رجعت بعد 10
مايان انهارت وقعدت على الارض قالتله والله ما حصل والله ما قولت كده ده امي هي اللي قالت كده من خوفها عليا انا كنت بموت بعد ما مشيت انا عمري ما كرهتك ولا عمري قلت عليك كلمة وحشة ده انا كنت بدافع عنك قصاد ابويا لحد ما ضربني وورتني مكان الضرب في دراعها فهد اتصدم حس ان الارض بتلف بيه معقول عشر سنين من عمره ضيعها في الحقد على كدبة معقول ظلم البنت اللي حبته بجد معقول كل الفلوس اللي عملها وكل القوة اللي بقى فيها ما قدرتش تمحي وجعه ولا نسيانه ولا حتى تفرحه لحظة
سكت شوية وعينه دمعت غصب عنه لاول مرة من عشر سنين بس الكبر اللي جواه كان لسه مسيطر قالها حتى لو انتي خلاص هتبقي لاخويا وده احسنلك انا مبقتش فهد بتاع زمان انا دلوقتي واحد تاني ماينفعش واحدة زيك تبقى معاه ونزل وسابها على السطوح بتعيط لوحدها والهوا بيطير شعرها وكانت حاسة ان روحها بتتسحب منها وان الدنيا كلها ضاقت بيها ومش عارفة تعمل ايه ولا تروح لمين
فهد نزل قعد طول الليل صاحي في اوضته القديمة بيبص في صورته وهو صغير مع مايان وادم وسارة كان ماسك الصورة وبيعيط زي العيال الصغيرة لاول مرة يحس انه ضيع عمره في وهم وكان عارف انه لازم يصلح غلطته قبل ما يفوت الاوان وقبل ما مايان تضيع من ايده بجد وتبقى لغيره ويخسرها للابد
يوم الخطوبة جه الحارة كلها متزينة وادم لابس بدلة جديدة ومكسوف ومش عارف يبص في عين مايان ومايان لابسة فستان بسيط بس عنيها وارمة من كتر العياط سيد ماسك ايدها وماشي بيها كأنها رايحة على المشنقة ومليكة بتدعي في سرها وسارة ماسكة ايد اختها وبتعيط وفجأة فهد دخل القاعة كل الناس سكتت كان لابس بدلة بيضا وشكله زي القمر بس وشه كان مهموم ومتردد ومتوتر وعنيه حمرا من السهر
راح ووقف في النص وقال بصوت عالي الفرح ده مش هيتم ابوه قام وقاله انت اتجننت يا واد هتفضحنا فهد قاله لا يا بابا انا فوقت انا عايز اقول الحقيقة انا ظلمت مايان عشر سنين وانتو ظلمتوني لما صدقتو كلام من غير ما تسمعوني مايان اشرف بنت في الدنيا وانا اللي غلطت لما سبتها ومشيت وانا اللي بقيت متكبر وغبي وافتكرت الفلوس بتعمل راجل وبتشتري القلوب وبتعوض الحب والاهل
وبص لمايان وقالها انا عارف اني ما استهلش بس انا راجع مخصوص عشانك انتي اول ما شوفت صورتك مع ادم على فيسبوك سارة اختك الدم غلي في عروقي مقدرتش استحمل انك تبقي لحد غيري حتى لو الحد ده اخويا انا لسه بحبك يا مايان بحبك من وانتي اربعتاشر سنة وعمري ما نسيتك لحظة واحدة هناك لو تقبلي تسامحيني على غبائي وتكبري انا عايز اتجوزك انا مش ادم انا مستعد ابوس رجلك قصاد الناس كلها واسافر تاني لو عايزة بس ما تسيبينيش وحياة حبنا
