انا اختي

من حوالي خمس سنين أنا وأختي أميرة حديث أهل البلد كلهم، وده ببساطة لأننا اتخطبنا مع بعض واتعمل فرحنا في يوم واحد على دكتور ومهندس، وبما إن أهل البلد بسطاء ومش أي واحدة هتتجوز واحد مرموق فما بالك باتنين اخوات يتجوزوا مع بعض وكمان اتنين مكانتهم عالية وفوق ده كله أبويا مدفعش حاجة في جهازي أنا وأختي، كل ده خلى الكل يحقد علينا حقد شديد أوي، بل وبعض الستات حاولوا يعملوا أعمال عشان يبوظوا حياتنا بس مقدروش والدنيا استمرت معانا كويس أوي، أختي مع أول سنة خلفت بنوتة جميلة سمتها (أسيل) أما انا فاللأسف مخلفتش ولا بعد سنة ولا اتنين ولا أربعة، وبعد مشاكل كتير مع حماتي وحياة لا تُطاق اتطلقت وأجرت شقة وقعدت فيها لوحدي.

الموضوع ده كان أكتر موضوع كسرني في حياتي، ودخلت في حالة اكتئاب شديدة وروحت لأكتر من دكتور نفسي وكانت حياتي عبارة عن جحيم في جحيم، لحد ما سلمت للأمر الواقع وبقيت عايشة زي الم,يتة، أختي وجوزها حاولوا معايا كتير وكانوا معايا بصورة يومية عشان يخرجوني من الحالة اللي كنت فيها.

وكانت أميرة أختي بتبعت أسيل بنتها تبات معايا كل فترة عشان محزنش وأقع فر,يسة للوسا,وس والهلاوس، لحد ما فعلا بدأت أستجيب معاهم يوم بعد يوم، بس كنت بلاحظ حاجة غريبة، جوز أختي كان حنين بطريقة عجيبة مع أميرة، كان بيخاف عليها من الهوا الطاير، وعلى مدار 6 سنين عمره ما ناداها بإسمها دايما بيقولها (يا حبيبتي) معرفش ليه قارنت بين حياتها وحياتي آخر 3 سنين مع جوزي اللي كانت كل ساعة مشكلة وخناقة واهانات وتجريح.

معرفش ليه بقيت شايفة جوز أختي عامل زي الملاك، ملاك بجناحات زي ما بيقولوا، ومن كتر تركيزي معاه عشت معاه شهور طويلة في خيالي، مكنتش قادرة أطلعه من راسي لحد ما اكتشفت إني حبيته أكتر من أي حاجة في الدنيا كلها، حبيته وبقيت متعلقة بيه في كل حاجة، حتى إني بقيت شبه يوميا عندهم وبالأخص في الوقت اللي بيكون رجع فيه من الشغل، وكنت بحاول بأي طريقة إني أختلي بيه في أي موقف من ورا أختي.

وزاد التعلق أضعاف مُضاعفة لحد ما في النهاية قررت أتواصل معاه على الواتساب، كلمته مرة واتنين بس مكانش بيرد، ومن شغفي وجنوني بيه اعترفتله إني بحبه وبحب أشوفه كل يوم وبعتله رسالة طويلة أوي، فضل يوم كامل مردش عليها وبعدين رد، رد وقالي إنه متجوز أختي ولولا كدا كان بادلني نفس الشعور، قولتله عادي ممكن نتكلم كلام محترم بس ميبعدش عني.

ووافق، وافق عشان نتكلم أنا وهو في كل حاجة وأي حاجة، وزاد التعلق أكتر وأكتر وبدأت أدعوه لشقتي مرة واتنين لحد ما استجاب في النهاية بعد ما طلب مني أكتر من مرة صور مش كويسة ليا وبعتها، مكنتش مصدقة، كنت عايشة في حلم جميل، قالي إنه هيجيلي بكرة بس وهو لابس نقاب عشان محدش يشوفه، واستنيت الساعة بفارغ الصبر، لحد ما لاقيت الباب بيخبط، ودخل واحد لابس نقاب، واترميت في حضنه أول ما شوفته بس زقني بقسو,ة شديدة أوي.

كان جسمه مليان وكأنه واحدة ست، وقبل ما أستوعب اللي حصل لقيته رفع النقاب، مكنش جوز اختي، دي كانت أميرة، نظراتها ليا وقتها كانت قاسية أوي، عرفت منها ان من أول رسالة مني وجوزها حكالها كل حاجة، وهي اللي خدت الخط وبقت بتكمل كلام معايا عشان متكنش ظلماني، ودلوقتي اتأكدت حسب كلامها إني أقذ,ر إنسانة في الدنيا، وقالتلي إني لو فكرت بس أقرب من جوزها ولا منها أو بنتها هتنشر صوري قدام الدنيا كلها.

ومشيت وسابتني في حالة صدمة رهيبة، وقعت من طولي ومكنتش عارفة أفكر ولا أتصور ان ده ممكن يحصل أصلا، وفضلت أفكر وقت طويل لحد ما حكيت لواحدة صاحبتي من زمان وتعرفني أنا وأختي، قالتلي انها هتدخل وتحل المشكلة دي.

وبعد أيام كلمتني وقالتلي أختي حالفة لتنشر الصور وبعتت لمواقع ابا*حية عشان ينشروا الصور عندها وهي بتحاول تقنعها بس مش عارفة، واني لازم أتصرف بأي طريقة، وفضلت أفكر وأفكر لحد ما عرفت إن جوز أختي ميعرفش أي حاجة وان أميرة فهمته انها هزرت معايا والموضوع انتهى.

يعني محدش يعرف اني متهددة ولو اتخلصت من أختي خالص هتحرر من التهديد ده ويمكن أخد مكانها في بيتها يوما ما وأربي بنتها واتجوز جوزها، وفضل الشيط,ان يكبر الفكرة في دماغي بطريقة غريبة، لحد ما قررت في النهاية أنفذ.

قابلت أسيل وهي طالعة من المدرسة مرتين وكنت بجبلها شيكولاتة ودايما بوصيها متقولش لأمها اننا اتقابلنا لأني بعملها مفاجأة، وجبت شيكولاتة من نوع غالي وحطيت فيها حبة غلة وقفلتها كويس ووصيت أسيل تديها لأمها مهما حصل ومتاكلهاش.

كنت عارفة ان الموضوع مضمون وأمها هتموت ومحدش هيكتشف انها ما*تت بطريقة مشبوهة، بس اللي حصل إن أسيل روحت وملقتش أمها وكلت الشيكولاتة، وتعبت وجريوا بيها على المستشفى وما*تت، وبما انها طفلة فكان الشك أكبر وأبوها قرر يشرحها عشان يتأكد ان مو*تها طبيعي، وكانت النتيجة انها واخدة حبة غلة.

بلغوا الشرطة وراجعت كاميرات المحلات اللي قدام المدرسة ولقوها يوم وفاتها بتقابلني وبتاخد مني الشيكولاتة، وأمها حكت كل حاجة عني للشرطة وازاي كنت هاخد جوزها منها، واتقبض عليا وفي التحقيق رعشة جسمي فضح,تني وقولت كل حاجة، أختي فضلت تدعي عليا يومها بالجح,يم، واتحكم عليا بالإعدام ويوم المحاكمة أختي قالتلي انها حامل وان ربنا هيعوضها وينتقم لها مني وفضلت تضحك بصوت عالي، وقتها بس عرفت وانا قدام المو*ت إن اللي يبص لحياة غيره حياته تتقلب جح,يم، وان كل واحد فينا ربنا قدرله حياة معينة لو سخط عليها حياته كلها بتنهار.
(القناعة كنز لا يفنى)

شهدت أسعار الذهب تراجعاً ملحوظاً على المستويين العالمي والمحلي، حيث انخفضت الأونصة بمقدار 81 دولاراً والجرام في مصر بنحو 100 جنيه، ويرجع ذلك إلى ارتفاع الدولار الأمريكي، ويتوقع الخبراء أن يشهد السوق مزيداً من التقلبات في الفترة المقبلة.

#الذهب #أسعار_الذهب #اقتصاد