جوزي نسي الدوا بتاعه
هو بيروح فين بالظبط وإيه اللي بيعمله هناك
بعد حوالي نص ساعة وصل لنفس المبنى القديم
ركن عربيته ودخل
استنيت عشر دقايق وبعدها نزلت
المبنى كان شكله مهجور من بره لكن الباب كان مفتوح وفيه راجل كبير قاعد على كرسي بلاستيك جنب المدخل
قربت منه وسألته
لو سمحت يا حاج هو هنا شركة إيه
بص لي من فوق لتحت وقال
على حسب إنتي جاية لمين يا بنتي
أنا بدور على أستاذ حسام
الراجل عدل قعدته وقال
أستاذ حسام موجود فوق الدور التاني بس إنتي مين
اتوترت وقلت بسرعة
أنا قريبته وعايزة أسأله على حاجة
هز راسه ناحية السلم
اطلعي يا بنتي آخر طرقة على الشمال
طلعت السلم وأنا قلبي بيدق بسرعة
كان فيه باب خشب قديم في آخر الطرقة ومن وراه سمعت أصوات رجالة بتتكلم
خبطت
الصوت وقف فجأة
وبعد ثواني الباب اتفتح وظهر مروان
أول ما شافني وشه اتغير
نهى
قلت له وأنا ببص وراه
أيوه نهى أختك اللي كنت فاكر إنك تقدر تخبي عنها كل حاجة
مروان بص حواليه بسرعة وقال
إنتي جاية هنا ليه
ضحكت بمرارة
سؤال جميل جدا يا مروان كنت جاية أزور جوزي في شغله بس للأسف اكتشفت إنه مش في شغله وإن أخويا كمان بقى عنده شغل سري معاه
حسام ظهر
من وراه وقال بصوت منخفض
نهى اسمعيني بس
بصيت له
مش هسمع أي حاجة غير لما أعرف الحقيقة كلها
مروان خرج من الأوضة وقفل الباب وراه
تعالي نتكلم تحت
رفضت
لأ هنتكلم هنا قدام بعض لأن واضح إن الكلام اللي بينكم كتير وأنا عايزة أسمعه كله
حسام مرر إيده على وشه وقال
إنتي فاهمة الموضوع غلط
صړخت فيه
كل واحد بيكدب عليا بيقول الجملة دي إنتوا فاكريني عبيطة للدرجة دي
مروان قرب مني وقال
وطي صوتك شوية
بصيت له پصدمة
إنت بتقولي أوطي صوتي يا مروان بعد ما لقيتك بتقابل جوزي في السر
سكت لحظة وبعدها قال
إحنا كنا بنحاول نعمل حاجة لمصلحتك
الكلمة دي خلتني أضحك رغم إن قلبي كان بيتقطع
لمصلحتي أنا إنتوا بتكدبوا عليا كل يوم لمصلحتي
حسام مد إيده ناحيتي
نهى اقعدي وأنا هحكيلك كل حاجة من الأول
رجعت خطوة لورا
اتكلم
حسام بص لمروان وبعدها رجع بص لي وقال
من حوالي شهرين مروان كلمني وقال لي إنه واقع في مشكلة كبيرة
مروان قاطعه
حسام مش لازم تحكي كل حاجة
لفيت له بعصبية
إنت هتسكت دلوقتي يا مروان
حسام كمل
مروان كان داخل في مشروع مع واحد صاحبه في إسكندرية وكان حاطط فيه تحويشة عمره وكل الفلوس اللي كان
مجهزها علشان يبدأ حياة جديدة بعد ما يرجع القاهرة
بصيت لمروان
إنت عمرك ما قلت لي إنك داخل مشروع
مروان نزل عينه للأرض
حسام كمل
الشريك بتاعه انسحب فجأة وساب عليه ديون والتزامات كبيرة ولو ماكانش دفع المبالغ المطلوبة كان هيخسر كل حاجة وممكن الموضوع يوصل لقضية
سألته
وإنت مالك
رد بسرعة
لأنه أخوكي
قلت له
وأنا أخت مروان برضه وكان ممكن تقولي
مروان اتدخل أخيرا
أنا اللي طلبت منه ما يقولكيش
بصيت له
ليه
اتنهد وقال
لأني كنت عارف إنك هتزعلي وهتحاولي تساعديني بكل اللي عندك وأنا ماكنتش عايز آخد منك حاجة
فقررت تاخد من جوزي من ورايا
أنا ماخدتش منه حاجة
حسام قال بسرعة
أنا اللي عرضت أساعده
بصيت له بعدم تصديق
بفلوسنا إحنا يا حسام ولا فلوسك لوحدك
سكت
والسكتة دي كانت كفاية تخليني أحس إن فيه حاجة أكبر من مجرد مساعدة مالية
سألته
إنت دفعت له كام
حسام رد بعد تردد
حوالي تمنمية ألف جنيه
حسيت إن الأرض بتتحرك من تحتي
تمنمية ألف
المبلغ ده ماكانش بسيط بالنسبة لنا حتى لو إحنا مش عايشين في ضيق
ده مبلغ كنا بنجمعه من سنين علشان نشتري شقة أكبر ونأمن مستقبلنا
قلت بصوت مخڼوق
إنت استخدمت فلوسنا
من غير ما تقولي
حسام حاول يشرح
أنا ماخسرتش الفلوس يا نهى مروان هيرجعهالي على دفعات أول ما يبيع
