دماغي

كل اللي في دماغي الفترة دي إني أنتق.م من أقرب صاحب ليا أشد انتقا.م ممكن، ولما فكرت إني ا  لقيت إن مش ده الانتقا.م اللي يكفيني، أنا عايز حاجة أشد، عايز أقه.ره وأحر.ق د.مه، طالما هو السبب في إني أخسر كل ثروتي يبقا يستاهل، هو اللي فضل يلح عليا أشتري أسهم معينة في البورصة وفضل يأكد إني هضاعف ثروتي، ولما كسبت أكتر وأكتر طم.عني أخد قرض كبير من البنك، وأول ما دخلت الربا في الفلوس أتلفتها كلها، فج,أة انهيار في البورصة وفج.أة بقت ثروتي 200 جنيه أول عن آخر، ولما كلمته عشان يقف معايا ويساعدني على أساس إنه صاحبي اتفا.جئت بوش تاني خالص واتبرى مني وقال إني ضا.ربت بمزاجي وخدت كمان القرض بمزاجي وهو مالوش دعوة بالقصة دي، وعرفت إني لازم أسيب المنطقة كلها بل المحافظة كلها، البنك مش هيسبني وأنا عارف، لازم أهر.ب وأرجع بلد أبويا وأقعد هناك في البيت، مفيش مكان تاني، بس لازم انتقا.م.

انتقا.م في شر.فه، عشان كل ما يبص في وش مراته يفتكرني وأفضل كاسر عينه العمر كله، وبدون تفكير خدت معايا خن.جر واستنيت لما نزل من بيته، وطلعت شقته، مراته سألت عن اللي بيخبط قولتلها (أنا حُسام وجايب حاجة من جوزك هديهالك) وفتحتلي بحُسن نية بما إني صاحب جوزها وتعرفني معرفة شخصية ومتعرفش أي حاجة عن الشغل اللي بيني وبينه.

وحطيت الخن.جر على رقبتها، وساومتها على شرفها، بس الغريب إني اتفاجئت بنمرة متو.حشة عندها الموت أهون ألف مرة من إني ألمسها لمسة واحدة، اتفاجئت بواحدة بتص.رخ وبتشد السكينة لدرجة إنها اتجرحت في رقبتها، وضر.بتني في دراعي بالخنجر، ومسكت أي حاجة قابلتها وهي بتصر.خ وفضلت تضر.بني بيها، وعرفت إني لو اتأخرت ثانية واحدة الجيران هيحر.قوني حي، وهر.بت وأنا دراعي بينز.ف وأنا مذهول من قوة واحدة ست طولها ميتعداش 160 سم، وكأن دفاعها عن شرفها حولها لبطلة أولمبياد.

هربت على أقرب مستشفى خيطت الجرح وكنت مجهز حاجتي واختفيت من المحافظة كلها، وفي السكة لقيت رسالة من صاحبي ملخصها (هدبحك زي الكلب) وبقيت مُطارد من البنك ومُطارد من صاحبي ومُطارد من الشرطة لأنه أكيد هيعمل فيا محضر.

بس الميزة إن محدش يعرف بيت أبويا هنا في البلد، مقفول بقاله سنين طويلة، وروحت على هناك فتحت البيت وكلمت عمي وبلغته ميعرفش حد إطلاقًا إني موجود لحد ما أعرف أخرج من البلد كلها، وجابلي حد ينضف البيت وبقا بيبعتلي أكل كل فترة يكفيني أسبوع كامل.

حياتي كلها انتهت مرة واحدة وبدون أي مقدمات، شغلي والأمان اللي كنت فيه وحتى أقرب صاحب ليا، وفضلت مسجون يمكن شهر كامل، مبخرجش من البيت ومحدش يعرف إني موجود غير عمي وبعض الجيران اللي عمي فهمهم إني ابن واحد صاحبه، ما أنا سايب البلد وأنا عيل صغير ومحدش هيعرفني.

لحد ما لقيت ملجئ وحيد يقدر يستوعبني، السطح، شوية الهوا بتوع الصبح بتوع القرية قادرين ينسوك الدنيا واللي فيها، وبدأت فعلًا يوم بعد يوم اتأقلم على الحياة هنا، مفيش مانع أفضل هنا سنة لحد ما الدنيا تهدى، وأنا واثق إن عمي هيكفلني ولو طول العمر، عشان كدا هديت كتير، وبقيت بشغل نفسي في أي حاجة عشان الأيام تعدي، لحد ما طلعت في مرة وكان البيت اللي جمبنا فيه واحدة بتأكل الطيور، بنت شابة جمالها فلاحي اللي غصب عنها تخطف بصرك من أول نظرة، أول ما شافتني اتوترت وبدأت تمشي وهي مضطربة، تابعتها بعنيا شوية وبعدين أكلت الطيور ونزلت، الغريب إنها فضلت في بالي وخيالي بطريقة غريبة.

وتاني يوم طلعت على السطح كالعادة على أمل إني هشوفها، وبقت بتطلع مخصوص تأكل الطيور في الوقت ده عشان نفضل نبص لبعض في صمت، بس زي ما بيقولوا الشيطان شاطر، وبما إن الوقت بيكون لسة ضلمة وبعد الفجر اتهورت مرة ونزلت للسطح بتاعهم وهي بتراقبني بتوتر، قعدت معاها على السطح شوية نتكلم ونحكي، كانت لهجتها بسيطة بس كان واضح إنها متيمة بالشاب اللي لهجته قهراوية وريحته حلوة ولبسه كويس.

وفضلنا نتكلم مرتين كمان لحد ما تالت مرة عملنا الحرام، ورغم إنها كانت خجولة أوي إلا إنها استسلمت تمامًا، وعملتلها زي خشبة تطلع عليها وتعرف تطلع للسطح عندي كمان، وفضلنا على الحال ده أسبوع كامل، غرقانين في الحرام، حكتلي إنها اتجوزت من سنتين في البيت هنا راجل كبير وهي مُجبرة عليه ومبتحبوش، وإنها بتحبني أنا ومستعدة تعمل عشاني أي حاجة في الدنيا.

كنت فاكر إنها مجرد نزوة ليس إلا، بس البنت يوم عن يوم كانت بتحبني حُب مُبالغ فيه، وعدى تقريبا شهرين كنا بنتقابل كل يومين فيهم، لحد ما جالي عمي واتفاجئت إنه عرف اللي حصل معايا من قرض وغيره، وقالي إنه مستعد يسدد القرض عني ويشغلني معاه في التجارة بس بشرط أتجوز بنته عشان يضمن إني هحافظ على فلوسها من بعده.

طبعًا وافقت بدون أي تفكير، وبدأت أبعد (هدير) عني وأعرفها إني هتجوز بنت عمي، بس ردة فعلها صدمتني، قالتلي إنها مش هتسمح أبعد عنها أبدًا ولو بالموت، وإني لو عملت كدا هتروح تبلغ عني إني هربان من القرض اللي خدته، بما إني زي العبيط وفي لحظة نشوة حكتلها، مكنتش أعرف إنها هتمسك عليا الكلام ده، بل وهددتني لو اتجوزت هتحكي لجوزها إنها شافتني أكتر من مرة براقبها وهنا الناس دمها حامي جدًا على زوجاتهم وهيدبحوني.

كل اللي كانت عايزاه إني أفضل جمبها متحركش، ولو عرفت إني خطبت بس بنت عمي هتقلب عليا الدنيا، وعلى الناحية التانية عمي كان بيستعجلني وبدأ يشك فيا على تأخيري لخطبة بنته، وفضلت أفكر وأفكر، لحد ما تخيلت هدير هي مرات صاحبي اللي دمر ثروتي، أيوة هما شبه بعض، واحد دمر ثروتي، وواحدة مش عاوزاني أرجع تاني لحياتي، لازم أعاقب صاحبي في هدير، أنا شايف الاتنين شبه بعض تمامًا.

وقررت، نزلت مرة السطح عندها وفضلنا نتكلم لحد ما استدرجتها لفتحة المنور، تلت أدوار يعني لو وقعت على راسها هتموت، واستحالة حد يظن هنا إن حد زقها، ماهي على سطح بيتها لوحدها، وفضلت أسحبها لحد ما قربنا من فتحة المنور ورمتها منها عشان تقع في قلب البيت، وفي لحظة طلعت السطح عندي ونزلت تحت وحاولت أتمالك أعصابي تمامًا.

وفضلت مستني تلت أيام، إني أسمع خبر موتها بس مماتتش، جسمها كله اتكسر ومع ذلك فضلت عايشة، وجالي الخبر إنها قالت إني اتهجمت عليها وهي على السطح عشان أتعدى عليها ولما قاومتني رمتها من المنور، كلام منطقي ويتصدق جدًا، حاولت أهرب بس مسكوني في كمين على أول البلد، وسلموني للقسم، وهناك كانت كل البلاوي مستنية.

أقساط القرض

محضر  على مرات صاحبي

محاولة هدير

معرفش أنا وقعت الوقعة الغريبة دي ازاي، بس أنا واثق إنها بدأت بالطمع اللي ساقني ناحية الربا، القرض اللي كان سبب في فناء كل فلوسي، بعدها محاولة انتقام فاشلة، وبعدها علاقة حرام عشان أنسى الخسارة، كل ده في سنة واحدة تقريبًا، شاب ناجح يتحول للسجن في سنة بسبب إنه استهون بحاجات كتير أولها الربا ثم الحقد والطمع والانتقام وآخرهم العلاقة الحرام.

بقلم: أحمد محمود شرقاوي

……….

لو عندك أي حكاية غريبة أو مخيفة حصلت معاك أو مع حد تعرفه وعاوزني أكتب عنها في قصة بكرة كل اللي عليك إنك تبعتلي على الخاص على أكاونت أحمد محمود شرقاوي كل اللي تعرفه عن الحكاية أو الموقف المخيف ده بدون استئذان وتأكد إني هشوف رسالتك بأمر الله..

بقلم: أحمد محمود شرقاوي

…………

متنساش لو عجبتك القصة تعمل لاف وتعليق برأيك في كومنت..