امى رمت شوربة
رجعت وأنا شايلة قصة أكبر بكتير
لكن قبل ما أوصل البيت رن موبايلي
كانت مروة
بصيت للشاشة وسيبت الموبايل يرن
رن تاني
وتالت مرة
وفي الآخر رديت
سمعت صوتها متوتر
إنتي عملتي إيه؟
قلت
تقصدِي إيه؟
قالت
التحويل ماوصلش
سكت شوية
وبعدين قلت
أنهي تحويل؟
صرخت
تحويل القسط يا نورا
إنتي وقفتيه؟
قلت بهدوء
أيوه
قالت
إنتي اتجننتي؟
ضحكت لأول مرة
وقلت
أنا بس بطلت أساعد حد طردني أنا وبنتي من بيته
قالت بسرعة
ده مش بيتك أصلا
ساعتها سكت
وقلت
إنتي متأكدة؟
الصمت اللي حصل بعدها كان أطول من أي إجابة
وبعدين قفلت في وشي
بعد أقل من ساعة أمي اتصلت
صوتها كان مختلف
ماكانش فيه نفس الغرور اللي كان امبارح
قالت
تعالي نتكلم
قلت
نتكلم في إيه؟
قالت
اللي حصل امبارح كان سوء تفاهم
بصيت لبنتي وهي بتلعب قدامي وقلت
سوء تفاهم؟
أمي قالت
إنتي بنتي مهما حصل
رديت
وأنا كنت بنتك امبارح وإنتي بترمي أكل بنتي في الحوض؟
سكتت
وبعدين قالت جملة خلتني أحس إنهم بدأوا يخافوا
قالت
أبوكي عايز يكلمك
قلت
خليه يتصل
قفلت
بعدها بدقايق الموبايل رن
كان أبويا
رديت من غير ما أتكلم
قال
نورا اسمعيني للآخر
قلت
أنا سامعاك
قال
الورق اللي فتحتيه ماكانش المفروض توصلي له
سكت
وقلت
ليه؟
اتنهد وقال
لأن فيه حاجات حصلت زمان وإنتي ماكنتيش تعرفي عنها حاجة
قلت
زي إيه؟
قال
قبل ما تكملي الكلام مع المحامية لازم ترجعي البيت
سألته
ليه؟
قال بصوت متردد
لأن فيه مستند تاني موجود هنا
وساعتها فهمت إن الموضوع مش مجرد فلوس
قلت له
المستند ده بيخص إيه؟
سكت ثواني
وبعدين قال
بيخص أمك
اتجمدت مكاني
قلت
يعني إيه؟
قال
لو المحامية شافت المستند ده قبل ما نتكلم معاكي ممكن تفهم كل حاجة غلط
رديت
