حب في الزمن الخطأ

– نعم ياختي.

– قُلت حاجه غلط أو حرام.

– فجر الياس أكبر منك ازاي بتحبيه.

– نفخت بعصبيه:- يوووه ياعائشة.

– اتكلمت بهدوء:-

ياحبيبي الياس كبير مش صغير، ده عنده 36 سنه وانتي عندك 18 سنه، يعني قدك مرتين.

– زعقت شوية:- وأي المانع يعني، هو كان عنده 70 سنه، بعدين الحب عُمره مكان بالسن.

– برضو أكبر منك وعيب إنك تروحي تقفي لحد مايمشي من المدرسة اللي بيدرس فيها.

– قُمت ومشيت وانا بقول:- مش عايزة غيره ومش هوافق على غيره.

الياس آه أكبر مني وكان استاذي بس انا حبيته وده مش بإيدي، هو حرام أحبه يعني، مش حرام، قلبي مش في أيدي عشان اتحكم فيه واقوله تحب مين ومتحبش مين، أنا فجأه كده لقيتني بحبه ومتعلقة بيه، ومش هحب غيره.

هو حنين ولطيف، مش بيعاملني وحش أبداً، شخص لذيذ أوي، كأن حنية الدنيا كلها فيه، هو حد جميل، جميل أوي.. هو ممكن يحبني فـ يوم؟! آه ولية لا، انا اتحب ونص.

___________

– واقفة عندك بتعملي أي يا فجر.

– اتخضيت وإلتفت له:- مش.. مش بعمل.. بعمل حاجه.

– الياس.

– بص ليَّا وهو بيضيق عيونه:-الياس.

– قصـ..قصدي يعني انا انا يعني قصدي اقـ.. اقول استاذ.. استاذ حضرتك قصدي الياس.. مستر.. بدأت اعيط.

– مالك يا فجر.

– مشيت وسيبته وأنا بعيط.

قال وانا راحة اقوله إني بحبه، بلا نيلة بخاف من ضلي.

__________________

دخلت البيت وانا بمسح عيوني ووشي.

– مالك بتعيطي لية.

– حضنتها:- خايفه أوي.

– خرجتني من حضنها وهي بتقول:- اهدي تعالي نقعد على الكنبة ونتكلم.

– مشيت معاها وقعدنا على الكنبة واتكلمت:- كنت راحه اقوله.

– تقوليله أي.

– إني بحبه.