رجعت البيت قبل
أحمد فضل واقف قدامي ماسك ورقة الطلاق ومش قادر يستوعب اللي بيحصل قال بصوت عالي إنتي بتطلقي مني بجد؟ بصيت له وقلت أيوه ضحك بس المرة دي ضحكته كانت مليانة توتر بعد تمن سنين جواز تيجي تقوليلي كلمتين وتمشي؟
قلت له أنا مشيت من زمان يا أحمد بس جسمي كان لسه هنا اتعصب وقال يعني كل اللي عملته عشانك والعلاج والمصاريف والبيت ده مش محسوب؟ بصيت له باستغراب العلاج؟ إنت ناسي إن أنا اللي كنت بروح للدكاترة لوحدي؟
أنا اللي كنت بستحمل الحقن والأدوية والعمليات وأنت كنت كل اللي بتعمله إنك تسألني النتيجة إيه سكت شوية وبعدين قال إنتي عايزة توصلي لإيه؟ فتحت شنطتي وطلعت ملف بني وحطيته قدامه قلت له اقرأ فتح الملف أول ورقة كانت نتيجة تحليل وبعدها تقرير طبي وبعدها تقرير تاني وشه بدأ يتغير مع كل ورقة قال بصوت واطي إنتي جبتي الورق ده منين؟
قلت له ده ورقي يا أحمد أنا اللي عملت التحاليل دي فضل يقلب في الأوراق لحد ما وقف عند تقرير معين إيده بدأت ترتعش بص لي وقال إنتي كنتي عارفة؟ قلت له عرفت من شهور قال بسرعة وعرفتي إيه؟
قلت له إن المشكلة مش عندي سكت لثواني طويلة مفيش صوت في البيت غير صوت الساعة قربت منه وقلت سنين وأنا بتعذب قدام أهلك وإنت ساكت سنين وأمك بتقول إني مش نافعة وإنت ساكت سنين وأنا باخد علاج ملوش لازمة وإنت عارف إن فيه سبب تاني رفع صوته أنا مكنتش عارف بصيت له لأ إنت كنت عارف بس كنت خايف خايف تقول الحقيقة لأهلك خايف صورتك قدامهم تتغير وخايف أكتر إنك تبقى إنت السبب حاول يقاطعني ندى أنا… قلت له متقولش ندى لأن الاسم ده افتكرت معناه النهارده بس مد إيده للملف وقال مين قالك الكلام ده؟
قلت له الدكتور اللي تابعت معاه آخر مرة وساعتها اكتشفت حاجة تانية أحمد سكت قلت التحاليل القديمة اللي كانت عندك اتبدلت رفع عينه بسرعة إيه؟ قلت أيوه النتائج اللي كنت بتاخدها من العيادة مش هي نفس النتائج اللي موجودة في الملف الأصلي بدأ يتوتر مين عمل كده؟
قلت له أنا كنت فاكرة إن حد من أهلك هو اللي عملها بس بعدين اكتشفت إن الموضوع أكبر من كده أحمد قرب مني مين؟ بصيت له في عينه وقلت لبنى وشه اتجمد قال لبنى ملهاش دعوة قلت له متأكد؟
فتحت موبايلي ووريته صورة من محادثة كان فيها اسم لبنى ظاهر بوضوح رسائل بينها وبين رقم مجهول الرسالة الأولى كانت كل حاجة ماشية زي ما اتفقنا والرد كان المهم ندى تفضل فاكرة إن المشكلة عندها أحمد مسك الموبايل إيه ده؟
