اعدالة المتأخرة
” انتي لسانك طويل كده ليه يامريم ؟! ” قالها بنفاذ صبر
أجابت وهي تأفف : ” عايز تفضل تهيني وتذليني واقعد وابصلك وانا ساكتة ولا اجري من قدامك واعيط ؟! اصحي يا حبيبي انا مش من النوع ده انا يبان عليا كيوت وانا اطحنك لحد ما تموت ”
قطب حاجيبه بغضب ثم هم بضربها فسبقته بكلمة اخري : ” ايوة صح هي دي اخلاق الرجالة يا نوح اما تلاقي نفسها مزنوقة ومش عارفة ترد بتضرب اضربني بقي وفرجني ”
انزل يده وهو يجز علي أسنانه : ” لااااااا ده بقي مش اسلوب تخاطب دي قلة ادب انا هروح لعمي يربيكي ؟! ”
أتي صوت رجل أجش من الخلف وهو يعبر الشارع ليصل اليهما : ” لا منا اللي قولتلها تعمل كده ؟! ”
صقع وهو يسمع كلام عمه الذي تظهر عليه علامات الخير والصلاح ثم قال بنبرة غاضبة : ” ودي تربية ترد علي الرجالة بالأسلوب ده ؟! ”
قال بهدوء : ” انا مربي بنتي كويس ومعرفها حدودها كمان مدام ردت عليك يبقي انت عملت حاجة تستاهل الرد أين كان الأسلوب وانا كنت واقف ببص عليكو من اول المحل ولوحدك صوتك اللي طالع بس هي لا حد سمعلها حس ولا صوت ! ”
أبتسمت لوالدها الذي أمسك يدها قائلا : ” يلا بينا يا مريم مامتك واخواتك مستنينا للغدا انتي اتأخرتي كده ليه ؟! “
