روايه كامله… رجل
بعد ان وضع رجل علي رجل ” بس انت طول عمرك حاشش وش,مام هتقعدلك سنة ماشي عدل وطمعان اديلك بنتي ؟! ” بصوت اجش واستهزاء
نزل رأسه بحياء : ” بس انا توبت وبحاول التزم علي اد ما اقدر ” يا عم محمد
عم محمد وهو بيبص علي جلال من فوق لتحت بقرف : ” لو كنت ناسي اللي جرا هات الدفاتر تتقرا ؛ ولو كنت ناسي افكرك قافش منك كم حته حشيش وراميهم ومن الاخر ومن غير كتر كلام انا مش هديلك بنتي ياسمين واعلي مافي خيلك اركبه ”
نظر إليه بنظرة حرقة ثم قال : ” بس احنا مش ملايكة وبعدين محدش عارف الحوار ده غيرك لو زعلان انه الناس هيعايروك ”
حج محمد وهو يهز رجله : ” بس انا عارف وده كفاية ”
سكت جلال ولم يحاور حج محمد ثانية اكتفي ان يودعه بإدب وركب الميكروباص ليتجه لمنزله وجد امه وابوه ينتظرانه بوجبة العشاء تناولوا وجبتهم ثم تبادلوا اطراف الحديث وذهب كل واحد إلي غرفته .
اما الحج محمد فلم يكتفي بذلك : ” تخيلي يا مني الواد جلال اللي كنت حكيتلك عليه اللي شغال مع حج ابراهيم في البنك محاسب ده ؛ مش جالي طالب ايد ياسمين ؟! قال ايه توبت وبطلت ”
مني وهي تضع الشاي امامه وابنتاه يستمعان بإنصات رغم تمثيلهما الانشغال وعدم الانتباه : ” وهو تاب بجد وبطل !؟ ”
الحج محمد وهو يرتشف بعض من الشاي : ” لو جيتي للحق بقالي مدة طويلة فعلا سنة زي ما انتي قولتي مش قافشه وبيروح يصلي في الجامع وأدب ومصحفه بقي طول الوقت في ايده ”
جلست مني ثم وضعت ايدها علي الانتريه لتضع كفها تحت خدها قائلة : ” مدام الواد بقي كويس وماسك درب ربنا ما تديله البت يا محمد ولا انت ماشي تحاسب الناس وعامل فيها عتيد عليهم ”
الحج محمد بعصبية : ” بقولك ايه يا مني انا قولتله مش هدي بنتي لشمام بقي وهو راح لحال سبيله ولو جه طلبها تاني مرة هرفضه كمان وخلصنا ”
مني قالتله بهدوء : ” اللي تشوفه يا حج اقعد قول ده مينفعش وده شمام وده معرفش ايه وخلي بناتك يعنسوا جمبك ”
الحج محمد :” يعنسوا ايه انا بكرة اجيبلها سيد سيده هي واختها انا بدور علي حاجه نضيفة تعيش العمر كله ”
مني بضحكة استخفاف :” ايه بدور علي ترنيدو ولا LG ”
ضحكت البنات ضحكة خفية خوفا من الحج محمد الذي اكمل الشاي ثم مسك الريموت كنترول ليشاهد قنوات الاخبار كعادته المعتادة .
