول ما خبطت فتحتلها واحده ست..

ريم
ايه ده انتي مين وبتعملي ايه هنا في بيت هشااام؟

البنت
معاكي نرجس احسن رقااصه في شارع الهرم كله، قوليلي بقي انتي مين وجايه عايزه ايه؟

ريم
انا خطيبت هشاام بيه ممكن بقي تندهيه ليا ولا اقولك انا هدخله بنفسي..

_ومسكت ريم شنطتها ودخلت و نرجس بتحاول تمنغعا واول ما دخلت لقيت هشااام قااعد بياكل ولما شافها قال..

هشام
ايه اللي جابك مش انل قولتلك تيجي الساعه عشره يا ريم..

ريم
ممكن تخلي البنت دي تمشي يا هشام عشان لازم اتكلم معاك براحتنا..

بص هشام للشنطه اللي جنبيها وقال
نرجس امشي انتي دلوقتي وانا هشوووف اخر الحوار ده ايه واكلمك..

نرجس
ماشي يا حبيبي انا تحت امرك في اي وقت..

_قالت كلامها ولبست عبايه سودا علي هدومها واخدت شنطتها ومشيت، وهشاام قال بحده

هشااام
خير يا ريم وايه الشنطه دي؟

ريم قعدت جنبيه وقالت
انت ازاي تعمل كده مين دي وبتعمل ايه هنا..

هشام
وانتي مال اهلك مين دي ولا مش مين دي، بقولك ايه يا ريم ما كانتش كلمه دي قولتهالك ده انا حتي قفلت منك ومش عايزك خلاص..

ريم بحده
هو ايه اللي انت بتقوله ده قفلت مني ازاي ده انت وعدتني وانا علي اساس كلامك اطلقت وسيبت لعمر كل حاجه وجيتلك

عمر بصدمه
يا نهار ابوكي اسود. اطلقتي يعني ايه، هو انا قولتلك تطلقي

ريم
مش انت قولت هتديني فرصه اثبتلك حبي ليك وانك مستنيني النهارده واتفقنا اني هجيلك

هشام بحده
انتي فهمتي ايه يا وليه يخرب بيتك، انا قصدي ليله واحده نقضيها سوا وخلصنا مش تطلقي وتيجي عندي ما انا لو عايزك تطلقي كنت قولت يا غبيه

ريم
يا نهار اسود لا يا هشااام ابوس ايدك، اوعي يا هشااام تعمل فيا كده ده انا انا اطلقت عشاااانك

هشام
وانا ما عشمتكيش بحاجه مش ذنبي انك فهمتي غلط

ريم
ابوس رجلك يا هشاام اوعي تتخلي عني انا خسرت كل حاجه عشااانك ماليش حد دلوقتي غيرك انت والله..

هشام
ما يخصنيش انا ما ينفعش اتجوزك عشان انا بحب اختك وما فيش ست خلقها ربنا هتبقي مراتي غيرها..

ريم ببكاء
ما بتحبكش والله العظيم ما بتحبكش انا اللي من زمان بحبك يا هشام. انا اللي استاهلك مش هي، انا اللي مستعده اعمل اي حاااجه عشااانك ليه بترمي اللي ماسك فيك وبتجري ولا اللي بايعك

هشام
عشان نور بنت اصول وجدعه ومحترمه وغاليه احطها وسط. مليون رااجل وانا متأكد انها هتحاافظ علي نفسها ونا عنديش ثقه في اي حد غيرها فهمتي..

ريم ببكاء
طيب انا اعمل ايه دلوقتي عمر رمي عليا اليمين بالتلاته اروح فين انا ماليش مكان اقعد فيه

هشام
دي مشكلتك انتي يا ريم انا ما قولتلكيش تطلقي ويلا من هنا بقي عشان قفلت منك بجد جيتي نكدتي عليا وانا مش ناااقص نكد

_قامت ريم ومشبت وما كانتش عارفه هتروح فين، ولقيت نفسها رااحت لنور اختها اللي اول ما شافتها قالت..

نور
ريم في ايه يا حبيبتر مالك وايه الشنطه دي انتي متخانقه مع عمر ولا ايه؟

ريم ببكاء
طيب دخليني الاول وانا اقولك كل حاجه مش قادره اقف يا نور..

نور مسكت منها الشنطه وقالت
ادخلي يا حبيبتي ده بيتك تعالي يا روح قلبي وقوليلي حصل ايه؟

قعدت ريم وقالت
عمر طلقني امه فضلت تزن عليه عشان يتجوز علية ويطلقني ورماني في الشارع بشنطة هدومي بعد ما ضحك عليا وخلاني اتنازل ليه عن كل حاجه

نور
وانتي ازاي تعملي كده، وبقي عمر يطلع منه كل ده، اخص عليه ده انا كنت بقول اخويا مش جوز اختي انا هكلمه وو..

ريم بسرعه
لا لا اوعي تكلميه هو صفحه واتقفلت وحتي مهما كلمناااه هو بااع خلاص يا نور..

نور
ولا تزعلي ولا تحطي في دمااغك هو اللي خسرك، وده بيت اختك تقعدي فيه براحتك..

ريم
انا عارفه ان دي شقة هشاام وبعد ما طلقك ساابك قاعده فيها عشان سيلا، يمكن هو يزعل او خالتك عشان هقعد معاكي فانا همشي هروح اقعد في اوتيل..

نور
اقسم بالله لو جيبتي سيرة انك تقعدي في اوتيل تاني لازعل منك اوووي يا ريم، وبعدين انا عارفه تمام هشاام هو لو اتكلم هقوله ان انتي لو مشبتي انا همشي معاكي وقتها غصب عنه هيسكت وهتفضلي قااعده معايا ولو علب خالتي وجوز خالتي دول طيبين اوووي مش هيقولو حاجه…

ريم
هو انتي كنتي معيطه ولا ايه عينيكي حمرا اووي

نور
لا ما تسغليش بالك كفايه الهم اللي انتي فيه، انا هدخل اروقلك اوضة الضيوف ومن النهارده هتبقي اوضتك انتي..

وقامت دخلت نور جوه وريم بصتلها بحقد وقالت
اااه لو اعرف عاجبه فيكي ايه مع ان انا اللي احلي منك بس مااشي انا هتجوزو يعني هتجوزو بأي طريقه يا نور وهاخده منك وهيبقي هشاام زكل فلوسه ليا انا لوحدي

_وعدي اسبوع بحاله وكانت ريم. قاعده عند نور وفي يوم دخل هشاام كعادته الشقه من غير ما يخبط، وسمع صوت في المطبخ فدخل لقي ريم واقفه بالبجامعه وبتعمل الاكل..

هشام
انتي لسه هنا يا بت انتي، اوعي تكوني قولتي لنور حاجه..

ريم بخبث
طيب وطي صوتك يا هشام. طيب احسن نور تسمعك اصلها تعبت شويه ودخلت تنام..

هشام. بخوف
تعبت ازاي نور مالها انتي عملتي فيها ايه ية بت انتي…

ريم بغيظ
اطمن لسه ما عملتش حاجه بس انا ممكن اعمل وممكن اقول برضو علي كل اللي كنت ناوي تعمله معايا يا هشااام، وقتها نور حتي لو ايه حصل مش هتقبلك تاني ابدا اختي وانا عرفاها..

هشام
لا ما انتي جدعه ومش هتعملي كده يا ريم واللي كان هيحصل ده موضوع واتقفل خلاص..

ريم
هو لسه ما اتقفلش بس ممكن يتقغل بعد ما العده بتاعتي ما تخلص وتكتب عليا..

هشام
انتي عبيطه ده انا جاي عشان ارد اختك اهوو العده قربت تخلص وانا ااا..

ريم
بسيطه وتتحل بس انا مشكلتي اكبر سبق وقولتلك جوزي طلقني بالتلاته يعني عشان ارجعله لازم اتجوز واحد تاني واطلق منه وارجع لجوزي محلل.

هشام
عايزااني اشوفلك راااجل تتجوزيه يعني ولا ايه؟

ريم قربت منه وقالت
لا عايزه اتجوزك انت، انت اللي هتبقي المحلل يا حبيبي….

هشااام
ده عندها يا روووح امك انا ما ابقاااش كبري لحد، وبعدين انا برضو سمعت ان الجواز ده يبقي حراام عشان بأتفااق كأنه صفقه وده مش حراااام..

ضحكت ريم وقالت
هههههه وانت بيفرق معاك الحلال من الحراام، لو كان بيفرق معاااك ما كنتش دخلت شقة طليقتك بالشكل ده يا عينيا، وخد المفيد بقي انت كنت السبب في طلاقي وانا عايزه ارجع لعمر وهو ما عندوش مشكله اتجوز فانا هتجوزك اسبوع اسبوعين كده ونطلق واللي كنت عايزه قبل كده هيحصل بس وانا مراتك..

هشاام
طيب لو قولتلك لا هتعملي ايه يا ريم؟

ريم
اممممم هروح اقول لنور علي كل حاجه، وهي لو انت انكرت مش هتصدق لانها بتحبني وبتثق فيا اكتر منك..

هشااام
وانا اللي كنت فاكرك عبيطه وغلبااانه، علي العموم انا موافق بس عندي شرط نور اختك مل تعرفش حاجه عن الموضوع ده..

ريم
وماله لحد ما نطلق مش هتعرف اطمن، وانا عبقي اقولها كان جواز علي ورق ولو انت عايزه يبقي علي ورق يبقي ما عنديش مشكله

هشام
لا ورق ايه وابقي انا استفدت ايه لو جواز علي ورق، انا اللي يهمني نور ما تعرفش وبس لحد ما ترجعلي وبعدها تعرف بقؤ ما تعرفش مش مهم المهم لحد. ما اردها ما تعرفش حاجه

ريم
يبقي اتفقنا استني بقي لحد ما العده بتاعتي تخلص..

دخلت عندهم نور في الوقت ده وقالت
انت بتعمل ايه هنا يا هشااام؟

هشااام
هكون بعمل ايه جاي اطمن علي بنتي، وبكلمك مش بتردي عليا وفكرتك انتي اللي في المطبخ طلعت اختك اللب بقيت مقيمه معاكي هنا..

نور مسكت ايد ريم وقالت
ريم هتقعد معايا هنا علي طول يا هشام، اختي مالهااش مكان تروحه وانا مش هسيبها تمشي الا ورجلي علي رجلها ده لو تنت اتكلمت تاني يعني علي قعدتها معايا هنا..

ابتسم. هشام وقرب منها وقال
انا مش بعشقك من قليل يا نور، طيبة قلبك وحنيتك دي مخلياني دااايب فيكي بس نفسي تبقي حنينه كده معايا برضو..

نور بعدت عنه وقالت
استغفر الله العظيم يارب ابعد عني يا هشااام وبعد كده ياريت تخبط علي الباب قبل ما تدخل كده واحترم اني ما بقيتش قاعده لوحدي هنا، احتي مالهاااش ءنب تتحمل بجاحتك وقلة ذوقك

هشام
انا مش هحاسبك علي طولة لسااانك دي عشااان اختك واقفه، وانا ادخل وقت ما احب بالطريقه اللي انا عايزها يا نور..

جه يمشي بس نور قالتله بحده
استني انا عايزه اخرج خلي رجالتك. اللي موقفهم قدام باب العماره دول يسيبوني اخرج براحتي

هشام
وانتي عايزه تخرجي تروحي فين ما انتي كل اللي تحتاجيه بيجيلك غلطان انا يا ريم كده في حاااجه؟

ريم
لا معلش يا هشااام طلعوني انا بره مشاكلكم دي لامؤخذه..

نور
انا تعبت من الحبسه في البيت حرام عليك يا هشااام ارحمني بقي من الذول اللي انا عايشه معاك فيه ده

هشام
حياتك هترجع طبيعيه تاني بس لما ترجعيلي وتبقي مراااتي من تاني يا نور..

نور
مش هرجعلك افهما بقي مش كل يوم والتاني هنرص نفس الكلام لبعض، اقسم بالله يا هشاام لو ما بعدت عن طريقي لاكون مبلغه عنك..

هشام
هتحبسي ابو بنتك يا نور طيب لو خلف فيكي ابوكي اعمليها عشاان من غير ما احلف بس بنتك مش هتشوفيها تاني وتنسيها للابد يا نور، وانا اهو بحذرك كلامي يتسمع لحد ما اخلص مصلحه في ايدي وافضالك وارجعك ليا ولحـ,ـضني تاني..يلا سلام مؤقت يا روح قلبي..

_قال كلامه وسابهم ومشي وكالعاده فضلت نور تعيط بخوف منه، وبعد كام يوم كانت قااعده نور بتطبق الغسيل والموبيل رن برقم عمر..

ردت عليه نور وقالت بحده
انت ليك. عين تكلمني بعد اللي عملته في اختي يا عمر، بقي انت يطلع منك كل ده، ده انا كنت بقول عليك اخويا يا عمر..

عمر
ما انا عشان كده بكلمك يا نور عشان عارف ومتأكد انك مش زي اختك وطيبه وانها هتستغلك دلوقتي لحد ما تأذيكي..

نور
انت ايه اللي انت بتقوله ده انا مش فاهمه حاجه يا عمر

عمر
انزلي من باب العماره اللي ورا رجالة هشاام مش واقفين هناك في الوقت ده انا عايز اوريكي حاجه مهمه..

نور
وانا ايه اللي يضمنلي ان دي مش لعبه منك والله واعلم نيتك ايه؟

عمر
اختك لما نزلت من شويه يا نور راحت هي وجوزك شقه مفروشه وانتي اكيد فاهمه ايه اللي بيحصل في الشقق المفروشه اللي هشام بيأجرها..

نزلت دموع نور وقالت وهي مش مصدقه كلامه
انت بتقول ايه مستحيل يبقي كلامك ده صح، مستحيل ريم اختي تعمل فيا كده

عمر
انتي مش فاهمه حاجه يا نور اختك دي اكتر واحده بتحقد عليكي، وانا اقسم بالله ريم ما تفرق معايا دلوقتي، انا كل اللي يهمني انتي وبس انا عايز اخليكي تشوفي الحقيقه وتاخدي حقك من هشاام وتبعدي عنه وانا هسااعدك مش هخليهم بعملو فيكي زي ما عملو فيا..

نور بدموع
انت عارف مكانهم فين دلوقتي يا عمر؟

عمر
ايوه وعشاان كده انا مستنيكي تحت يلا تعالي بسرعه قبل ما حد. من رجالة جوزك يرجع ويقف هنا تاني..

نور
علي طول اهو هغير هدومي وجيالك..

_وفي شقة هشاام قاامت ريم من جنبيه علي السرير وهو قالها بضيق..

هشام
يا بت مش كنا استنينا عدتك تخلص واتجوزنا..

ريم
هي هتفرق معاك يعني، انا واحده عن نفسي مش فارق معايا جو الحلال والحراام المهم اعمل اللي عايزااه وانا كنت عايزه ابقي معاك..

هشام
طيب روحي يلا عشان نور ما تاخدش بالها من حاجه..

ريم بغيظ
يادي نور وسنين نور ما تخافش انا هقولها كنت بزور قبر ابويا وهي لما هتسمع سيرة بابا مش هيجي في بالها حاجه غير انها تقلبها مناحه وتعيط.، بص انا هدخل اعملك لقمه تاكلها وبعدين امشي عشان تعرف بس انا قلبي عليك ازاي..

_وفي الوقت ده وصلت الشغاله تحت العماره وقالت للبواب..

فوزيه
رجب تعالي معايا فووق انا جيبت الرااجل اللي هيصلح الجاز اللي في شقة هشام بيه..

رجب
وماله يا بت الغاز اللي عند هشام بيه؟

فوزيه
المواسير منفذه علي بعضها انا بلغت الجيران كلهم يقفلو الغاز لحد ما نصلح احنا اللي فووق انا لولا ما خدت بالي كان هيفرقع في وشي

رجب
يخربيتك طيب مش تقولي ده هشام بيه فوووق ولو شغل البوتجااز الدنيا هتو…

_قبل ما يكمل كلامه سمعو صوت فرقعه جاااي من فووق والدخان بقي حواليهم من كل ناحيه، وبعد شويه جات نور هي وعمر ومانت المطاافي موجوده والنااس ملمومه علي العماره..

عمر
في ايه هنا وايه الدخان اللي طالع مش شقة هشام بيه ده؟

رجب
لا حول ولا قوة الا بالله والله يا بيه انا مش عارف اقولك ايه، بس رجب بيه كان طالع مع واحده فووق من الاشكال اللي بيجيبها واما طلعت عندهم واديلهم الطلباات اللي جبتهالهم لقيتهم في وضع مش كويس استغفرت ربنا ونزلت واتاري الغاز في شقة البيه بايظ ولما البت الشغاله راحت تجيب الواد بتاع الغاز يصلحه ما لحقتش تطلع فوق عشان هشام بيه ما كانش يعرف ان الغاز بايظ واستعملوه والدنيا خربت زي ما انتو شايفين وبقي هو والبنت اللي معاه حتتين فحم..
.
طلعت نور موبيلها علي صورة اختها وقالت
قولي هي دي البنت اللي كانت معاه؟

رجب
ايوه هي انتو تطلعو مين بس؟

نزلت دموع نور وقالت
احنا ما نعرفش ربنا يسامحهم علي الاخطاء اللي عملوها في دنيتهم دي، ياريتهم كانو عملو حساب لعقااب ربنا قبل ما يخسرو الدنيا والاخره بالطريقه دي، يلا بينا يا عمر وشكرا انك وريتني الحقيقه…

عمر
طيب انتي هتعملي ايه دلوقتي؟

نور
ولا حاجه هربي بنتي هعملها ازاي تخااف ربنا وما تكررش الغلط بتاع ابوها وخالتها، الدنيا دي وحشه اووي هفضل ادعي اني اطلع منها انا وبنتي واحنا مستورين وبس..

عمر
في اي وقت تحتاجي حاجه كلميني يا نور وزي ما كنتي بتعتبريني اخوكي انا هفضل ديما معتبرك اختي..

_مسحت نور دموعها وابتسمت بهدوء وسابته ومشيت وعاشت مع خالتها وجوز خالتها وربت بنتها ومسكت شغل هشاام اللي ورثته هي وبنتها وقفلت موضوع الجواز عشان خاطر تاخد بالها من بنتها واملاكها، وعمر اتجوز واحده قريبته وخلف ولد توأم وكمل حياته في سعاده، وما خسرش في الحكايه دي غير اللي بعد عن ربنا ومشي في طريق الشيطان.

وبكدا خلصت حكايتنا النهارده