جوزى جاب مراته
جوزي جاب مراته الحامل اللي متجوزها عليّا في السر على عشا العيلة… بس مكنش عامل حسابه
كان المفروض الليلة دي تكون ليلة مثالية..
بقالي أسابيع عمالة أرتب وأحضر في كل تفصيلة: اخترت الأكل اللي الكل بيحبه، طلبت الورد، وعلقت الزينات في الجنينة.
كان العشا السنوي ده عادة عائلتنا، اللحظة اللي بنلم فيها الشمل ونحتفل سوا.
وبعدين وصل جوزي.
بس مكنش لوحده.
كانت واقفة جنبه ست، لابسة فستان أحمر يخطف العين، وحاطة إيدها براحة على بطنها اللي بدأت تدور وتكبر.
الصدمة مكنتش عشان حلاوتها..
لا، دي كانت عشان إيد جوزي، اللي حاططها بفخر على بطنها، وكأنه بيقدم أهم إنجاز عمله في حياته.
الكل سكت، الشوك والسكاكين وقفت في الهوا، وأبويا كان هيروح فيها من كتر المفاجأة
وزي عادته، قطع السكوت ده بثقة وهو بيبصلي:
— عايز أعرفك على ضرتك الجديدة، دينا الانسانه ال حبتها واخترتها ولازم الكل يتقبلها لانها شايلة ابني في بطنها، وحسيت إن الوقت جه عشان العيلة كلها تعرفها وتتعرف عليها.
كلماته دخلت قلبي زي السهم..
لكن، في سري.. كنت عارفة.
تأخيره اللي بيكتر كل شوية، سفراته اللي بتيجي فجأة، المكالمات اللي كان بيرد عليها وهو بيوشوش بعيد عني..
كنت عايشة بقالي فترة طويلة على حافة الاكتشاف ده، خايفة من اللحظة اللي كل شكوكي فيها هتتحول لحقيقة قدام عيوني.
ومع كدة.. منهار تش.
رفعت راسي بثبات.
عشان أنا، على عكسه، كنت مستعدة.
المظروف اللي محطوط قدامي على الترابيزة..
مكنش فيه ورق طلاق زي ما الكل كان متوقع..
لا، ده كان فيه حاجة أشد قسوة وأصعب بكتير..
سلاح قاطع، قادر إنه يمزق كل أوهامه وأحلامه في لحظة واحدة.
#الكاتبه_نرمين_عادل_همام
كان فاكر إنه هيذلني، إنه هيفضحني قدام الكل وإني زوجة ممكن أستبدالها بسهوله .
بس الليلة دي..
مش هتمشي زي ما خطط ليها أبدًا.”….يتبع
بلغت أسعار جنيه الذهب اليوم عيار 21، في محلات الصاغة، 46480 جنيهًا، وهذا السعر يساوي الذهب الخام، بدون مصنعية أو ضريبة أو دمغة، ويزن 8 جرامات عيار الذهب 21.
أسعار جرام الذهب اليوم بالدولار
سجلت أسعار الذهب عالميا اليوم، خلال تداولها بورصة نيويورك وقت كتابة هذا التقرير، كالآتي:
سجلت أسعار جرام الذهب عيار 24 نحو 128.10 دولار.
