القطه

“تقدر القطة دي”

الجملة دي قالها مصطفى صاحبي وهو مبتسم جدا وعارف انه خلاص كسب الرهان، الرهان اللي كان على علبة سجاير ميريت، بصلي بكل استهزاء ومد ايده عشان اديله علبة السجا.ير..

بصتله شوية ببرود وروحت مطلع مطو.تي، فتحتها بعنف ومديت ايدي مسكت القطة بقوة، ثبت راسها وروحت فاصل راسها عن جس.مها في لحظة..

مفعول الحشيش شبه طار من عقول كل الحاضرين في الليلة دي، الكل كان مستغرب من قس.وة القلب اللي انا فيها دي، بس مهو ده العادي..

انا معلم على نص شباب الشارع بمط.وتي، حتى يوم ما ضر.بت بنت وامها مفيش راجل قدر يحوشني عنهم، انا المص.يبة، عوض المص.يبة..

ده لقبي، ولقب مجاش من فراغ، لاني حضوري معناه مص.يبة في المكان كله، عندي موهبة في مسك كل السلا.ح الابيض تقريبا..

السنجة

المط.وة

الخنجر

السيف

بعرف اتخا.نق مع خمسة مع بعض واعلم عليهم كلهم، ربك رزقني بقلب اتخلق من حجر مش من قلب ود.م، عارف ان القطة ملهاش ذ.نب، بس مش عوض المص.يبة اللي يخسر الر.هان..

القعدة شبه باظت لما اغلبهم انسحب اشفاقا على القطة والله اعلم، القطة اللي منزلتش ولا نقطة د.م واحدة..

محدش قدر يلاحظ ده تقريبا غير تاني يوم لما فوقنا من مفعول المخدرات اللي كنا بنتعا.طاها..

تاني ليلة كنت واقف في البلكونة بضرب السيجا.رتين زي العادة، كنت بتأمل الظلام اللي قدامي وخيالي عالي اوي، وده لاني عايش في منطقة جبلية، قدامي الجبل بظلا.مه وصمته المخيف..

في الوقت ده سمعت صوت مواء قطط من الخشن، اللي بيشبه صوت صرا.خ مش مجرد مواء، كان فيه تجمع تحت البلكونة، اكتر من عشرين قط واقفين، كانوا كلهم سود، اشكالهم غريبة، بس من امتا المص.يبة بيركز في التفاصيل دي..

كانوا بيصيحوا بمواء مزعج، مزعج جدا، وطبعا مفيش غير البيت بتاعنا اللي بيطل على الجبل مباشرة فمفيش غيري متضر.ر من وجودهم، صوت المواء كان مستفز لأبعد مدى، بصيت جمبي لقيت كوباية الشاي السخنة..

وفورا روحت حادفها بكل قوتي تجاههم، ونزلت المية السخنة على قط منهم عشان يصر.خ، قسما سمعت واحد بيصر.خ مش مجرد قط..

ولا يمكن يكون مفعول الحشيش، المهم انهم مشيوا من المكان خالص، مشيوا وري.حوني من صداعهم المستمر..

خلصت اموري ودخلت انام، في الليلة دي شوفت جن.ازة، جنا.زة رهيبة فيها اكتر من الف قط اسود، كانوا شايلين لوح خشب وعليه قط مفص.ولة راسه عن جسمه، وراسه كانت جمبه..

مشيوا بيها في قلب الجبل لحد ما وصلوا لحفرة مشتعلة بنار زرقاء مخي.فة، رموا فيها القط وراسه وفضلوا يصيحوا بهمهمات غريبة..

شوية وطلع قط منهم على مكان عالي وفضل يموء بصوت عالي جدا، كان وجهه الاسود بيشتعل بنا.ر حمرا، عينيه كانت بتخرج منها نفس النا.ر، وشوية وشاور لاخر الجبل، شاور ناحية بيتي..

صحيت من النوم حيران من الحلم الغريب، واضح ان الصنف كان عالي، عالي اووي..

بعد يومين تقريبا بالليل وانا واقف نفس وقفتي في البلكونة بحشش شوفت في ضوء الليل حاجات صغيرة كتير بتتحرك، معرفش دي كلاب ولا قطط، بس مش فارقة، مهو ورا الجبل فيه مقلب زبالة مليان قطط وكلاب..

ومن فوق الجبل لمحت قط واقف يبصلي، لمحته لان عينيه كانت زي شعاع الليزر واضحة جدا، ومخيفة للي يبص فيها..

الغريب ان قلبي بدأ يدق بقوة، انا اللي معنديش قلب، بصيت للقط في تركيز عشان اتنفض..

اتنف.ضت على صوت القط وهو بيصيح:

“تعااااالى”

“تعااااااااااااااالى”

كان بيقول كلمة تعالى بصوت المواء المخ.يف ده، بصيت للسيجارة في ايدي وحسيت اني هتج.نن، القط بيتكلم فعلا ولا ايه ؟؟

دخلت الاوضة بسرعة وقفلت البلكونة، بس صوته كان زي صوت النداهة..

“تعاااااااااااالى”

“تعااااااااالى”

الصوت كان محطم للأعصاب لأبعد مدى، شغلت اغاني في الاوضة عشان تخفي الصوت بس مقدرتش، الصوت كان عميق، قوي، بيختر.ق الزجاج والحيطان، وكأنه مركز على ودني بس..

انا هتجنن، هتجنن..

مددت على سريري وفضلت افكر في الجنان اللي بيحصل ده، الصوت فضل طول الليل يتردد بدون اي توقف، موقفش غير مع آذان الفجر، هو وقف من هنا وانا نمت من هنا..

وفي نومي شوفت نفسي في قفص حديد في قلب الجبل، وكان فيه قطط كتير حولين القفص، ونفس القط طلع على المكان العالي وشاور عليا، بعدها بدأ يتكلم مع تلت قطط كانوا تحت منه..

الكل كان صامت بيتابع كلامهم الغريب باهتمام، مكنتش فاهم ولا كلمة، كأنها همهمات او صوت طلاسم من اللي بيقولها السحرة..

في النهاية لقيت باب القفص اتفتح ودخل قط ضخم، القط كان في حجم الحصان تقريبا، كان عنده انياب ومخالب ضخمة..

وصر.خ، ص.رخ صرخة عنيفة وهج.م عليا، هجم وغرز مخالبه في دراعي عشان اقوم من نومي وانا بصر.خ، قومت من نومي حاسس بالألم، بصيت برعب عشان اشوف قط صغير غارز مخالبه فعلا في دراعي..

صر.خت من الألم ودفعته بعيد عني، جري ونزل تحت السرير، طلعت مطوتي من تحت المخدة وفتحتها، نزلت وانا خايف وفتحت النور لان الاوضة كانت ضلمة، بصيت تحت السرير، بس لا شيء، لا شيء اطلاقا..

بصيت للجر.ح لقيته بينز.ف د.م، ربطه عشان الدم وانا خلاص شوية وهتج.نن للأبد، خرجت من البيت وكانت الشمس مالية الدنيا..

في الليل كنت بتمشى شوية عشان اشوف طفل صغير ماسك عصاية وبيجري ورا قط اسود، شوفت امه بتجري وراه وتمسكه بقوة وهي بتقول

“يخر.بيتك انت عايز الجن يأذ.يك”

معقول ؟؟

ممكن فعلا تكون القطط دي من الجن ؟؟

هنا الستات بتؤمن ان القطط السودة اللي بتيجي من الجبل كلها جن، بل وبيبعدوا عيالهم عنهم، بس انا مكنتش بفكر في كل ده من الأساس..

وجه القط ينادي من تاني..

“تعااااااااالى”

“تعااااااالى”

الصوت كان اقوى من الليلة اللي فاتت، غير القط اللي لقيته في اوضتي، وبرضه غرز مخالبه فيا، وصر.خت، حاولت امسكه بس اخت.فى تحت السرير كالعادة..

“تعااااااالى”

وقعدت في اوضتي لأول مرة اترعش، حاسس ان فيه حد  قريب، ومحدش هيقدر ينجيني منه، واستمر الصوت طول الليل بلا انقطاع..

المخ.يف ان الجر.وح التهبت ومسك فيها عفن غريب، الجر.وح اسودت خالص وبقت بتاكل في جسمي زي النا.ر، روحت كشفت في المستشفى وادوني علاج يطهر الجر.ح وخلاص..

ومع الليل بدأ النداء

“تعاااالى”

ومع كل نداء كان الجرح بياكل في جسمي زي النا.ر”

“تعاااااااااالى”

نا.ر، نا.ر بتاكل فيا، وخرج القط الملعون عورني من تاني، بس المرة دي كانت راسه اد جسمه كله، شكله خلى جسمي كله يتنف.ض، انا بمووووت..

ونط من البلكونة بعد ما غرز مخالبه في بطني، قومت ربطت الج.رح وانا بصر.خ، الجر.ح اللي تاني يوم لقيت عليه دود اسود غريب عمال ياكل في جلدي..

وفهمت….

فهمت اني لازم اروح او هموت، لازم ارووح..

قابلت مصطفى اللي اتخض من منظري، خاسس، جسمي كله متبهدل، قعدت معاه وحكيتله..

قولتله اني القطة اللي  كانت من الجن، والجن  لو مروحتش، بصلي وكأنه بيبص لمجنو.ن، كملت حكايتي كلها ليه وسبته ومشيت وهو مذهول..

تاني يوم مصطفى بيقول انهم لقوا ج.ثة عوض في الجبل والراس مفصولة عن الجسم، والحكومة جت دفنت الج.ثة ولم تستدل على   اطلاقا..

“احمد محمود الشرقاوي