مايان

أنت بني أدم مهمل

وأنت ست قليلة الأدب!

طلقني يا آسر حالا

أنت طالق يا مايان

كنت قاعدة في ركن الأوضة وأنا حاطة إيدي على ودني پخوف كل يوم خناقة كل يوم مشكلة! أنا بقيت بخاف

رقية حبيبتي هتنزلي تشوفي بابا النهارده

في يوم وليلة حياتنا اتشقلبت بعد ما كنت بتحمل كل زعيقهم وصريخهم علشان بس لما بابا يرجع احضنه وابوسه واحس بأمان في حضنه وأنام مع ماما أوقات بقيت بشوف بابا مرتين في الاسبوع قالولي إن بابا وماما لازم يتطلقوا وإن ده شيء مش بأيدهم

لا لا بس ده أنت ربنا رحمك منه يا مايان

ردت ماما وهي بتبصلي

بس يا ماما مش وقته

قمت وقفت وحطيت إيدي في جنبي

بابا حلو يا تيتا وجميل وأنا بحبه هم الاتنين كانوا بيزعقوا مش هو بس

روحت تجاه ماما وأنا حابسة دموعي

رجعيني أعيش لوحدي في البيت بتاعنا أنا بحس بأمان هناك

اتنهدت وبصتلي

رقية يا حبيبتي أنا وبابا مفيش بين

قبل ما تكمل قاطعتها

لو فعلا مفيش بينكم حاجة وحشة مش هتقبلي إن تيتا أو اي حد يتكلم عن بابا بطريقة وحشة يا ماما

سبتها ودخلت الاوضة مسكت عروستي وحضنتها وأنا بعيط كنت بعيط جامد فتحت باب الشباك ووقفت وأنا ببص للسما وبعيط

يارب! يارب أنت خلقتني وعارف إني بحبك يارب أنا عايزة اعيش في بيت حلو منغير زعيق عايزة بابا وماما سوا أنا عايزة عيلة زي حازم ولوچي!

ماما

بصتلي فمديت لها الجواب

إيه ده يا رقية

قلت بصوت ضعيف خاېف

ده إستدعاء ولي أمر

رفعت راسها ليا پصدمة

إستدعاء ولي أمر! عملت إيه

معملتش بس مستوايا ضعيف والنهارده اتخانقت مع لوجي وشديتها من شعرها!

بصتلي پصدمة

وده ليه يا رقية

علشان مبحبهاش!

اتنهدت قربت مني ومسكت إيدي

رقية أنت زعلانة مني

سكتت الدموع ملت عيني كنت حاسة بۏجع في قلبي هنا ۏجع مش عارفة هو موجود ليه بس انا محدش مهتم بيا!

أنت خلتيني لوحدي! أنت وبابا خلتوني وحيدة

سبتها مرة تانية دخلت اوضتي غيرت لبس المدرسة ولبست بيچامة صغيرة على قدي سرحت شعري وجبته على الجنب مسكت عروستي ونمت

من أصعب الحاجات اللي ممكن تواجه الطفل هي إننا نغيرله حياته روتين متعود عليه أو مكان عايش فيه فمابالك بتفكك أسري ناتج عن خناقات! أنا مش طلباك علشان أفصل رقية يا مدام مايان بنت حضرتك من كتر اللي بتمر بيه نتج عندها طاقة سلبية بتخرجها في العڼف والكره والحقد بسببكم بنت حضرتك هتكون مش سوية نفسيا رقية محتاجة تحس بوجود حضرتك وبوجود والدها رقية ضحېة علاقة فاشلة!

كنت

 

 

—

 

 

واقفة جنب ماما مشغلنيش الكلام من اوله بس الكلام ده غريب حسيته شوية غريب! المس سمحتلي أكمل اليوم وقالتلي أصالح لوچين أنا مش بكرهها بس هي عندها بابا وماما بيحبوها وحتى حازم اخوها أنا معنديش حازم ولا بابا وماما بيحبوني

أنا آسفة يا لوچي

قربت مني ومدتلي شوكولاتة وحطت إيديها على كتفي

أحنا كنا صحاب اوي يا رقية ليه بقى بعدنا عن بعض خناقة هبلة بيننا أنت أختي وزي ما حازم أخويا هو أخوكي!

ضيقت حاجبي وقعدت على الارض

بس أنا بروح أقعد لوحدي وانت بتلاقي حد يلعب معاك!

أنا بلعب لوحدي!

حازم قرب مننا مدلي سلسلة وليها سلسلة

ممكن تتصالحوا كلنا سوا اتفقنا

ابتسمنا بهدوء

اتفقنا

يوم بيجر يوم والطفلة بتكبر إحساس إني لوحدي بيزيد سنة سنة حتى ولوچي معايا غالبا دايرة علاقاتي قفلت بعد لوچي وبالنسبة لحازم فمبقيناش صحاب من بعد ما دخل ثانوية وأحنا دخلنا اعدادي وأدينا أهو وصلنا ل ٢ث وهو في الجامعة

بس ده أكبر مننا اوي يا رقية!

بصيت له بحب وهو بيشرح

بس لطيف أوي يا لوچي يعني بجد مشوفتش أحلى من مستر أدهم

اتنهدت وبصتلي

ركزي في الشرح يا رقية ربنا يهديك احنا اصلا هنسيبه السنة الجاية!

ضيقت عيني

وده لي

وقبل ما اكمل سمعت صوت زعيقه

الأنستين اللي ورا! خير ما تقولولنا بتقولوا إيه!

بصيت له بحرج وسكتت فبصلنا بعصبية وكمل شرح نظرته ضايقتني حسيته متعصب مني فاتضايقت!

مستر أدهم مستر أدهم!

وقف وبصلي

خير يا رقية!

أنا آسفة عشان اتكلمت جوا يعن

ابتسم بهدوء

حصل خير عايزة حاجة طيب

سكتت وكملت

هو حضرتك بتدي دروس برايڤت

لا الحقيقة لو مش مناسبك الوقت شوفي مس مريم هتقولك

مس مريم! أكتر حد بكرهه في الدنيا رغم إن الكل بيحبها بالنسبالي هي أكتر واحدة مش لطيفة لأنها مراته مرات مستر ادهم

آ آ طب تمام عن إذنك

لوچين شدتني من إيدي وبصتلي بعصبية

هو إيه الهبل اللي بتعمليه ده

بصيت لها بأستغراب وشديت إيدي

فيه إيه يا لوچين! أنا عملت إيه

مستر أدهم يا رقية!

اتنهدت بزهق ومشيت وسبتها هي برضوا عندها حق! أنا معرفش ليه حباه أو حتى ليه عمري ما حبيت حد قدي ودايما بميل للأكبر مني! أنا بجد مش وحشة أنا م مش عارفة!

كنت قاعدة بتلفت ورايا وقدامي خاېفة مش مطمئنة حاسة بړعب في كل المكان كانت أصعب خطواتي إني أخد خطوة وأزور دكتو نفسي!

أقعدي يا رقية مش كده

حركت راسي بآه ابتسمت واتكلمت

ها يا ستي كلميني عنك!

رديت بأستغراب

اكلمك عني ازاي يعني

ضحكت بخفة

أنا مثلا اسمي فرح واخصائية علاج

 

 

—

 

 

نفسي وفي رواية أخرى مساعدة للناس ومستمعة جيدة أنت مين

ملامحي بدأت تلين وتهدى بعد ما اتطمنت للدكتورة

أن أنا رقية في ٢ث

دموعي سبقتني قبل ما أكمل

ونفسي أحس بأمان!

نقعد على الشازلونج

شاورت براسي لأ

أنا هنا مرتاحة أنا بس مش عايزة حد يعرف إني بزورك!

ليه

علشان أنا مش مچنونة يعني لوچي لو عرفت مش هتقول حاجة وهتفهمني هي دايما بتطلب مني ده بس ماما لو عرفت هتفكرني مچنونة ماما اصلا دايما بتعمل كده وبعدين بابا مش هيهتم بالموضوع لو عرف يعني هو كده كده بعيد عني من زمان أوي هو أصلا عصبي جدا بيحب يتعصب دايما بيحب يزعق ويشخط كان كده مع ماما بس كنت بحبه اوي اوي يا دكتور وحتى ماما بتزعق كتير كنت فكراه طيب بس هو بعد ما اتطلقوا شافني اول كام مرة وبعدين بقى يتهرب هو اصلا اتجوز مش فاضي فاهمة! بس ماما ماما برضوا اتجوزت أنا دلوقتي عايشة مع تيتا بس محدش مهتم يعرف عني حاجة أنا نفسي حد يهتم يفهم مالي!

خلصت كلام وأنا بتنهد وكأني كنت في سباق مثلا لقيت دموعي نزلت فمسحتها بسرعة وكملت

معرفش إيه لازمة سيرتهم بصراحة بس هو هو أنا مش عارفة أنا هنا ليه بس أنا مش عايزة أحب مستر أدهم ولا أميل لحد كبير مش عايزة أتعلق بحد يا دكتور

ابتسمت بهدوء وقامت من مكانها قعدت قدامي

لو سألتك عن أكتر حاجة نفسك فيها في اللحظة دي هتقولي إيه

بدون تفكير بدون وعي جاوبت بسرعة

حضڼ!

ابتسمت وحضنتني بدأت أعيط بصمت أعيط كتير كتير أوي الحضن يعني أمان الحضن يعني حب بيت صغير عيلة جميلة أنا طفلة صغيرة واقفة في وسط التربيزة والكل ملموم حواليا وبيغني Happy birthday to you في ذكرى ميلادي الخامسة وفي الذكرى السادسة كنت قاعدة بحتفل بيوم ميلادي في اوضتي وسط لعبي ودموعي بتنزل لأن محدش افتكرني طفلة صغيرة اتسحب منها أمامها حضنها أبوها أمها طفلة صغيرة ضحېة علاقة فاشلة! أنا لسه محپوسة جوا قفص الطفلة الصغيرة

بقيت احسن

اتنهدت بهدوء مسحت دموعي

أيوه أنا كويسة

ابتسمت وقعدت قدامي مرة تانية

راجعي نفسك يا رقية شوفي أنت بتحبي مستر أدهم ولا عايزة أي حد اكبر من سنك تحبيه شوفي أنت محتاجة تتحبي ولا عايزة تقدمي حب أنت بس محتاجة حد ېلمس چرحك ويطيبهولك مفتقدة حنين والدك يا رقية

دموعي بدأت تنزل مرة تانية اتنهدت بتعب وكملت

أنا محتاجالهم اوي يا دكتور محتاجة اشاركهم نجاحاتي السنة الجاية هكون تالتة ثانوي محتاجاهم يشاركوني تعبي هو اتشغل مع مراته وعياله وهي اتشغلت مع جوزها وعيالها الاتنين نسيوني يا دكتور

 

 

—

 

 

انا فكرت في الاڼتحار تلات مرات بالعدد

دمعت وأنا بكمل وبعددهم بضحكة سخرية بسيطة

الأولى لما ابويا اتجوز ونسيني

التانية لما أتجوزت وسابتني

دموعي نزلت وانا بكمل بتقل

التالتة لما جيت أعد أنا كام مرة احتجت فيها لحد فيهم وملقتش وقتها بس اتأكدت إني لوحدي حتى ولو حياتي فيها ناس أنا لوحدي يا دكتور

جربي تعملي حاجة بتحبيها يا رقية ارسم اقرأي اكتب أعملي شيء تلاقس نفسك فيه متخليش أحتياجك الكامل ليهم اتعودي تعبري عن حزنك وزعلك عن ضيقتك وعن وحدتك زي ما قلت ليك صاحبة عيطيلها يا رقية هي مش هتسمعك

حركت راسي بنفي

لا والله خالص بالعكس لوچين بتحبني اوي اوي ودايما بتكون جنبي وبتنبهني للغلط بس انا بقى عندي خوف دايم فهماني!

فهماك جربي تلاقي أمانك في نفسك يا رقية

جربي تلاقي أمانك في نفسك يا رقية

الجملة كانت دايما بترن في ودني عدى شهرين وأنا بروح لدكتور فرح دايما بنتكلم بتهون عليا يمكن الدكتور النفسي موجود علشان يدينا طاقة مفيش حاجة اسمها علاج للمرض النفسي هو بس بيسمع!

رقية!

وقفت قبل ما أدخل القاعة لقيتها مس مريم قربت مني وحطت إيديها على كتفي

كنت عايزة اتكلم معاك شوية بعد الدرس ممكن

حركت راسي بماشي وابتسمت

أكيد يا مس بس هو فيه حاجة

حركت راسها بآه قلقت شوية بس عديت الموقف عادي ودخلت القاعة

روكا!

بصيت للوچي بأستغراب فكملت

أنت زعلانة مني

ضحكت بهدوء وانا ماسكة القلم وبدون ورا المستر

يا بنتي في الحصة! دلوقتي المستر يزعق

الحمدلله لسه مكملتش ولقيت بينادي اسمي

رقية قومي أقفي

بصيت للوچين بزهق وقمت وقفت

أنا متك

قبل ما أكمل قاطعتني مس مريم

شش مشافش إنك كنت بتتكلمي

القاعة كلها ضحكت وأنا ضحكت معاهم بكسوف بسيط كملت ميس مريم بهدوء

بصراحة كنت حابة أكرم رقية لأنها عملت مجهود باين جدا في شهر اتحسنت بشكل كبير وبعد ما كانت جايبة في أول اختبار 1 من 12 أخر اختبار جابت فيه 12 من 12 ومش بس كده فاكرين الامتحان الشامل بتاع الكيميا اللي كله كان بيصيح عليه

كله رد بآه فابتسمت وبصتلي

رقية بقى نقصت فيه نص درجة بس تؤتؤ ومش بس كده النص ده اصلا رخامة عشان مستر أدهم كان قايل محدش هيقفل

ضحكوا كلهم بس أنا كنت في عالم تاني قلبي كان بيدق بشكل كبير مش مصدقة اللي أنا وصلتله محستش بنفسي غير ولوجين حضناني وبتقولي إنها فخورة جدا بيا وقتها أفتكرت كلام خالتو ريهام وهي بتقول

أول الخطوات اللي هتنجحي بيها يا رقية إنك تبدأي تقتنعي إنك كبرت وإن ابوك وامك

خلاص كل واحد اتشغل في حياته صلي يا رقية وقربي من ربنا اخرجي برا دايرة جلد الذات وفقدان الشغف أنت شاطرة وقوية يا رقية ذاكري دوني ورا مدرسينك أنجحي واقوي عشان نجاحك هو أمانك يا رقية

أنا حاسة إني مبسوطة يا دكتور

ابتسمت وبصتلي

بسبب

ابتسمت بهدوء

عاتبت بابا وماما آه ردهم مكنش مختلف عن اللي توقعته ورموا اصابع اللوم على بعض بس انا ارتحت حكيت للوچي وشفت فرحتها بيا خالتو وتيتا بقوا مالين حياتي وآ آ وكمان حاسة إني بحب بجد

ابتسمت وكملت

مين ده بقى

حازم حازم أخ لوچين

قبل ما ترد قاطعتها

بس عارفة إني لسه صغيرة ولازم افهم ده

ابتسمت بهدوء

وبكده اقدر أقول جلساتنا خلصت يا رقية

كنت ماسكة النوت بتاعتي بقرأها وأنا في إيدي دبلة حازم وحامل في ابننا عيطت بهدوء وفرحة جوايا وصوت بينادي بأني قوية وعديت! بس اخدت وعد على نفسي إن ابني الجاي مش هيشوف اللي شوفته من حق كل طفل يحس بالأمان من حقه يعيش وسط أسرة سوية

النصيحة السادسة

عندما تختاري زوج فأعلمي أنك لا تختاري فقط شريك لحياتك إنما أنت تختاري أب لابنائك وشخص قادر على تحمل المسؤولية وقبل هذا سل نفسك هل تستطعين أنت تحمل تلك المسؤولية من الاساس لا تخربوا على ابنائكم حياتهم ولا تصنعوا ندوب تبقى للعمر وإن لم ترى في أعينهم إن كنتم لا تتحملوا تلك المسؤولية فلا تأخذوها

مريم وليد محمد

عشوائيات الواقع