الصورة

محدش كان مصدق ان الصورة ديه حقيقية لما الشخص الي صورها نشرها وبدأت تداول بين الناس ، لحد ما بدأت مجموعة من الناس تأكد انهم فعلاً شافوا البنت بتظهر ورا الشباك وماسكة في ايديها حاجة تشبه الشمعة ، عشان بعد كده يتم تأكيد ان الصورة حقيقية بعد ما اكتر من شخص شافوها بـ عينيهم

انتشر في القرية ظاهرة غريبة وهي اجهاض الأجنة بدون سبب ، الموضوع اثار حالة من الرعب بين الاهالي ، مفيش ولا واحدة ست بتولد ، ومفيش واحدة بيعدي عليها اكتر من ٣ شهور إلا والجنين الي فـ بطنها بيسقط بدون تفسير من الأطباء عن السبب

بدأوا يشكوا ان فيه وباء او مرض منتشر في الميه هو الي بيعمل كده ، لكن بعد فحص المياه ومصادر الاكل والاكتر من كده انهم احتفظوا بالستات الحوامل في اماكن معقمة بعيد عن اي تلوث أو اسباب تنقل اي مرض ، بس بردو يتفاجئوا ان الستات دول هما كمان الاجنة الي في بطنهم اجهضت بدون اي سبب

تزامناً مع الي بيحصل للستات ، كان فيه بيت قديم في نفس القرية بتاع الشيخ “داود” المؤذن بتاع مسجد القرية ، الي ما_ت في واقعة مشهورة لما لقوا جثـ..ته في ارض زراعيه من اراضي القرية وهو مخبوط بـ فاس او بلطة قاسمه دماغه نصين ، الشيخ داود كان عنده زوجة وبنت عندها ١٣ سنة، الغريب ان بننته ومراته اختفوا بدون سبب بعد وفاته بفترة قصيرة جداً

وفضل بيته فاضي لحد ما بدأت الناس الي بتعدي من قدام البيت بليل خصوصاً وقت صلاة الفجر يتدعوا إنهم بيسمعوا صوت صر.يخ واضح جداً خارج من بيته وده الي خلاهم يفكروا اكتر من مرة في اقتحامه بس الخوف كان غالب عليهم خوفاً ان يكون البيت مسكون جن

مجموعة تاني من الناس قالت انهم بيشوفوا بنت صغيرة عينيها سودة وكبيرة جداً بتظهر واقفة ورا الشباك ماسكة في ايديها شمعة ، لدرجة ان واحد منهم صورها وعرض الصورة على الناس الي شكوا في صحتها لحد ما تيجي مجموعة تاني تثبت صحة الصورة لأنهم شافوا البنت ديه فعلاً واقفة ورا الشباك اثناء مرورهم من قدام البيت

حالة من الذعر اصابت القرية بسبب الأحداث المتوترة الي بتحصل لحد ما تظهر واحدة ست من ضمن الاهالي هى الوحيدة الي حملها بيكمل لحد الشهر التاسع، كانت بشري لأهل القرية ان ممكن تكون اللعنة المنتشره ديه اتفكت، لكن يجي اليوم الي الست بتولد،
وهي في الأوضة بتاعتها ومعاها الست الي بتولدها زي عرف معظم القري ان الست بتولد على ايد دايا ويسمع صوتها زوجها وهو واقف قدام الاوضة صوت كلب بينبح جاي من اوضة مراته

استغرب الراجل من الي سمعه وفتح باب الأوضة عشان يلاقي مراته حتة من من رقبتها مقطوعة زي ما يكون معضوضة من حيوان مفترس لدرجة انه قطـ..ع حته من الرقبه مع العضة ، مش بس هي، ديه كمان الست الي بتولدها مقـ..تولة بنفس الطريقة بالظبط

الراجل اتفزع من من الي شافه ، زي ما يكون بيحلم, فضل يدور على ابنه ملقاش ليه اي وجود زي ما يكون مراته مكانتش حامل اصلا
، بس قال انه شاف كلب اسود بشكل مرعب كان واقف بيبص عليهم وفجأة دخل من الحيطة اخترقها كأنه هوا واختفي

الخبر قلب القرية واصابها بالرعب ، وده الي خلي الستات كلها تتفزع لما تعرف انهت حامل خوفا من ان يكون مصيرهم نفس مصير الست ديه، وبناء عليه كانوا بيجهضوا الجنين بنفسهم والموضوع اتقلب بدل ما الستات كان نفسها حملها يكمل بقوا مجرد ما واحدة تعرف انها حامل تجهض الجنين ، خبر الحمل بنبسالهم كان زي الي اتقـ..تلها قتـ..يل

بدأت الناس تدور على سبب او تفسير للي بيحصل ، واتقال ان الست ديه كانت ملبوسة والي كان فيه بطنها جن خصوصاً ان هي الوحيدة الي حملها كمل ، لكنه لما اتولد قتـ.. لها ، ويرجع تاني بيت الشيخ داود يظهر في الصورة وده بعد لما الأهالي رجعوا يسمعوا منه اصوات متكررة بس المره ديه اصوات بتهز القرية كلها لأطفال كتير بتبكي ويقرر اخيرا الناس يقتحموا البيت وتحصل المفاجأة

يدخل اهل القرية البيت ويلاقي انه مليان بجثـ.ث اطفال صغيرة في أعمار مختلفة وان الشيخ داود مكنش شيخ ولا مؤذن ده كان دجال بيقدم قرابين للجن وخصوصاً الورقة الي لقوها عنده مكتوبة بالدم

“طوفوا اليهم يا جنود المارد اجهضوا الاجنة وافسدوا الموائد بحق كل من حنث بالعهد ونكث الميثاق ليكن المو_ت على المشارف”

ده كان نص الكلام ، عشان يتقال ان سبب لعنة القرية هو داود الي كان بيدبر لمؤامرة كبيرة مع الجن ، والبنت الي كانت بتظهر كانت مجرد عروسة عنده في البيت كان متجسد فيها جن لترهيب الناس عشان محدش يفكر يشتري البيت او يسكن فيه

وان غرضهم من حادثة الست الي اتقـ..لت هو نشر الزعر بين الستات الحوامل عشان يجهضوا الاجنة بنفسهم ، بس بردو اتقال ان داود كان هيتوب في اخر الأيام ولما الجن عرفه انه هيخون العهد الي بينهم قتـ..له مش بس هو

دول لقوا جثـ..ة بنته ومراته الي كانوا فاكرينهم سابوا القرية

المرعب ان كل جثـ..ث الاطفال الي لقوها عنده كانت اطفال مخطوفة من القرية وقري مجاورة وتم تقديهم قرابين للجن والشياطين.. ويقرر الاهالي هدم البيت ويتبني مكانه مسجد

والي اكد صحة الرواية هو ان الستات رجعت تحمل وتولد بشكل طبيعي .