حماتي ماتت
حماتي ما,تت قدام الكعبة…
وقبل مابدا حكايتي اعرفكم بنفسي انا أسمي مريم عندي 27 سنة متجوزة وعايشة في بيت عيلة مع حماتي وفي يوم حماتي قالت لي
الحما
شوفتي يا مريم اللي حصل مش البوك اللي فيه الفلوس اتسر.ق مني النهاردة في السوق
مريم
يا نهار ابيض ازاى بس يا ماما الكلام ده ططيب مشوفتيش اللي سرقة ولا سرقتة يعني معرفتيش مين عمل كده استغفر الله العظيم
الحما
معرفتش يابنتي انا بعد ما اشتريت الطماطم وجيت عشان ادفع الفلوس ملقتش البوك معايا ده انا كنت واخده فيه المصروف من هشام جوزك وقولت انزل السوق اجيب الطلبات اديني ملحقتش اجيب حاجة
مريم
معلش يا ماما فداكي اي فلوس يا حبيبتي المهم انك انتي بخير والفلوس تتعوض
الحما
يابنتي دي فلوس جوزك اللي شقيان بيها بقا انا اضيعها كده في السوق هو انا يعني مش عارفه هو اد ايه تعبان فيها
مريم
معلش معلش المهم بس قومي انتي ارتاحي جوه وانا هعملك لقمة تاكليها
الحما
ومين ليه نفس ياكل بس يابنتي يلا الحمد لله على كل حال على العموم انا مش عايزاكي تجيبي سيرة الفلوس اللي اتسرقت مني دي لحد لما اتصرف واستلفهم لحد لما اخد الجمعية
مريم
يا ماما يا حبيبتي بلاش تحطي في دماغك ان هشام هيز.عل والله ابدا طب اقولك على حاجه انا معايا قرشين محواشهم خوديهم بدال ما تروحي تستلفي من حد غريب
في الوقت ده حضنتي حماتي وقالت
الحما
ربنا يخليكي ليا يارب يامريم انا لو كان عند بنت مكنتش هتبقا حنينة عليا زيك كده بس انا مش عايزة اخد حاجة من فلوسك خلي فلوسك معاكي
